Renault Kwid vs Maruti Alto K10: 5 લાખ રૂપિયાની કિંમતમાં કઈ કાર ખરીદવી વધુ સારી? જાણો કિંમતથી લઈને ફીચર્સ સુધી તમામ વિગતો
Renault Kwid vs Maruti Alto K10: ભારતીય બજારમાં નવી Renault Kwidની પ્રારંભિક કિંમત રૂ. 4 લાખ 69 હજાર છે, જ્યારે Maruti Suzuki Alto K10 હેચબેકની પ્રારંભિક કિંમત રૂ. 3 લાખ 99 હજાર છે.
Renault Kwid vs Maruti Alto K10 Comparison: ભારતમાં એન્ટ્રી લેવલ સેગમેન્ટમાં બે કારના નામ સામે આવ્યા છે. તેમાં Renault Kwid અને Maruti Alto K10ના નામ સામેલ છે. આ કાર બજેટ અને ફીચર્સના મામલે એકબીજાને ટક્કર આપે છે. આવી સ્થિતિમાં, ગ્રાહકો મૂંઝવણમાં રહે છે કે 5 લાખના બજેટમાં કઈ કાર ખરીદવી ફાયદાકારક રહેશે?
ભારતીય બજારમાં નવી Renault Kwidની પ્રારંભિક કિંમત રૂ. 4 લાખ 69 હજાર છે, જ્યારે Maruti Suzuki Alto K10 હેચબેકની પ્રારંભિક કિંમત રૂ. 3 લાખ 99 હજાર છે. નવી Kwid RXE, RXL, RXL (O), RXT અને ક્લાઈમ્બર નામના ચાર વેરિયન્ટ્સમાં આવે છે.
Maruti Alto K10 હેચબેક સ્ટાન્ડર્ડ, LXI, VXI અને VXI+ વેરિઅન્ટમાં ઉપલબ્ધ છે. જોકે, CNG એન્જિન માત્ર VXi વેરિઅન્ટમાં જ ઉપલબ્ધ છે. બંને કાર ઘણા આકર્ષક રંગોમાં આવે છે.
બંને કારના ફીચર્સ વચ્ચેનો આ તફાવત
Alto K10 એપલ કાર પ્લે અને એન્ડ્રોઇડ ઓટો સાથે 7-ઇંચની ટચસ્ક્રીન ઇન્ફોટેનમેન્ટ સિસ્ટમ, કીલેસ એન્ટ્રી અને ડિજિટાઇઝ્ડ ઇન્સ્ટ્રુમેન્ટ ક્લસ્ટર, સ્ટીયરિંગ-માઉન્ટેડ કંટ્રોલ્સ જેવી સુવિધાઓ સાથે આવે છે. તેમાં ડ્યુઅલ એરબેગ્સ, EBD સાથે ABS અને સેફ્ટી ફીચર્સ તરીકે રિયર પાર્કિંગ સેન્સર આપવામાં આવ્યા છે.
ક્વિડને Apple કાર પ્લે અને એન્ડ્રોઇડ ઓટો, ફોર-વે એડજસ્ટેબલ ડ્રાઇવર સીટ અને 14-ઇંચ વ્હીલ્સ સાથે આઠ ઇંચની ટચસ્ક્રીન ઇન્ફોટેનમેન્ટ સિસ્ટમ મળે છે. તેમાં કીલેસ એન્ટ્રી, મેન્યુઅલ એસી અને ઇલેક્ટ્રિક ORVM, ઈલેક્ટ્રોનિક સ્ટેબિલિટી પ્રોગ્રામ (ESP), હિલ સ્ટાર્ટ આસિસ્ટ (HSA), ટ્રેક્શન કંટ્રોલ સિસ્ટમ (TCS) અને ટાયર પ્રેશર મોનિટરિંગ સિસ્ટમ (TPMS), ડ્યુઅલ ફ્રન્ટ એરબેગ્સ, EBD સાથે ABS અને ફીચર્સનો પણ સમાવેશ થાય છે. આ ઉપરાંત પાછળના પાર્કિંગ સેન્સર પણ ઉપલબ્ધ છે.
પાવરટ્રેન અને એન્જિન
Renault Kwidમાં 1 લીટર, ત્રણ સિલિન્ડર, પેટ્રોલ એન્જિન છે. આ એન્જિન 67 bhp નો મહત્તમ પાવર અને 91 Nm નો મહત્તમ ટોર્ક જનરેટ કરે છે. જ્યારે Alto K10 હેચબેકમાં ઇન્સ્ટોલ કરેલ એન્જિન 65 bhp ની પીક પાવર અને 89 Nm નો મહત્તમ ટોર્ક જનરેટ કરે છે. Alto K10 માં પેટ્રોલ અને CNG ઇંધણ બંને વિકલ્પો ઉપલબ્ધ છે જ્યારે CNG એન્જિન Renault Kwid માં ઉપલબ્ધ નથી.
માઈલેજની વાત કરીએ તો મારુતિ અલ્ટો K10 પેટ્રોલ વેરિઅન્ટ લગભગ 24.39 કિલોમીટર પ્રતિ લીટરની માઈલેજ આપે છે જ્યારે CNG એન્જિન સાથે આ કાર 33 કિલોમીટર પ્રતિ કિલોગ્રામની માઈલેજ આપે છે. જ્યારે Renault Kwid 20-22 kmpl ની માઈલેજ આપે છે.
આ પણ વાંચો : શું હવે Reliance પણ ભારતમાં કાર લાવી રહ્યું છે? મહિન્દ્રા અને ટાટાને આપશે સ્પર્ધા!
ટોપ સ્ટોરી
ટ્રેન્ડિંગ સમાચાર
