EV Car: સિંગલ ચાર્જમાં દોડશે 500 km! Marutiની પહેલી EVની જોવા મળી ઝલક, ક્યારે થશે લૉન્ચ ?
Maruti First Electric Car: ભારતીય માર્કેટમાં એવી રીતે જોવામાં આવે છે કે મારુતિ સુઝુકીની ગાડીઓ ખુબ જ ડિમાન્ડમાં રહે છે. ગ્રાહકોની માંગને ધ્યાનમાં રાખીને મારુતિ સુઝુકી પણ કામ કરી રહી છે
Maruti First Electric Car: ભારતીય માર્કેટમાં એવી રીતે જોવામાં આવે છે કે મારુતિ સુઝુકીની ગાડીઓ ખુબ જ ડિમાન્ડમાં રહે છે. ગ્રાહકોની માંગને ધ્યાનમાં રાખીને મારુતિ સુઝુકી પણ કામ કરી રહી છે. હાલમાં કાર મેન્યુફેક્ચરિંગ કંપનીઓ ઈલેક્ટ્રિક વાહનો પર ખુબ ફોકસ કરી રહી છે. આ કેટેગરીમાં મારુતિ પણ એન્ટ્રી મારવાની છે, હવે મારુતિ સુઝુકી પોતાની પ્રથમ ઇલેક્ટ્રિક કાર eVX લૉન્ચ કરવા માટે તૈયારી રહી છે. ચાલો જાણીએ કે ટેસ્ટિંગ દરમિયાન મારુતિ eVX ઈલેક્ટ્રિક SUVની નવી ઝલક દેખાઇ તેમાં શું નવું જોવા મળી શકે છે,
જ્યારે મારુતિ eVX ઈલેક્ટ્રિક SUVને ટેસ્ટિંગમાં જોવામાં આવી, ત્યારે તે સ્પોર્ટી X-આકારની ફ્રન્ટ ફેસિયા દર્શાવે છે. આમાં તમે ડબલ LED DRLs જોઈ શકો છો. આ સિવાય હેડલેમ્પ્સની બાજુમાં પ્રૉજેક્ટર આપવામાં આવ્યું છે અને પાછળના ભાગમાં લાઇટિંગ એલિમેન્ટને સમાન ડિઝાઇન આપવામાં આવી છે. કારની આખી બૉડી પર પેનલિંગ છે, જે એકદમ સ્ટાઇલિશ લાગે છે.
કેવા હશે ઇન્ટીરિયર અને ફિચર્સ ?
મારુતિની પહેલી ઇલેક્ટ્રિક કારમાં તમને શાનદાર ઇન્ટીરિયર અને શાનદાર ફિચર્સ મળવાના છે. મારુતિ eVX માં ફ્રી-અપ સ્ટૉરેજ સ્પેસ અને મોટી કેબિન સાથે સામાન્ય ઇલેક્ટ્રિક વાહનમાં જોવા મળતી તમામ સુવિધાઓ હશે. આમાં સ્ટૉરેજ સાથે ફ્લૉટિંગ સેન્ટર કન્સૉલ, ડ્રાઇવ સિલેક્ટર માટે રૉટરી નૉબ, સેન્ટર આર્મરેસ્ટ, ફ્રી-સ્ટેન્ડિંગ ઇન્ફૉટેનમેન્ટ સ્ક્રીન, ડિજિટલ ઇન્સ્ટ્રૂમેન્ટ પેનલ, મીડિયા કન્ટ્રોલ સાથેનું નવું ડી-કટ સ્ટીયરિંગ વ્હીલ અને બ્લેક અને બ્રાઉન સીટ અપહૉલ્સ્ટરી મળશે.
એવી અપેક્ષા છે કે, આ કારમાં તમને ડ્યૂઅલ-ઝૉન ક્લાઈમેટ કંટ્રોલ, વાયરલેસ ચાર્જર, ઓટો-ડિમિંગ IRVM, વેન્ટિલેટેડ અને પાવર્ડ ફ્રન્ટ સીટ, પ્રીમિયમ સાઉન્ડ સિસ્ટમ, વાયરલેસ સ્માર્ટફોન કનેક્ટિવિટી, 360-ડિગ્રી સરાઉન્ડ કેમેરા, હેડ-અપ ડિસ્પ્લે જેવી સુવિધાઓ મળશે. અને ADAS સ્યૂટ પણ આપી શકાય છે.
કેટલી છે રેન્જ અને કોની સાથે થશે ટક્કર
નવી મારુતિ eVX એક જ ચાર્જ પર 500 કિમીથી વધુની ડ્રાઈવિંગ રેન્જ મેળવે તેવી અપેક્ષા છે. અમને આશા છે કે Maruti EVX ને 60kWh બેટરી પેક મળશે. કંપની આ મૉડલને 2025માં લૉન્ચ કરશે. આ ઇલેક્ટ્રિક SUV આગામી Tata Curve EV અને Hyundai Creta EV સાથે સ્પર્ધા કરશે, જેને ભારતીય રસ્તાઓ પર ઘણી વખત ટેસ્ટિંગમાં જોવામાં આવી છે. Tata Motors આગામી થોડા મહિનામાં દેશમાં તેની Curve EV લૉન્ચ કરશે, જેની રેન્જ પ્રતિ ચાર્જ લગભગ 500 કિલોમીટર હોવાની અપેક્ષા છે. વળી, હ્યૂન્ડાઈ ક્રેટા EV આવતા વર્ષે માર્કેટમાં મારુતિ eVXના લૉન્ચિંગ સમયે જ લૉન્ચ થવાની આશા છે.
ટોપ સ્ટોરી
ટ્રેન્ડિંગ સમાચાર
