Navratri 2022: આ તારીખથી શરૂ થશે નવરાત્રી, જાણો પૂજા વિધિ, શુભ મુહૂર્ત અને મહત્વ

Navratri 2022: આ વખતે નવરાત્રી પર એક ખાસ અને ખૂબ જ દુર્લભ યોગ બની રહ્યો છે. આ વખતે શારદીય નવરાત્રી શુક્લ અને બ્રહ્મયોગ સાથે શરૂ થઈ રહી છે.

ફાઈલ તસવીર

Source : Getty

Navratri 2022: શારદીય નવરાત્રી (નવરાત્રી 2022) શ્રાદ્ધ પૂર્ણ થતાની સાથે જ શરૂ થવાની છે. હિન્દુ ધર્મમાં શારદીય નવરાત્રીનું વિશેષ મહત્વ છે. આ નવરાત્રી આસો સુદ એકમની તિથિથી શરૂ થાય છે. જેમાં નવ દિવસ સુધી માતાની પૂજા કરવામાં આવે છે. આવો તમને જણાવીએ આ સાથે જોડાયેલી તમામ મહત્વની માહિતી....

શારદીય નવરાત્રી ક્યારે શરૂ થાય છે ?

આ વર્ષે શારદીય નવરાત્રી 26 સપ્ટેમ્બર 2022 થી શરૂ થશે અને 5 ઓક્ટોબરે સમાપ્ત થશે. આ નવ દિવસો દરમિયાન મા દુર્ગાના નવ સ્વરૂપોની ખૂબ જ વિધિપૂર્વક પૂજા કરવામાં આવે છે. નવરાત્રીના દસમા દિવસે વિજયાદશમી એટલે કે દશેરાનો તહેવાર ઉજવવામાં આવે છે.

નવરાત્રી ઘટસ્થાપન વિધિ

નવરાત્રીના પહેલા દિવસે, સૌ પ્રથમ, સ્નાન કર્યા પછી, તમારા મંદિરને સાફ કરો.

ત્યારબાદ માટીના વાસણમાં સ્વચ્છ માટી નાખી તેમાં સાત પ્રકારના અનાજ વાવો. હવે ઈશાન દિશામાં પૂજા સ્થળ પર લાલ કપડું ફેલાવો અને દેવી દુર્ગાના ફોટાની સ્થાપના કરો.

તાંબા કે માટીના વાસણમાં ગંગાજળ, દૂર્વા, સિક્કો, સોપારી, અક્ષત મૂકો. કલશ પર મૌલી બાંધો અને તેમાં 5 કેરી અથવા આસોપાલવના પાન નાખો અને ઉપર લાલ ચુંદડીથી બાંધેલું નારિયેળ મૂકો. રોલી વડે સ્વસ્તિક બનાવો.

હવે મા દુર્ગાના ફોટાની સામે જવનું વાસણ અને કળશ મૂકો. કળશની સ્થાપના કરતી વખતે આ મંત્રનો જાપ કરો- ओम आ जिघ्र कलशं मह्या त्वा विशन्त्विन्दव:। पुनरूर्जा नि वर्तस्व सा नः सहस्रं धुक्ष्वोरुधारा पयस्वती पुनर्मा विशतादयिः।।

કળશની સ્થાપના કર્યા પછી એક દીવો પ્રગટાવો અને તમામ દેવતાઓ, નવગ્રહ, મા દુર્ગાનું આહ્વાન કરો અને પછી ભગવતીની પૂજા શરૂ કરો.

આ વખતે નવરાત્રી પર એક ખાસ અને ખૂબ જ દુર્લભ યોગ બની રહ્યો છે. આ વખતે શારદીય નવરાત્રી શુક્લ અને બ્રહ્મયોગ સાથે શરૂ થઈ રહી છે.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા  કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.

આ પણ વાંચોઃ