મારુતિ સુઝુકીએ કર્યો મોટો નિર્ણય, હવે નાના શહેરોને મળશે આ ગિફ્ટ
Maruti Suzuki Nexa Showroom: મારુતિ સુઝુકી ભારતની સૌથી મોટી કાર મેન્યુફેક્ચરિંગ કંપનીઓમાં સામેલ છે. હવે કંપની નાના શહેરોમાં પણ પોતાની પકડ મજબૂત કરવાની તૈયારી કરી રહી છે.
Maruti Suzuki Nexa Dealership: મારુતિ સુઝુકી ભારતીય માર્કેટમાં તેના બિઝનેસને વધુ ને વધુ વિસ્તરણ કરવાનો પ્રયાસ કરી રહી છે. તેના માટે હવે મારુતિ સુઝુકી તેના ગ્રાન્ડ વિટારા અને બલેનો જેવા વાહનોને તે નાના શહેરોમાં લઈ જઈ રહી છે જ્યાં અત્યાર સુધી આ કાર પહોંચની બહાર હતી. આ માટે મારુતિ ટિયર-2 અને ટિયર-3 શહેરોમાં નવા પ્રકારના શોરૂમ સ્થાપી રહી છે, જેને ઓટોમેકરે નેક્સા સ્ટુડિયો નામ આપ્યું છે. આ નવા શો રૂમ દ્વારા મારુતિ હવે નાના શહેરોમાં પણ પોતાની પકડ મજબૂત કરવા જઈ રહી છે અને આના દ્વારા ભારતીય બજારમાં પોતાના બિઝનસને વધુ વિસ્તાર આપવા જઈ રહી છે.
મારુતિ હવે તેના નવા શો રૂમ નેક્સા સ્ટુડિયો શરૂ કરશે
મારુતિ સુઝુકી ઈન્ડિયાના માર્કેટિંગ અને વેચાણના વરિષ્ઠ કાર્યકારી અધિકારી પાર્થો બેનર્જીએ મીડિયા સાથેની વાતચીત દરમિયાન નેક્સા સ્ટુડિયો વિશે જણાવ્યું. પાર્થો બેનર્જીએ કહ્યું કે નેક્સા સ્ટુડિયો નેક્સા શોરૂમ કરતા નાના છે. પરંતુ તેમ છતાં પણ સર્વિસ અને સ્પેરપાર્ટ્સ રાખવા માટે તેમાં પૂરતી જગ્યા છે. આ સાથે, આ સ્ટુડિયોમાં બે કાર પણ પ્રદર્શનમાં એટલે લે ડિસ્પ્લેમાં રાખી શકાય છે.
આ ડીલરશીપની તમામ કાર મારુતિના આ નેક્સા સ્ટુડિયોમાં વેચાણ માટે લાવી શકાય છે. આમાં મારુતિ સુઝુકી ગ્રાન્ડ વિટારા, બલેનો, જિમ્ની અને ઇગ્નિસ જેવા ઘણા મોડલ શામેલ હોઈ શકે છે. આ સાથે, સ્ટુડિયોમાંથી આ કારોને ખરીદીને, તમે માનક નેક્સા આઉટલેટ જેવો જ અનુભવ મેળવી શકો છો.
મારુતિ તેની કારનું વેચાણ વધારશે
નેક્સાના 37 ટકા વેચાણ આ ટિયર-2 અને ટિયર-3 શહેરોમાંથી આવે છે. Nexa આ નાણાકીય વર્ષના અંત સુધીમાં વધુ 100 Nexa આઉટલેટ ખોલવાની યોજના ધરાવે છે. અગાઉ, લોકોને કાર ખરીદવા માટે નેક્સા શોરૂમ સુધી પહોંચવા માટે 100 કિલોમીટરનું અંતર કાપવું પડતું હતું. પરંતુ હવે નાના શહેરોમાં પણ આ સ્ટુડિયો શરૂ થતાં લોકોને સુવિધા મળશે.
500મું નેક્સા આઉટલેટ ખુલ્યું
મારુતિ ઇન્ડિયાએ તાજેતરમાં 500મા નેક્સા આઉટલેટનું ઉદ્ઘાટન કર્યું છે. મારુતિ સુઝુકીના સમગ્ર સેલ નેટવર્ક વિશે વાત કરીએ તો, એરેના, નેક્સા અને કોમર્શિયલ સહિત કુલ 3,925 આઉટલેટ્સ ખોલવામાં આવ્યા છે, જે 2,577 શહેરો અને નગરોમાં સ્થિત છે. જો આપણે મારુતિના વેચાણ અહેવાલ પર નજર કરીએ તો, કંપનીએ નાણાકીય વર્ષ 2023-24માં 5.61 લાખ વાહનોનું વેચાણ કર્યું હતું, જે પાછલા નાણાકીય વર્ષ કરતાં 54 ટકા વધુ છે.
ટ્રેન્ડિંગ સમાચાર
ટોપ સ્ટોરી
