(Source: ECI/ABP News/ABP Majha)
Audi Car: ઓડી Q5ની નવી એડિશન લૉન્ચ, એકદમ યૂનિક છે ડિઝાઇન, જાણો કિંમત ને ફિચર્સ
Audi Q5 Bold Edition: લક્ઝરી કાર મેન્યૂફેક્ચરિંગ કંપની ઓડી ઈન્ડિયાએ ભારતમાં તેની લક્ઝરી કાર Q5ની બૉલ્ડ એડિશન લૉન્ચ કરી છે. આ સાથે આ કારમાં અદભૂત ફિચર્સ અને અનોખી ડિઝાઈન છે
Audi Q5 Bold Edition: લક્ઝરી કાર મેન્યૂફેક્ચરિંગ કંપની ઓડી ઈન્ડિયાએ ભારતમાં તેની લક્ઝરી કાર Q5ની બૉલ્ડ એડિશન લૉન્ચ કરી છે. આ સાથે આ કારમાં અદભૂત ફિચર્સ અને અનોખી ડિઝાઈન છે. કંપનીએ તેની Q5 સીરીઝનું વિસ્તરણ કરતી વખતે આ એડિશન દેશમાં લૉન્ચ કર્યું છે. કંપનીએ આ કારને 5 એક્સીટિરિયર રંગો સાથે લૉન્ચ કરી છે. આ રંગોમાં ગ્લેશિયર વ્હાઇટ, માયથોસ બ્લેક, નવરા બ્લુ, ડિસ્ટ્રિક્ટ ગ્રીન અને મેનહટન ગ્રેનો સમાવેશ થાય છે.
Audi Q5 Bold Edition: ડિઝાઇન
હવે આ નવી કારની ડિઝાઇન વિશે વાત કરીએ તો ઓડી ઇન્ડિયાએ તેમાં બ્લેક સ્ટાઇલિંગ પેકેજ આપ્યું છે. આ કારમાં બ્લેક ગ્રિલ, ઓડી એમ્બ્લેમ્સ, બારી ફરતે એક્સટીરિયર મિરર્સ અને હાઈ-ગ્લોસ બ્લેક રૂફ રેલ્સ જેવા એલિમેન્ટ્સ આપવામાં આવ્યા છે.
Audi Q5 Bold Edition: ફિચર્સ
Audi Q5 બોલ્ડ એડિશનના ફિચર્સની વાત કરીએ તો કંપનીએ તેમાં 19 ઇંચના સ્પૉર્ટી વ્હીલ્સ આપ્યા છે. આ સિવાય તેમાં એડપ્ટિવ સસ્પેન્શન, LED લાઇટિંગ, પેનોરેમિક સનરૂફ અને કીલેસ એન્ટ્રી જેવા ફિચર્સ પણ છે. એટલું જ નહીં આ નવી કારમાં 360 ડિગ્રી કેમેરા અને પ્રીમિયમ B&O સાઉન્ડ સિસ્ટમ પણ ફીટ કરવામાં આવી છે જે ગ્રાહકોને એક શાનદાર ફીલ આપશે.
નવી કારમાં મેમરી ફંક્શન અને પાવર એડજસ્ટેબલ ફ્રન્ટ સીટ પણ આપવામાં આવી છે. આ ઉપરાંત તેમાં 3-ઝૉન ક્લાઈમેટ કંટ્રોલ સિસ્ટમ પણ છે. આ સિવાય કારમાં સુરક્ષા માટે 8 એરબેગ્સ પણ આપવામાં આવી છે.
There’s power in boldness. Experience it with the new Audi Q5 Bold Edition.#AudiIndia #AudiQ5 #BoldEdition pic.twitter.com/OYNb96vfiO
— Audi India (@AudiIN) July 15, 2024
Audi Q5 Bold Edition: એન્જિન
કંપનીએ નવી Audi Q5 બોલ્ડ એડિશનમાં 2.0 લિટર TFSI એન્જિન આપ્યું છે. આ એન્જિન 265 HPની મહત્તમ શક્તિ સાથે 370 Nmનો પીક ટોર્ક ઉત્પન્ન કરવામાં સક્ષમ છે. કંપનીના જણાવ્યા અનુસાર આ કાર માત્ર 6.1 સેકન્ડમાં 0 થી 100 કિમી પ્રતિ કલાકની સ્પીડ પકડવામાં સક્ષમ છે. આ નવી લક્ઝરી કારમાં 240 કિમી પ્રતિ કલાકની ટોપ સ્પીડ પણ છે. કારમાં ઓલ વ્હીલ ડ્રાઈવ સિસ્ટમ અને ટ્રેક્શન કંટ્રોલ પણ આપવામાં આવ્યું છે.
Audi Q5 Bold Edition: કિંમત
ઓડી ઈન્ડિયાએ આ લક્ઝરી કારની એક્સ-શૉરૂમ કિંમત 72.30 લાખ રૂપિયા રાખી છે. વળી, આ કાર બજારમાં હાજર BMW અને મર્સિડીઝ-બેન્ઝ જેવા વાહનોને સીધી સ્પર્ધા આપી શકશે.
ટ્રેન્ડિંગ સમાચાર
ટોપ સ્ટોરી
