શું હોય છે ઇકોનોમિક સર્વે? બજેટ પહેલા આજે સંસદમાં થશે રજૂ

બજેટ સત્રને બે તબક્કામાં વહેંચવામાં આવ્યું છે.

નવી દિલ્હીઃ બજેટ સત્રની આજે શરૂઆત થઈ ગઈ છે. રાષ્ટ્રપતિ રામનાથ કોવિંદ સંસદના સેન્ટ્રલ હોલમાં બન્ને ગૃહના સભ્યોને સંબોધિત કરશે. આજે સરકર તરફતી બન્ને ગૃહમાં નાણાંકીય વર્ષ 2019-20 માટે ઇકોનોમિક સર્વે રિપોર્ટ રજ કરવામાં આવશે. આ રિપોર્ટથી દેશની નાણાંકીય હાલત વિશે ઠીક ઠીક જાણકારી મળે છે. આ રિપોર્ટને આર્થિક જાણકારોની મદદથી નાણાં મંત્રાલય તૈયાર કરે છે. શું હોય છે ઇકોનોમિક સર્વે? ઇકોનોમિક સર્વે રિપોર્ટને નાણાં મંત્રાલય તૈયાર કરે છે. આ રિપોર્ટમાં વિતેલા 12 મહિનામાં દેશની આર્થવ્યવસ્થા કેવી રહી, વિકાસની યોજનાઓનું કેટલું સફળતાપૂર્વક રીતે અમલીકરણ કરવામાં આવ્યું છે, સરકારની તમામ યોજનાઓની અસર કેટલી પ્રભાવી રહી, આ તમામ મુદ્દે વિસ્તારથી જાણકારી હોય છે. ક્યાં સુધી ચાલશે બજેટ સત્ર?

બજેટ સત્રને બે તબક્કામાં વહેંચવામાં આવ્યું છે. પ્રથમ તબક્કામાં 31 જાન્યુઆરીથી 11 ફેબ્રુઆરી સુધી ચાલશે અને બીજા તબક્કામાં તે 2 માર્ચથી 3 એ્રિલ સુધી ચાલશે. આજે બપોરે બે કલાકે સંસદ લાઈબ્રેરીમાં ભાજપની એક્ઝિક્યૂટિવ કમિટીની બેઠક મળશે અને એનડીએની બેઠક 3-30 કલાકની આસપાસ હશે. શું હોય છે ઇકોનોમિક સર્વેની થીમ? આ વર્ષે ઇકોનોમિક સર્વેની થીમ ‘વેલ્થ ક્રિએશન’ રાખવામાં આવી છે. સરકારે આ નાણાંકીય વર્ષમાં વિકાસ દર 5 ટકા રહેવાનો અંદાજ રાખ્યો છે. જે વિતેલા વર્ષે 11 વર્ષની નીચલી સપાટી પર છે. બીજા ક્વાર્ટરમાં તો વિકાસ દર ઘટીને 4.5 ટકા પર પહોંચી ગયો હતો.