Tata EV: આ દિવસે લોન્ચ કરશે ટાટા તેની નવી ઈલેક્ટ્રિક કાર, આ રહી સંપૂર્ણ વિગત
વર્તમાન Nexon EV માત્ર 9.14 સેકંડમાં 0 થી 100 કિમી પ્રતિ કલાકની સ્પીડ પકડી શકે છે અને 127 bhp નો આઉટપુટ તથા 245 Nm ટોર્ક જનરેટ કરી શકે છે
ટાટા મોટર્સ આવતા અઠવાડિયે નવી ઈલેક્ટ્રિક કાર લોન્ચ કરવા માટે તૈયાર છે. કાર નિર્માતાની EV વિંગે 6 એપ્રિલે તેની સત્તાવાર લોન્ચિંગ પહેલાં આગામી કારને ટીઝ કરી છે. જો કે ટાટાએ EV વિશે વિગતો જાહેર કરી નથી, તેમ છતાં તે ઉચ્ચ શ્રેણી સાથે Nexon EVનું ફેસલિફ્ટેડ વર્ઝન હોવાની અપેક્ષા છે. ટાટા અલ્ટ્રોઝ પ્રીમિયમ હેચબેકનું EV વર્ઝન પણ લોન્ચ કરે તેવી અપેક્ષા છે. જો કે, હજુ સુધી કોઈ ચોક્કસ લોન્ચ સમયરેખા નથી.
Tata Motors કથિત રીતે લોંગ રેન્જ Nexon EV તૈયાર કરી રહી છે. તે એક વિશાળ 40 kWh બેટરી પેક સાથે આવે તેવી અપેક્ષા છે. અહેવાલો અનુસાર, નવી Tata Nexon EV સિંગલ ચાર્જ પર 400 કિલોમીટરથી વધુની વધુ સારી રેન્જ આપી શકે છે. Nexon EV હાલમાં 30.2 kWh બેટરી અને 312 km રેન્જ સાથે વેચાણ પર છે જે ARAI દ્વારા પ્રમાણિત છે. લાંબી રેન્જ ઉપરાંત, નવી Nexon EV થોડા અપગ્રેડ પણ ઓફર કરી શકે છે, જેમાં નવા એલોય વ્હીલ્સ, નવી અપહોલ્સ્ટરી અને અપગ્રેડેડ ઇન્ફોટેનમેન્ટ સિસ્ટમ અને ચાર ડિસ્ક બ્રેક્સ શામેલ હોઈ શકે છે.
કેટલા સમયમાં થઈ શકે છે ચાર્જ
વર્તમાન Nexon EV માત્ર 9.14 સેકંડમાં 0 થી 100 કિમી પ્રતિ કલાકની સ્પીડ પકડી શકે છે અને 127 bhp નો આઉટપુટ તથા 245 Nm ટોર્ક જનરેટ કરી શકે છે. DC ફાસ્ટ ચાર્જરનો ઉપયોગ કરીને, Tata Nexon EV ને એક કલાકની અંદર 80 ટકા સુધી ચાર્જ કરી શકાય છે. જો કે, નિયમિત હોમ ચાર્જરનો ઉપયોગ કરતી વખતે 10 ટકાથી 90 ટકા સુધી ભરવામાં 8.30 કલાક જેટલો સમય લાગે છે. ભારતમાં ફોર વ્હીલર ઇલેક્ટ્રિક વાહન સેગમેન્ટમાં કાર નિર્માતાની પ્રભાવશાળી વૃદ્ધિ પાછળ Tata Nexon EV મુખ્ય પરિબળ છે.
ટાટા મોટર્સે ફેબ્રુઆરીમાં કેટલી ઈલેક્ટ્રિક કારનું કર્યુ વેચાણ
ટાટા મોટર્સે ફેબ્રુઆરીમાં 2,250 ઈલેક્ટ્રિક કારનું વેચાણ કર્યું હતું. તેનો બજાર હિસ્સો 96 ટકાથી વધુ છે, જે મોટે ભાગે નેક્સોન ઈવીની સફળતાને આભારી છે. આ વર્ષે જાન્યુઆરીમાં, કાર નિર્માતાએ જાહેરાત કરી હતી કે તેણે બે વર્ષ પહેલા લોન્ચ કર્યા પછી ભારતમાં Nexon EV ના 13,500 થી વધુ યુનિટ વેચ્યા છે. ટાટા મોટર્સે તાજેતરમાં Nexon EV નું ડાર્ક વર્ઝન લોન્ચ કર્યું છે, જેને Nexon Dark કહેવામાં આવે છે. ડાર્ક એડિશન સિવાય, જેમાં બે ટ્રિમ છે, નેક્સોન EV ભારતમાં અન્ય ત્રણ વેરિઅન્ટમાં ઉપલબ્ધ છે.
ટોપ સ્ટોરી
ટ્રેન્ડિંગ સમાચાર
