Tata Motors New Car:આ અઠવાડિયે જોવા મળશે ટાટા કર્વની ઝલક, જાણો ક્યારે જોવા મળશે આ નવી કાર?

Tata Curvv Launch Date: ટાટા કર્વનુ મોડલ ઘણી વખત રજૂ કરવામાં આવ્યું છે. પરંતુ કારના પ્રોડક્શન મોડલનો પ્રથમ વખત ખુલાસો થવા જઈ રહ્યો છે. આ કાર આવતા મહિને ભારતીય બજારમાં લોન્ચ થઈ શકે છે.

ટાટા કર્વ

Source : એબીપી લાઈવ

Tata Curvv: ટાટા મોટર્સની નવી કાર કર્વ (Tata Curvv) હવે સંપૂર્ણપણે માર્કેટમાં આવવા તૈયાર છે. આ કાર હવે પ્રોડક્શન મોડલની સાથે લોકો માટે રજૂ કરવામાં આવનાર છે. ટાટા મોટર્સ 19 જુલાઈના રોજ આ કર્વ એસયુવી-કૂપનું પ્રોડક્શન મોડલ રજૂ કરવા જઈ રહી છે. Tata Curve પણ આવતા મહિને લોન્ચ થઈ શકે છે. Tata Curve ભારતમાં પ્રથમ માસ-માર્કેટ SUV-કૂપ હશે. આ કાર મધ્યમ કદની SUVના વિકલ્પ તરીકે ઉભરી શકે છે.

ટાટા કર્વનું ધમાકેદાર નવું ટીઝર
ટાટા મોટર્સ કર્વ સંબંધિત નવા ટીઝર્સ સતત લોન્ચ કરી રહી છે. તેના લોન્ચિંગ પહેલા જ ટાટા મોટર્સની આ કારને લઈને ઘણી ચર્ચા જાગી છે. ટાટા કર્વના નવા ટીઝરમાં કારના લુક વિશે ઘણી માહિતી આપવામાં આવી છે. આ કારમાં લાલ રંગની હાઈલાઈટ્સ છે. વાહનના નિર્માણ, તેના રંગ, સામગ્રી અને પૂર્ણાહુતિમાં ખાસ કાળજી લેવામાં આવી છે.

𝘈𝘯 𝘦𝘮𝘰𝘵𝘪𝘰𝘯𝘢𝘭 𝘤𝘰𝘯𝘯𝘦𝘤𝘵𝘪𝘰𝘯 — 𝘴𝘰𝘱𝘩𝘪𝘴𝘵𝘪𝘤𝘢𝘵𝘦𝘥 𝘧𝘰𝘳 𝘢 𝘳𝘦𝘢𝘴𝘰𝘯.

Created with care & craftsmanship, the key color, material and finish message for the Curvv is bold and expressive, but in a more refined way. pic.twitter.com/nhCNJ8t1U8

— Tata Motors Cars (@TataMotors_Cars) July 16, 2024

Tata Curvv નો પાવર 
ટાટા કર્વ 1.2-લિટરના ત્રણ-સિલિન્ડર સાથે ટર્બો-પેટ્રોલ એન્જિનથી સજ્જ થઈ શકે છે, જે 125 એચપીનો પાવર પ્રદાન કરશે. આ એન્જિન સાથે મેન્યુઅલ અને ઓટોમેટિક ગિયર બોક્સનો વિકલ્પ આપી શકાય છે. આ સાથે, ટાટા નેક્સનમાં મળેલ 1.5-લિટર, 4-સિલિન્ડર યુનિટનો એન્જિન વિકલ્પ પણ આ કારમાં ઉપલબ્ધ છે.

Tata Curve EV રેન્જ
Tata Curve સૌપ્રથમ માત્ર ઇલેક્ટ્રિક વેરિઅન્ટ સાથે બજારમાં પ્રવેશી શકે છે. આ પછી જ પેટ્રોલ અને ડીઝલ વેરિઅન્ટ્સ આવવાની ધારણા છે. Tata Curve EV Generation 2 એ acti.ev આર્કિટેક્ચર પર આધારિત કાર હોઈ શકે છે. આ ઈલેક્ટ્રિક કારના ફીચર્સ વિશે હજુ સુધી કોઈ સત્તાવાર માહિતી સામે આવી નથી. ટાટાની આ ઇલેક્ટ્રિક કાર 450-500 કિલોમીટરની રેન્જ સાથે આવી શકે છે.

ટાટાની ઇલેક્ટ્રિક કાર ક્યારે લોન્ચ થશે?
Tata Curve EV 7 ઓગસ્ટે લોન્ચ થઈ શકે છે. આ કારની કિંમત લગભગ 20 લાખ રૂપિયાની રેન્જમાં આવી શકે છે. જો આપણે ટાટાના ઈલેક્ટ્રિક કાર પોર્ટફોલિયો પર નજર કરીએ તો આ કાર નેક્સન ઈવીથી ઉપર આવી શકે છે. જ્યારે તેના પેટ્રોલ અને ડીઝલ વેરિઅન્ટની કિંમત 10 થી 11 લાખ રૂપિયાની વચ્ચે હોઈ શકે છે.