PM Kisan 20th Installment: ખેડૂતોના ખાતામાં ક્યારે આવશે 20મો હપ્તો, જાણો લેટેસ્ટ અપડેટ 

દેશભરના લગભગ 9.8 કરોડ ખેડૂતો પ્રધાનમંત્રી કિસાન સન્માન નિધિ યોજનાના 20મા હપ્તાની રાહ જોઈ રહ્યા છે. કેન્દ્ર સરકારની આ યોજના હેઠળ ખેડૂતોને વાર્ષિક 6000 રૂપિયા એટલે કે દર ચાર મહિને 2,000 રૂપિયાની મદદ મળે છે.

પ્રતિકાત્મક તસવીર

Source : તસવીર સોશિયલ મીડિયા

દેશભરના લગભગ 9.8 કરોડ ખેડૂતો પ્રધાનમંત્રી કિસાન સન્માન નિધિ યોજનાના 20મા હપ્તાની રાહ જોઈ રહ્યા છે. કેન્દ્ર સરકારની આ યોજના હેઠળ ખેડૂતોને વાર્ષિક 6000 રૂપિયા એટલે કે દર ચાર મહિને 2,000 રૂપિયાની મદદ મળે છે. આ વખતે 20મો હપ્તો જૂન 2025માં આવવાનો હતો, પરંતુ હવે જુલાઈ પણ પસાર થવાનો છે અને પૈસા હજુ સુધી આવ્યા નથી. છેલ્લી વખત 19મો હપ્તો 24 ફેબ્રુઆરીએ આપવામાં આવ્યો હતો, એટલે કે 4 મહિનાથી વધુ સમય વીતી ગયો છે. આવી સ્થિતિમાં પ્રશ્ન એ ઉભો થાય છે કે 2000 રૂપિયાનો આગામી હપ્તો ક્યારે આવશે ? પીએમ કિસાન સન્માન નિધિ યોજના (PM-Kisan Samman Nidhi Next Installment) ના આગામી હપ્તાની રાહ જોઈ રહેલા દેશના કરોડો ખેડૂતો સતત જાણવા માંગે છે કે 20મા હપ્તાના પૈસા તેમના બેંક ખાતામાં ક્યારે આવશે, શું  કંઈ અપડેટ કરવાની જરૂર છે ?

પીએમ કિસાન યોજનાનો 20મો હપ્તો ક્યારે આવશે?

અહેવાલો અનુસાર, વડા પ્રધાન નરેન્દ્ર મોદી 2 ઓગસ્ટ 2025 ના રોજ વારાણસીની મુલાકાતે આવશે. ગયા વર્ષે પણ જ્યારે પીએમ ખરીફ સિઝનમાં વારાણસી આવ્યા હતા ત્યારે અહીંથી 17મો હપ્તો જાહેર કરવામાં આવ્યો હતો. આ વખતે પણ એવી અપેક્ષા છે કે પીએમ મોદી તેમના સંસદીય મતવિસ્તારમાંથી પીએમ કિસાન યોજના (pm kisan yojana) ના 20મા હપ્તાની જાહેરાત કરી શકે છે. જો આવું થાય, તો ખેડૂતોને 2 ઓગસ્ટની આસપાસ 2,000 રૂપિયા મળવાની શક્યતા છે. જોકે, કેન્દ્ર સરકાર દ્વારા અત્યાર સુધી આ અંગે કોઈ સત્તાવાર તારીખ જાહેર કરવામાં આવી નથી.

શું આવતા મહિને ખેડૂતોના ખાતામાં 2000 રૂપિયા આવશે ?

મીડિયા અહેવાલો પર વિશ્વાસ કરવામાં આવે તો પીએમ કિસાન યોજનાનો આગામી હપ્તો હવે અંતિમ પ્રક્રિયાના તબક્કામાં પહોંચી ગયો છે. સમગ્ર પ્રક્રિયા પૂર્ણ થતાં જ હપ્તો જાહેર કરવામાં આવશે. એવું માનવામાં આવે છે કે જો બધું બરાબર રહ્યું તો સરકાર ઓગસ્ટની શરૂઆતમાં ખેડૂતોના ખાતામાં પૈસા ટ્રાન્સફર કરી શકે છે. સરકાર તરફથી હજુ સુધી કોઈ સત્તાવાર પુષ્ટિ મળી નથી, પરંતુ તૈયારીઓ પૂર્ણ થઈ ગઈ હોવાનું કહેવામાં આવી રહ્યું છે.

20મો હપ્તો મેળવવા માટે આ મહત્વપૂર્ણ કાર્ય તાત્કાલિક કરો, નહીં તો પૈસા અટવાઈ શકે છે 

સરકારે સ્પષ્ટ કર્યું છે કે અધૂરી માહિતી અથવા ખોટી વિગતોને કારણે ખેડૂતોના હપ્તા અટવાઈ શકે છે. જો તમે ઇચ્છો છો કે 2000 રૂપિયા તમારા ખાતામાં સમયસર પહોંચે તો મહત્વપૂર્ણ બાબતોને અવગણશો નહીં.  

• ઈ-કેવાયસી પૂર્ણ કરવું જરૂરી છે. અધૂરા ઈ-કેવાયસીથી પૈસા અટકી શકે છે.
• બેંક ખાતું આધાર સાથે લિંક હોવું જોઈએ. જો તે લિંક ન હોય તો વ્યવહાર નિષ્ફળ થઈ શકે છે.
• ડીબીટી (ડાયરેક્ટ બેનિફિટ ટ્રાન્સફર) વિકલ્પ ચાલુ હોવો જોઈએ. જેથી પૈસા સીધા ખાતામાં ટ્રાન્સફર થઈ શકે.
• બેંક વિગતો સાચી હોવી જોઈએ. આઈએફએસસી કોડ, એકાઉન્ટ નંબર, નામમાં કોઈ ભૂલ ન હોવી જોઈએ.
• લાભાર્થીઓની યાદીમાં નામ તપાસવાનું ભૂલશો નહીં. અન્યથા તમને હપ્તાના પૈસા મળશે નહીં.