PM Kisan: આવતીકાલે PM કિસાન નિધિનો 16મો હપ્તો જમા થશે, તમને મળશે કે નહીં - આ રીતે કરો ચેક
PM Kisan Scheme: PM કિસાન યોજનાના 16મા હપ્તાના નાણાં આવતીકાલે એટલે કે 28 ફેબ્રુઆરી 2024ના રોજ જાહેર કરવામાં આવશે. આ વિશે જાણો.
PM Kisan Yojana 16th Installment Date: જો તમે PM કિસાન સન્માન નિધિ યોજનાના લાભાર્થી છો, તો તમારા માટે સારા સમાચાર છે. જે ખેડૂતો લાંબા સમયથી 16મા હપ્તાની રાહ જોઈ રહ્યા છે તેમને ટૂંક સમયમાં તેમના ખાતામાં 2000-2000 રૂપિયા મળવાના છે. આવતીકાલે એટલે કે 28મી ફેબ્રુઆરીએ વડાપ્રધાન મોદી 16મા હપ્તાના નાણાં સીધા લાભ દ્વારા દેશભરના કરોડો ખેડૂતોના ખાતામાં ટ્રાન્સફર કરશે. તેની માહિતી યોજનાની સત્તાવાર વેબસાઇટ પર પણ અપડેટ કરવામાં આવી છે. અમે તમને જણાવી રહ્યા છીએ કે કયા ખેડૂતોને આ યોજનાનો લાભ નહીં મળે.
16મા હપ્તાના નાણાં 28મી ફેબ્રુઆરીના રોજ રિલીઝ કરવામાં આવશે
પીએમ કિસાન સન્માન નિધિ યોજના હેઠળ, કેન્દ્ર સરકાર દર વર્ષે ગરીબ ખેડૂત પરિવારોના ખાતામાં 6000 રૂપિયા ટ્રાન્સફર કરે છે. આ નાણાં દર વર્ષે કુલ ત્રણ હપ્તામાં ટ્રાન્સફર કરવામાં આવે છે. મોદી સરકારે ફેબ્રુઆરી 2019માં આ યોજના શરૂ કરી હતી. અત્યાર સુધી, આ યોજના હેઠળ, ખેડૂતોના ખાતામાં 2000 રૂપિયાના કુલ 15 હપ્તા ટ્રાન્સફર કરવામાં આવ્યા છે. આવતીકાલે એટલે કે 28મી ફેબ્રુઆરીએ પીએમ મોદી યોજનાનો 16મો હપ્તો જાહેર કરશે. આ યોજના હેઠળ સરકાર 9 કરોડથી વધુ ખેડૂત પરિવારોના ખાતામાં કુલ 21 હજાર કરોડ રૂપિયા ટ્રાન્સફર કરશે.
ઇ-કેવાયસી જરૂરી છે
પીએમ કિસાન સન્માન નિધિ યોજનાના 16મા હપ્તાનો લાભ ફક્ત તે લાભાર્થીઓને જ મળશે જેમણે ઈ-કેવાયસી પ્રક્રિયા પૂર્ણ કરી છે. સરકારે પહેલાથી જ સ્પષ્ટ કરી દીધું છે કે યોજનાનો લાભ મેળવવા માટે ઈ-કેવાયસી (PM કિસાન સ્કીમ e-KYC) કરવું જરૂરી છે. આવી સ્થિતિમાં જે ખેડૂતોએ આ પ્રક્રિયા પૂર્ણ કરી નથી તેમને આ યોજનાનો લાભ નહીં મળે.
પીએમ કિસાન યોજના યાદીમાં નામ કેવી રીતે તપાસવું
જો તમે પીએમ કિસાન સન્માન નિધિ યોજનાની સૂચિમાં તમારું નામ તપાસવા માંગતા હો, તો સૌ પ્રથમ યોજનાની સત્તાવાર વેબસાઇટની મુલાકાત લો.
અહીં રાઇડ સાઇડ પર ફાર્મર્સ કોર્નર વિકલ્પ પસંદ કરો.
આગળ લાભાર્થી યાદી પર ક્લિક કરો.
આગળ, તમારી સામે એક નવી વિન્ડો ખુલશે જેમાં તમારે તમારા રાજ્ય, જિલ્લા, બ્લોક અને ગામનું નામ પસંદ કરવાનું રહેશે.
Get Report પર ક્લિક કરો.
આ પછી, તમારા ગામના લાભાર્થીઓની સંપૂર્ણ સૂચિ તમારી સામે ખુલશે જેમાં તમે તમારું નામ ચકાસી શકો છો.
ટ્રેન્ડિંગ સમાચાર
ટોપ સ્ટોરી
