Kisan Credit Card: કિસાન ક્રેડિટ કાર્ડ પર કેટલી લોન મળે ? અરજી માટે ક્યાં ડોક્યૂમેન્ટ જરુરી, જાણો તમામ જાણકારી 

કિસાન ક્રેડિટ કાર્ડ (KCC) એ એક સરકારી યોજના છે, જેનો હેતુ ખેડૂતોને કૃષિ કાર્ય માટે સસ્તી અને સરળ વ્યાજ લોન આપવાનો છે.

પ્રતિકાત્મક તસવીર

Source : એબીપી લાઇવ

Kisan Credit Card: કિસાન ક્રેડિટ કાર્ડ (KCC) એ એક સરકારી યોજના છે, જેનો હેતુ ખેડૂતોને કૃષિ કાર્ય માટે સસ્તી અને સરળ વ્યાજ લોન આપવાનો છે. તેને ભારતીય રિઝર્વ બેંક (RBI) અને નાબાર્ડ (નેશનલ બેંક ફોર એગ્રીકલ્ચર એન્ડ રૂરલ ડેવલપમેન્ટ) દ્વારા પ્રમોટ કરવામાં આવે છે. KCC હેઠળ ખેડૂતોને તેમની કૃષિ પ્રવૃત્તિઓ, પશુપાલન, માછીમારી, પાક વીમો અને અન્ય કૃષિ સંબંધિત કાર્યો માટે લોન આપવામાં આવે છે.

કૃષિ કાર્ય માટે જમીનના કદ, પાકના પ્રકાર અને અંદાજિત આવકના આધારે લોનની રકમ નક્કી કરવામાં આવે છે. સામાન્ય રીતે, કિસાન ક્રેડિટ કાર્ડ હેઠળ ખેડૂત 1.60 લાખ રૂપિયા સુધીની લોન મેળવી શકે છે, ખાસ કરીને જો ખેડૂત પશુપાલન અથવા અન્ય કૃષિ સંબંધિત પ્રવૃત્તિઓ સાથે સંકળાયેલો હોય.

વ્યાજ દર

લોન પરનો વ્યાજ દર 7% થી 9% સુધીનો છે, જે અન્ય લોનની તુલનામાં ઘણો ઓછો છે.
જો ખેડૂત સમયસર લોનની ચુકવણી કરે તો તેને 3% નું રિબેટ પણ મળી શકે છે.

લોનનો ઉપયોગ

આ લોનનો ઉપયોગ વિવિધ કૃષિ હેતુઓ જેમ કે બિયારણ, ખાતર, જંતુનાશકો, કૃષિ સાધનો, ટ્રેક્ટર, સિંચાઈ વ્યવસ્થા, કૃષિ વીમો વગેરે માટે થઈ શકે છે.

લોનની રકમ સીધી ખેડૂતના ખાતામાં જમા કરવામાં આવે છે, અને લોનની ચુકવણી માટે એક નિશ્ચિત સમય મર્યાદા આપવામાં આવે છે, સામાન્ય રીતે 12 મહિના સુધી. આ દરમિયાન ખેડૂતને લોનની ચૂકવણી કરવાની હોય છે.

કિસાન ક્રેડિટ કાર્ડ માટે કેવી રીતે અરજી કરવી

ખેડૂતો તેમની નજીકની બેંક શાખામાંથી અરજી ફોર્મ મેળવી શકે છે.  ઘણી બેંકો ઓનલાઈન એપ્લિકેશનની સુવિધા પણ પૂરી પાડે છે, જ્યાં તમે બેંકની વેબસાઈટ પરથી અરજી ફોર્મ ડાઉનલોડ કરી શકો છો. અરજી ફોર્મ ભરો. અરજી ફોર્મમાં તમામ જરૂરી માહિતી ભરો જેમ કે નામ, સરનામું, ખાતાની વિગતો, ખેતીની જમીન સંબંધિત માહિતી વગેરે.જરૂરી દસ્તાવેજો જોડો. અરજી સાથે તમામ જરૂરી દસ્તાવેજો જોડો. તમામ દસ્તાવેજો જોડીને બેંક શાખામાં અરજી સબમિટ કરો.

સમીક્ષા અને મંજૂરી

બેંક દ્વારા તમારી અરજી અને દસ્તાવેજોની તપાસ કરવામાં આવશે. જો બધી માહિતી સાચી જણાય, તો તમારી KCC અરજી મંજૂર કરવામાં આવશે.  

કિસાન ક્રેડિટ કાર્ડ માટે જરૂરી દસ્તાવેજો

ખેતીની જમીનનો પુરાવો

જમીન માલિકીના પ્રમાણપત્ર, લીઝ પ્રમાણપત્ર અથવા જમીન રજીસ્ટરની નકલ.

આધાર કાર્ડ

ઓળખ માટે આધાર કાર્ડની નકલ.

પાન કાર્ડ

જો ઉપલબ્ધ હોય તો PAN કાર્ડની નકલ.

બેંક એકાઉન્ટ સ્ટેટમેન્ટ

બેંક પાસબુક અથવા એકાઉન્ટ નંબર અને IFSC કોડ ધરાવતી સ્ટેટમેન્ટની નકલ.

પાસપોર્ટ સાઇઝનો ફોટો

અરજી સાથે એક કે બે પાસપોર્ટ સાઇઝના ફોટોગ્રાફ.

પાક સંબંધિત માહિતી

પાકની માહિતી, જેમ કે કયા પ્રકારનો પાક ઉગાડવામાં આવે છે અને વર્ષના કેટલા મહિનામાં પાક વાવવામાં આવે છે.

ઓળખ કાર્ડ

કોઈપણ સરકારી ઓળખ કાર્ડની નકલ (જેમ કે મતદાર આઈડી, રેશન કાર્ડ, ડ્રાઈવિંગ લાઇસન્સ).