પોલીસે બંધ કાફે પર પાડ્યો દરોડોઃ બે યુવતી અને સાત યુવક કઈ હાલતમાં ઝડપાયાં? જાણો

પોલીસે હુક્કાબારમાંથી ચાર હુક્કા, 8 હુક્કા પીવાની નળીઓ અને અલગ અલગ પ્રકારની ફલેવરના ડબ્બા કબજે કર્યા હતા. હુક્કાબારમાં ટીવી નાસ્તાની પણ સગવડ રાખવામાં આવી હતી. આ ઉપરાંત યુવક-યુવતીઓને એકાંત માણવાની સગવડ કરી અપાતી હોવાનું પણ પોલીસ તપાસમાં બહાર આવ્યું હોવાનું સૂત્રોએ જણાવ્યું છે.

ગુજરાત સરકારે એકાદ મહિના પહેલાં હુક્કાબાર પર પ્રતિબંધ મૂક્યો છે. એ છતાં કેટલાક લોકો ખાનગીમાં ગેરકાયદેસર રીતે હુક્કા બાર ચલાવી રહ્યા છે તેવી બાતમીઓ પોલીસને સતત મળતી રહે છે. કોલેજિયન યુવક યુવતીઓ હુક્કાની લિજ્જત માણવા આવે છે અને બરબાદ થાય છે તેથી સરકારે પ્રતિબંધ મૂક્યો છે.

પોલીસ તપાસમાં મહારાજા કાફે બંધ હાલતમાં હોય તેવું બતાવવા આગળનો દરવાજો બંધ રખાયો હતો અને પાછલા બારણેથી યુવક- યુવતીઓને એન્ટ્રી અપાતી હતી. પકડાયેલા કર્મચારીઓની પૂછપરછમાં દરિયાપુરમાં રહેતા હર્ષ ઉમેદભાઈ પટેલ અને કારંજના જુનેજ શેખ આ ગોરખઘંધો ચલાવતા હોવાનું બહાર આવ્યું છે.

પીસીબી અને નવરંગપુરા પોલીસે ચોક્કસ બાતમી આધારે સીજીરોડ પર પંચવટી સર્કલ નજીક પેટ્રોલ પંપ પાસે ગલીમાં આવેલા અશ્ર્વરથ કોમ્પલેક્ષમાં આવેલા મહારાજા કાફેમાં આજે રાત્રે દરોડો પાડ્યો હતો. આ ગેરકાયદે ચાલતા હુક્કાબારમાં બે યુવતી અને સાત યુવકો હુક્કા પીતા ઝડપાઈ ગયા હતા.

પોલીસે મધરાતે અચાનક દરોડો પાડતાં નાસભાગ મચી ગઈ હતી. હુક્કા પીવામાં વ્યસ્ત યુવક-યુવતીઓ કંઈ કરે તે પહેલાં પોલીસે તેમને ઝડપી લીધા હતા પણ નાસભાગનો લાભ લઈને હુક્કાબારના સંચાલકો ફરાર થઈ ગયા હતા. જો કે હુક્કા બારમાં કામ કરતાં કર્મચારીઓ પોલીસના હાથ ઝડપાઈ ગયા હતા.

અમદાવાદઃ હુક્કાબાર પર પ્રતિબંધ હોવા છતાં સી.જી.રોડ પર પંચવટી સર્કલ પર હુક્કાબાર ધમધમે છે તેવી બાતમીના આધારે પોલીસે સોમવારે રાત્રે મહારાજા કાફે નામના હુક્કાબાર પર દરોડો પાડી બે યુવતી અને સાત યુવકોને ઝડપી લીધા હતા જ્યારે હુક્કાબારના સંચાલકો પોલીસને થાપ આપી ફરાર થઈ ગયા હતા.