Urban Farming: પ્લાસ્ટિકની વેસ્ટ બોટલમાં ઉગાડો લીલી ડુંગળી, મહિનાઓ સુધી બચશે રસોડાનો ખર્ચ

Agriculture News: હવામાનની અનિશ્ચિતતા, જંતુઓ અને રોગો વગેરેના પરિવર્તનથી પાકની ગુણવત્તા પર અસર પડી રહી છે.

પ્લાસ્ટિકની બોટલમાં ઉગાડો ડુંગળી

Growing Green Onion in Plastic Bottle:  ક્લાઈમેટ ચેન્જના જમાનામાં ખેડૂતો માટે ફળ-શાકભાજીની ખેતી કરવી પડકારજનક કામ બની રહ્યું છે. હવામાનની અનિશ્ચિતતા, જંતુઓ અને રોગો વગેરેના પરિવર્તનથી પાકની ગુણવત્તા પર અસર પડી રહી છે. ખેતરોમાં સારી ગુણવત્તાના પાક ઉગે તો પણ ઘણી વખત તેનું વેચાણ અને સંગ્રહ સમયસર થતો નથી, જેના કારણે પાક સડવા લાગે છે. ખાસ કરીને લીલી ડુંગળીની ખેતીની વાત કરીએ તો પાકમાં જીવજંતુઓનો ખતરો રહે છે. આવી સ્થિતિમાં, જો તમે ઇચ્છો, તો તમે કોઈપણ ખર્ચ વિના ઘરે તંદુરસ્ત અને તાજી ડુંગળી ઉગાડી શકો છો.

આ વસ્તુઓની જરૂર પડશે

ઘરે લીલી ડુંગળી ઉગાડવા માટે કેટલીક વસ્તુઓની જરૂર પડે છે, જેમ કે લીલી ડુંગળીનું કટિંગ એટલે કે તેના મૂળ, 5 લિટર પ્લાસ્ટિકની બોટલ, પાણી, માટી, ખાતર (કોકો અથવા છાણિયું ખાતર) અને દોરડું વગેરે.

ડુંગળી ઉગાડવાની આ છે પ્રક્રિયા

• સૌથી પહેલા પાંચ લીટરની પ્લાસ્ટિકની બોટલ લો અને કેન્ટરની મદદથી તેનો ઉપરનો ભાગ કાપીને અલગ કરો.
•  આ પછી બોટલની આસપાસ દર 3 ઇંચના નાના છિદ્રો બનાવો, જેથી લીલી ડુંગળીનું મૂળ તેમાં સેટ કરી શકાય.
• હવે બોટલમાં 50 ટકા વર્મીકમ્પોસ્ટ અને 50 ટકા નાળિયેર ભરો, જેથી રોપાઓ વાવતી વખતે તે ઉગી શકે.
• જ્યારે વેજીટેબલ પોટ તૈયાર થઈ જાય ત્યારે તેમાં ડુંગળીના મૂળિયાને સેટ કરી છોડમાં સ્પ્રેની મદદથી હલકું પાણી ઉમેરી લો.
• આ રીતે તૈયાર થશે લીલી ડુંગળીનો છોડ. ત્યારબાદ તમે દર થોડા દિવસે છોડને કાપીને અનેક વખત લીલા ડુંગળીનું ઉત્પાદન લઈ શકો છો.

છોડની આ રીતે સંભાળ રાખો

લીલી ડુંગળીનો છોડ વાવવાથી કામ પૂરું થતું નથી, પરંતુ સમયાંતરે છોડને પણ કાળજીની જરૂર પડે છે.

• આવી સ્થિતિમાં લીલી ડુંગળીની સારી ઉપજ માટે વાસણમાં માટી, ફોસ્ફરસ, નાઈટ્રોજન, પોટાશ અને છાણિયું ખાતર છોડમાં નાંખી શકો છો.
• કોઇ દવા કે જંતુનાશક દવા કે રાસાયણિક ખાતરનો ઉપયોગ ન કરવો, તેનાથી સ્વાસ્થ્ય પર ખરાબ અસર પડી શકે છે.
• જો છોડમાં જીવજંતુ કે માઇલ્ડ્યૂ રોગ હોય તો  દવાનો છંટકાવ કરો (છોડમાં લીમડાનું તેલ છાંટવું). તમે ઇચ્છો તો ફુદીના કે તુલસીના તેલનો છંટકાવ પણ કરી શકો છો.
• લીલી ડુંગળીના વાસણને સીધો સૂર્યપ્રકાશ આવે તે રીતે રાખો. આ રીતે તમે દર 20 થી 25 દિવસે લીલા ડુંગળીના છોડમાંથી ઉત્પાદન લઈ શકો.
• છોડની લંબાઈ ૩ સે.મી. થઈ જાય (દર 4 મહિને) ત્યારે છોડને કાપી નાખો અને કાપ્યા પછી 20 દિવસમાં અંકુરણની તપાસ કરતા રહો.
• જો છોડના મૂળ કે બીજમાંથી છોડ નીકળતા ન હોય તો તમે પણ જૂના મૂળને બહાર કાઢીને નવા મૂળ લગાવી શકો છો.
• સુવિધા માટે તમે પ્લાસ્ટિકની બોટલને જમીન પર મૂકવાને બદલે ખીંટી પર લટકાવી પણ શકો છો.

Disclaimer: અહીં આપવામાં આવેલી માહિતી માત્ર કેટલાક મીડિયા રિપોર્ટસ અને જાણકારી પર આધારિત છે. ABPLive.com કોઈપણ પ્રકારની જાણકારીની પુષ્ટિ નથી કરતું. કોઈપણ માહિતીનો અમલ કરતાં પહેલા નિષ્ણાતની સલાહ લો.