1 લાખથી ઓછી કિંમતમાં આવ્યું વધુ એક e-Scooter, સિંગલ ચાર્જમાં દોડશે 100 km
ભારતના ઇલેક્ટ્રિક ટુ-વ્હીલર માર્કેટમાં ઉભરતી કંપની ZELIO Ebikes એ તેનું નવું ઇલેક્ટ્રિક સ્કૂટર 'Mystery' લોન્ચ કર્યું છે.
ભારતના ઇલેક્ટ્રિક ટુ-વ્હીલર માર્કેટમાં ઉભરતી કંપની ZELIO Ebikes એ તેનું નવું ઇલેક્ટ્રિક સ્કૂટર 'Mystery' લોન્ચ કર્યું છે. તે એક હાઇ-સ્પીડ ઇલેક્ટ્રિક સ્કૂટર છે જે રાઇડિંગ અનુભવને વધારવા માટે ડિઝાઇન કરવામાં આવ્યું છે. આ સ્કૂટર માત્ર 81,999 રૂપિયાની કિંમતમાં ઉપલબ્ધ થશે. Mystery એ પોતાના દમદાર પ્રદર્શન અને સસ્ટેનેબલ મોબિલિટીનું શાનદાર કોમ્બિનેશન છે, જે શહેરી અને પર્યાવરણ પ્રત્યે જાગ્રૃત બંને રાઇડર્સને અનુકૂળ રહેશે.
Zelio મિસ્ટ્રીની મુખ્ય વિશેષતાઓ
ટોપ સ્પિડ: 70 કિમી/કલાક
રેન્જ: એક ચાર્જ પર 100 કિમી
લોડ ક્ષમતા: 180 કિગ્રા
માત્ર 4-5 કલાકમાં સંપૂર્ણ ચાર્જ
આ સ્કૂટર 72V/29AH લિથિયમ-આયન બેટરી અને શક્તિશાળી 72V મોટરથી સજ્જ છે, જે સિંગલ ચાર્જ પર 100 કિમીની ઉત્તમ રેન્જ અને 70 કિમી/કલાકની ટોપ સ્પીડ આપે છે. આ જ કારણ છે કે આ સ્કૂટર રોજિંદા ઉપયોગ માટે વધુ સારું છે. તેને માત્ર 4-5 કલાકમાં ચાર્જ કરી શકાય છે અને તેનો ડાઉનટાઇમ પણ ઘણો ઓછો છે. સૌથી મહત્વની બાબત એ છે કે બિલ્ડ ગુણવત્તા મજબૂત છે જેથી તે લોકો અને ભારે માલસામાનને સરળતાથી લઈ જઈ શકે.
મિસ્ટ્રીની હાઈ બિલ્ડ ગુણવત્તા અને હાઈ પરફોર્મન્સ તેને લાંબા ગાળાના ઉપયોગ માટે શ્રેષ્ઠ વિકલ્પ બનાવે છે. તેને પેટ્રોલ આધારિત વાહનોનું એક ઝીરો-એમિશન અલ્ટરનેટિવ ઓપ્શન પ્રદાન કરીને કાર્બન ફૂટપ્રિન્ટ ઘટાડવા ડિઝાઈન કરવામાં આવ્યું છે. તેના હાઇડ્રોલિક શોક ઓબ્ઝર્વર (આગળ અને પાછળના) આરામદાયક અને સરળ સવારી પૂરી પાડે છે, જ્યારે તેની અદ્યતન કોમ્બી-બ્રેક સિસ્ટમ સલામતી અને નિયંત્રણમાં સુધારો કરે છે.
તેના ડિજિટલ ડિસ્પ્લે, સેન્ટ્રલ લોકીંગ સિસ્ટમ અને એન્ટી થેફ્ટ એલાર્મ જેવી સુવિધાઓ રાઇડર્સને માનસિક શાંતિ આપે છે. બ્લેક, સી ગ્રીન, ગ્રે અને રેડ જેવા સ્ટાઇલિશ રંગોમાં ઉપલબ્ધ છે. 'મિસ્ટ્રી'ને પર્સનલ સ્ટાઈલને ધ્યાનમાં રાખીને ડિઝાઇન કરવામાં આવ્યું છે. રિવર્સ ગિયર, પાર્કિંગ સ્વિચ, ઓટો રિપેર સ્વિચ, યુએસબી ચાર્જિંગ અને ડિજિટલ ડિસ્પ્લે જેવી તેની અદ્ભુત વિશેષતાઓ વપરાશકર્તા અનુભવને વધુ શાનદાર બનાવે છે, જે આ ઇલેક્ટ્રિક ટુ-વ્હીલરને દરેક માટે મનપસંદ વિકલ્પ બનાવે છે.
ટોપ સ્ટોરી
ટ્રેન્ડિંગ સમાચાર
