શું આ દિવાળીએ 1 લાખના ડાઉન પેમેન્ટ પર મળી જશે Tata Nexon? જાણો EMI નું સંમ્પૂર્ણ ગણીત
Tata Nexon on EMI: જો તમે આ દિવાળીએ ટાટા નેક્સન ખરીદવાનું વિચારી રહ્યા છો, તો એ જાણવું મહત્વપૂર્ણ છે કે શું તમે આ કાર ₹1 લાખના ડાઉન પેમેન્ટ સાથે મેળવી શકો છો. ચાલો વિગતો જાણીએ.
Tata Nexon on EMI: દિવાળીનો તહેવાર નજીક આવી રહ્યો છે. એવામાં ઘણા લોકો નવી કાર ખરીદતા હોય છે. જીએસટી ઘટાડા બાદ કારની કિંમતોમાં નોંધપાત્ર ઘટાડો થયો છે. એવામાં આજે આપણે ટાટાની સૌથી વધુ વેંચાતી કાર વિશે માહિતી મેળવીશું. ટાટા નેક્સન ભારતીય બજારમાં સૌથી વધુ વેચાતી કોમ્પેક્ટ SUV માંથી એક છે. હવે, GST ઘટાડા પછી, આ કાર ખરીદવી પહેલા કરતા વધુ સસ્તી બની ગઈ છે. જો તમે આ દિવાળી પર ટાટા નેક્સન ખરીદવાનું વિચારી રહ્યા છો, તો તમારે કારના ફાઇનાન્સ પ્લાન વિશે જાણવાની જરૂર પડશે. ચાલો કારની ઓન-રોડ કિંમત અને ડાઉન પેમેન્ટ વિશે જાણીએ.
GST ઘટાડા પછી, ટાટા નેક્સનની એક્સ-શોરૂમ કિંમત ₹7.32 લાખથી શરૂ થાય છે અને ₹14.05 લાખ સુધી જાય છે. જો તમે દિલ્હીમાં બેઝ મોડેલ (સ્માર્ટ 1.2 પેટ્રોલ 5MT) ખરીદો છો, તો તમારે ઓન-રોડ કિંમત તરીકે આશરે ₹8.33 લાખ ચૂકવવા પડશે.
કારની કિંમત કેટલી EMI હશે?
ઉદાહરણ તરીકે, જો આપણે ટાટા નેક્સનનું બેઝ વેરિઅન્ટ ખરીદીએ, તો તમારે ઓછામાં ઓછા ₹1 લાખનું ડાઉન પેમેન્ટ ચૂકવવું પડશે. આ પછી, તમારે બેંકમાંથી કાર લોન તરીકે ₹7.33 લાખ લેવા પડશે. જો તમને આ લોન 5 વર્ષ માટે 9% ના વાર્ષિક વ્યાજ દરે મળે છે, તો તમારે દર મહિને 15,000 રૂપિયા EMI ચૂકવવા પડશે.
ટાટા નેક્સનની પાવરટ્રેન
ટાટા નેક્સન પેટ્રોલ, ડીઝલ અને CNG એન્જિન વિકલ્પો સાથે ઓફર કરવામાં આવે છે. તેનું 1.2-લિટર CNG એન્જિન 73.5 PS પાવર અને 170 Nm ટોર્ક ઉત્પન્ન કરે છે. તેનું પેટ્રોલ એન્જિન 88.2 PS પાવર અને 170 Nm ટોર્ક ઉત્પન્ન કરે છે. ડીઝલ એન્જિનની વાત કરીએ તો, આ 1.5-લિટર એન્જિન 84.5 PS પાવર અને 260 Nm ટોર્ક ઉત્પન્ન કરે છે. મેન્યુઅલ અને ઓટોમેટિક ટ્રાન્સમિશન બંને વિકલ્પો ઉપલબ્ધ છે.
તે કયા વાહનો સાથે સ્પર્ધા કરે છે?
ટાટા નેક્સન ભારતીય બજારમાં હ્યુન્ડાઇ વેન્યુ, કિયા સોનેટ, મારુતિ બ્રેઝા, મહિન્દ્રા XUV300, નિસાન મેગ્નાઇટ અને મારુતિ ફ્રોન્ક્સ જેવા વાહનો સાથે સ્પર્ધા કરે છે. આ વાહનો વિવિધ ફીચર્સ, એન્જિન વિકલ્પો અને કિંમતો સાથે આવે છે.
ટોપ સ્ટોરી
ટ્રેન્ડિંગ સમાચાર
