પતંગરસિયાઓ માટે ખુશખબર: 14 જાન્યુઆરી ઉત્તરાયણે પવનની ગતિ કેવી રહેશે? જાણો અંબાલાલ પટેલની આગાહી
Ambalal Patel Prediction: ઉત્તરાયણ અને વાસી ઉત્તરાયણે આકાશમાં પતંગોનું યુદ્ધ જામશે; હવામાન નિષ્ણાત અંબાલાલ પટેલે કરી આગાહી- રાજ્યમાં 5 થી 15 કિમીની ઝડપે પવન ફૂંકાશે, જાણો તમારા શહેરની સ્થિતિ.
Uttarayan 2026 Weather Forecast: ગુજરાતીઓ જેના માટે આખું વર્ષ આતુરતાથી રાહ જોતા હોય છે, તેવો પતંગોત્સવ એટલે કે ઉત્તરાયણ (Uttarayan / Makar Sankranti) હવે ગણતરીના દિવસો દૂર છે. ધાબા પર સાઉન્ડ સિસ્ટમ અને પતંગ-દોરાની તૈયારીઓ થઈ ગઈ છે, પણ દરેક પતંગરસિયાના મનમાં એક જ સવાલ છે- "આ વખતે પવન દેવતા સાથ આપશે કે કેમ?" આ સવાલનો જવાબ રાજ્યના જાણીતા હવામાન નિષ્ણાત અંબાલાલ પટેલે (Ambalal Patel) આપ્યો છે. તેમની આગાહી મુજબ, આ વખતે 14 અને 15 જાન્યુઆરીએ પવનની ગતિ પતંગ ચગાવવા માટે અત્યંત સાનુકૂળ રહેવાની શક્યતા છે.
પવનની ગતિ કેટલી રહેશે?
અંબાલાલ પટેલના જણાવ્યા અનુસાર, ઉત્તરાયણના દિવસે રાજ્યમાં સામાન્ય રીતે પવનની ગતિ 5 થી 15 કિલોમીટર પ્રતિ કલાક (km/h) રહેવાની શક્યતા છે. જે પતંગ રસિયાઓ (Kite Lovers) માટે સારા સમાચાર છે, કારણ કે આટલો પવન પતંગને આકાશમાં સ્થિર રાખવા માટે પૂરતો છે.
શહેર મુજબ પવનની સ્થિતિ (Wind Speed Forecast)
રાજ્યના વિવિધ વિસ્તારોમાં ભૌગોલિક સ્થિતિ મુજબ પવનનું જોર અલગ-અલગ જોવા મળશે. અંબાલાલ પટેલની આગાહી મુજબ આંકડાકીય વિગતો નીચે મુજબ છે:
અમદાવાદ (Ahmedabad): અહીં પવનની ગતિ 7 થી 9 કિમી પ્રતિ કલાક રહેવાની વકી છે.
મહેસાણા અને પાલનપુર: ઉત્તર ગુજરાતમાં મહેસાણા ખાતે 9 થી 7 કિમી અને પાલનપુરમાં 8 થી 7 કિમી પ્રતિ કલાકની ઝડપે પવન ફૂંકાઈ શકે છે.
સૌરાષ્ટ્ર: જામનગરમાં પવનની ગતિ 9 કિમી પ્રતિ કલાક આસપાસ રહેશે. જ્યારે મહુવા, ભાવનગર અને પોરબંદરમાં પવનનું જોર અન્ય વિસ્તારો કરતા થોડું વધારે જોવા મળી શકે છે.
કચ્છ: ગાંધીધામ પંથકમાં પવનની ગતિ તેજ રહેવાની શક્યતા છે.
અન્ય વિસ્તારો: 14 જાન્યુઆરીની સવારે રાધનપુરમાં 9 કિમી અને વિરમગામમાં 10 કિમી પ્રતિ કલાકની ઝડપે પવન ફૂંકાશે.
દરિયાકાંઠા અને દક્ષિણ ગુજરાતની સ્થિતિ
દરિયાકાંઠાના વિસ્તારોમાં પવનનો મિજાજ થોડો આક્રમક રહી શકે છે. આગાહી મુજબ અહીં 12 કિમી પ્રતિ કલાકની ઝડપે પવન ફૂંકાશે.
સુરત (Surat): ડાયમંડ સિટીમાં પવનની ગતિ 9 કિમી પ્રતિ કલાક રહેવાનો અંદાજ છે.
જોકે, દરિયાકાંઠાના વિસ્તારોમાં બપોરના સમયે પવનની ગતિ ઘટીને 6 થી 7 કિમી થઈ શકે છે, પરંતુ સાંજ પડતા ફરી સ્થિતિ સુધરશે.
શું કોઈ વિઘ્ન આવશે?
અંબાલાલ પટેલે જણાવ્યું છે કે એકંદરે વાતાવરણ પતંગરસિયાઓ માટે 'ગ્રીન સિગ્નલ' સમાન છે. જોકે, દિવસ દરમિયાન અમુક સમય માટે પવનની ગતિ વધી શકે છે, જેના કારણે થોડો વિક્ષેપ પડી શકે છે, પરંતુ તે કામચલાઉ હશે. 15 જાન્યુઆરી એટલે કે વાસી ઉત્તરાયણ (Vasi Uttarayan) ના દિવસે પણ પવનની ગતિ સારી રહેવાની હોવાથી બે દિવસ સુધી આકાશ રંગબેરંગી પતંગોથી છવાયેલું રહેશે.
ટોપ સ્ટોરી
ટ્રેન્ડિંગ સમાચાર
