રાહુલ ગાંધી ક્યા વચનમાંથી ફરી જતાં બાપુએ ફરી શક્તિ પ્રદર્શનનો નિર્ણય લીધો ? જાણો વિગત

કોંગ્રેસના કેટલાક ધારાસભ્યોને ભાજપમાં લઇ જવાની બીક આપીને બાપુ કોંગ્રેસને ડરાવવા માગે છે. બાપુના સમર્થકો વંકાય તો ભાજપનો ત્રીજો ઉમેદવાર પણ જીતી જાય ને કોંગ્રેસના ઉમેદવાર હારી જાય તેમ છે. આ રીતે બાપુ કોંગ્રેસ હાઈકમાન્ડને બ્લેકમેઈલ કરવા માગે છે તેવી છાપ કોંગ્રેસ હાઈકમાન્ડ સમક્ષ પડી છે.

રાહુલ ગાંધીએ એ વખતે બાપુને ખાતરી આપી હતી કે 19 જુલાઇ સુધીમાં સંગઠનના માળખામાં ફેરફારો કરવામાં આવશે પણ આ મુદત પૂરી થવામાં છે છતાંય હાઇકમાન્ડે કોઇ પગલાં લીધાં નથી. પરિણામે બાપુએ ફરી જન્મદિનના બહાને સંમેલન બોલાવી હાઈકમાન્ડને ચીમકી આપવા શક્તિ પ્રદર્શન કરવા નક્કી કર્યું છે.