PM Kisan Yojna: પીએમ કિસાન યોજનાનો 19મો હપ્તો આ તારીખે આવશે બેન્ક એકાઉન્ટમાં, ફટાફટ કરો આ કામ
PM Kisan Yojna:પ્રધાનમંત્રી કિસાન સન્માન નિધિ (PM-KISAN) યોજના હેઠળ લાભ મેળવવા માટે e-KYC જરૂરી છે
PM Kisan Samman Nidhi: પીએમ કિસાન સન્માન નિધિ યોજનાનો 19મો હપ્તો કેન્દ્ર સરકાર ફેબ્રુઆરીના અંત સુધીમાં જાહેર કરશે. મીડિયા રિપોર્ટ્સ અનુસાર, કેન્દ્રીય કૃષિ મંત્રી શિવરાજ સિંહ ચૌહાણે કહ્યું છે કે પ્રધાનમંત્રી નરેન્દ્ર મોદી 24 ફેબ્રુઆરીએ બિહારની મુલાકાત લેશે અને કૃષિ કાર્યક્રમોમાં ભાગ લેશે અને અન્ય વિકાસ કાર્યક્રમો શરૂ કરશે અને ત્યારબાદ તેઓ પીએમ કિસાન યોજનાનો 19મો હપ્તો ખેડૂતોના બેન્ક એકાઉન્ટમા મોકલશે.
ફટાફટ કરાવો eKYC
પ્રધાનમંત્રી કિસાન સન્માન નિધિ (PM-KISAN) યોજના હેઠળ લાભ મેળવવા માટે e-KYC જરૂરી છે. પ્રધાનમંત્રી નરેન્દ્ર મોદીએ 15 ઓક્ટોબર, 2024 ના રોજ પ્રધાનમંત્રી કિસાન સન્માન નિધિ (PM-KISAN) યોજનાનો 18મો હપ્તો બહાર પાડ્યો હતો
પીએમ કિસાન યોજના શું છે?
પીએમ કિસાન એ કેન્દ્ર સરકારની યોજના છે, જે ભારત સરકાર દ્વારા 100 ટકા ભંડોળ પૂરું પાડવામાં આવે છે. આ અંતર્ગત હપ્તાની રકમ સીધી લાભાર્થીઓના બેન્ક ખાતામાં ટ્રાન્સફર કરવામાં આવે છે. આ યોજના હેઠળ જમીનધારક ખેડૂત પરિવારો (જેમના નામે ખેતીલાયક જમીન છે) ના આધાર-લિંક્ડ બેન્ક ખાતામાં દર ચાર મહિને 2,000 રૂપિયાના ત્રણ સમાન હપ્તામાં વાર્ષિક 6,000 રૂપિયાની ચુકવણી કરવામાં આવે છે.
eKYC કરવું શા માટે જરૂરી છે?
eKYC કરવું જરૂરી છે જેથી યોજનાના લાભો કોઈપણ વચેટિયાની સંડોવણી વિના દેશભરના તમામ ખેડૂતો સુધી પહોંચે. આનાથી છેતરપિંડીની શક્યતા ઓછી થાય છે.
પીએમ કિસાન યોજનાના લાભાર્થીઓ માટે eKYC ની ત્રણ પદ્ધતિઓ છે
OTP આધારિત e-KYC (PM-KISAN પોર્ટલ અને મોબાઇલ એપ્લિકેશન પર ઉપલબ્ધ)
બાયોમેટ્રિક આધારિત ઇ-કેવાયસી કોમન સર્વિસ સેન્ટર્સ (CSC) અને સ્ટેટ સર્વિસ સેન્ટર્સ (SSK) પર ઉપલબ્ધ છે.
લાખો ખેડૂતો દ્વારા ઉપયોગમાં લેવાતો ફેસ ઓથેન્ટિકેશન-આધારિત ઇ-કેવાયસી (પીએમ કિસાન મોબાઇલ એપ્લિકેશન પર ઉપલબ્ધ)
પીએમ કિસાન યોજના માટે કેવી રીતે નોંધણી કરાવવી?
યોજનાના પાત્ર લાભાર્થીઓએ આધાર કાર્ડ, નાગરિકતા પ્રમાણપત્ર, જમીનની માલિકી દર્શાવતા દસ્તાવેજો, બેન્ક ખાતાની વિગતો સાથે e-KYC પ્રક્રિયા પૂર્ણ કરવાની રહેશે.
સૌ પ્રથમ પીએમ-કિસાન પોર્ટલ પર જાવ અને રજિસ્ટર ઓનલાઈન પર ક્લિક કરો.
તમારા નજીકના કોમન સર્વિસ સેન્ટર (CSC) ની મુલાકાત લો.
તમારી રાજ્ય સરકારના નોડલ અધિકારીઓનો સંપર્ક કરો.
સ્થાનિક મહેસૂલ અધિકારીનો સંપર્ક કરો.
આ પણ વાંચો
ખેડૂતો બરબાદ થયેલા પાકના પુરા પૈસા મેળવી શકે છે, આ છે ખૂબ જ સરળ રીત
ટોપ સ્ટોરી
ટ્રેન્ડિંગ સમાચાર
