Electric Bike : ઈલેક્ટ્રિક બાઈક ખરીદતા પહેલા જાણો આ 5 વાતો

કોઈપણ સામાન્ય બાઇકની તુલનામાં ઇલેક્ટ્રિક બાઇક ખૂબ જ ઓછો અવાજ કરે છે. આનું કારણ એ છે કે, તેમાં કોઈ આંતરિક કમ્બશન એન્જિન નથી.

Electric Bike

Benefits of Electric Bike: હાલમાં ઇલેક્ટ્રિક વાહનોનો ટ્રેન્ડ ખૂબ જ ઝડપથી વધ્યો છે અને વધતા પ્રદૂષણ અને પરંપરાગત ઇંધણની કિંમતોમાં સતત વધારાને કારણે, તેઓને ભવિષ્યના વાહનો તરીકે જોવામાં આવી રહ્યા છે. આ સાથે મેટ્રો શહેરોમાં વધતા પ્રદૂષણને રોકવા અને ગ્રીન એનર્જી સંચાલિત વાહનોને પ્રોત્સાહિત કરવા માટે ભારત સરકાર આ વાહનોની ખરીદી પર ગ્રાહકોને અન્ય ઘણા લાભો પણ આપી રહી છે. પરંતુ શું તમે જાણો છો કે ઇલેક્ટ્રિક ટુ વ્હીલર ખરીદવાના શું ફાયદા છે? જો નહીં! તો આજે અમે તમને તેનાથી સંબંધિત 5 ફાયદાઓ વિશે જણાવવા જઈ રહ્યા છીએ.

ઈલેક્ટ્રિક બાઈક એકદમ સાયલન્ટ

કોઈપણ સામાન્ય બાઇકની તુલનામાં ઇલેક્ટ્રિક બાઇક ખૂબ જ ઓછો અવાજ કરે છે. આનું કારણ એ છે કે, તેમાં કોઈ આંતરિક કમ્બશન એન્જિન નથી. જેના કારણે તેમાં ન તો કોઈ અવાજ છે કે ન તો કોઈ વાઈબ્રેશન. તેથી જ તેમાં કોઈ એક્ઝોસ્ટ નથી. તેને ચલાવવા માટે માત્ર ઇલેક્ટ્રિક મોટરનો ઉપયોગ કરવામાં આવે છે.

મળે છે આ શાનદાર ફિચર્સ

મોટાભાગની ઈલેક્ટ્રિક બાઈકમાં સામાન્ય બાઈક કરતા વધુ એડવાન્સ ફીચર્સ સાથે ફ્યુચરિસ્ટિક ડેશબોર્ડ મળે છે, સાથે જ આ બાઇક યુઝરના સ્માર્ટફોન સાથે પણ કનેક્ટ થાય છે. જેથી તેના ઘણા ફીચર્સ નિયંત્રિત કરી શકાય છે. સાથે જ તેમાં મળેલા જીપીએસ દ્વારા તમે તમારી બાઇકને ભારે ભીડમાં પણ સરળતાથી શોધી શકો છો.

મેન્ટ્રેન્સ ખર્ચ હોય છે તદ્દન નહિવત 

ઈલેક્ટ્રિક બાઈક ચલાવવા માટે સરળ છે કારણ કે મોટા ભાગના મૉડલમાં ગિયર નથી હોતા, જે રાઈડરને થ્રોટલ કરવાનું સરળ બનાવે છે. મેન્ટેનન્સની કોઈ જરૂર નથી કારણ કે તેમાં કોઈ ફ્યુઅલ એન્જિન નથી. જેમ કે સામાન્ય બાઇકમાં એન્જિન ઓઈલ બદલવા, સ્પાર્ક પ્લગ, મોટર, ક્લચ અથવા ગિયર માટે ખર્ચ કરવો પડે છે. તેમાં તમારે ફક્ત બેટરી અને ટાયરની જાળવણી રાખવી પડશે.

ટેક્સમાં મેળવો જંગી છૂટ 

ભારત સરકાર ઇલેક્ટ્રિક ટુ વ્હીલર માટે ટેક્સ મુક્તિ આપે છે. ઈલેક્ટ્રિક બાઈક થોડી મોંઘી હોવા છતાં તે 12% ને બદલે માત્ર 5% ટેક્સ આકર્ષે છે. કલમ 80EEB હેઠળ, તમે EV લોન પર રૂ. 1,50,000 સુધીની કર મુક્તિ મેળવી શકો છો.

25 kmphની ટોપ સ્પીડ સુધી વીમો જરૂરી નથી

250W પાવર અને ટોપ સ્પીડ 25 kmph કરતાં ઓછી ઈ-બાઈક સાથેના મોડલ માટે તમારે કોઈ ટુ-વ્હીલર વીમો લેવાની જરૂર નથી. હાલમાં મોટા ભાગની ઈ-બાઈકની ટોપ સ્પીડ 25-45 kmph છે. જેના માટે થર્ડ પાર્ટી ટુ-વ્હીલરનો વીમો પણ પૂરતો માનવામાં આવે છે.