Arvind Kejriwal: અરવિંદ કેજરીવાલ પરની ડોક્યુમેન્ટરીનું સ્ક્રીનિંગ રોકવામાં આવ્યું, આપ નેતાએ કહ્યું- અમારો અવાજ દબાવી નહીં શખે બીજેપી

Delhi Assembly Election 2025: દિલ્હીના ભૂતપૂર્વ મુખ્યમંત્રી અરવિંદ કેજરીવાલ પર બનેલી ડોક્યુમેન્ટરીનું નામ 'અનબ્રેકએબલ' છે. તે AAP વડાના જેલવાસ દરમિયાન બનેલી ઘટનાઓ પર આધારિત છે.

અરવિંદ કેજરીવાલ

Source : PTI

Arvind Kejriwal Documentary: દિલ્હી વિધાનસભા ચૂંટણીને લઈને ચાલી રહેલી ઉત્તેજના વચ્ચે, ભૂતપૂર્વ મુખ્યમંત્રી અને AAP વડા અરવિંદ કેજરીવાલ પર બનેલી ડોક્યુમેન્ટરી 'UNBREAKABALE' નું સ્ક્રીનિંગ શનિવારે (18 જાન્યુઆરી, 2025) ના રોજ અટકાવવામાં આવ્યું હતું. યોજના મુજબ, દસ્તાવેજી ફિલ્મનું સ્ક્રીનિંગ બપોરે ૧૨ વાગ્યે થવાનું હતું. આમ આદમી પાર્ટીના સૂત્રોના જણાવ્યા અનુસાર, દિલ્હી પોલીસે AAP નેતાઓના જેલમાં જવા પરની ડોક્યુમેન્ટરીના સ્ક્રીનિંગ પર પ્રતિબંધ મૂક્યો છે. AAP નેતાઓનો આરોપ છે કે દિલ્હી પોલીસે ભારતીય જનતા પાર્ટીના ઇશારે આ દસ્તાવેજી (Documentary)ફિલ્મના પ્રદર્શન પર પ્રતિબંધ મૂક્યો છે.

 

आम आदमी पार्टी पर एक फ़िल्म बनी है। आज जहाँ इस फ़िल्म को पत्रकारों को दिखाया जाना था, वहाँ देखिए, कितनी भारी संख्या में पुलिस लगाकर बीजेपी ने इस फ़िल्म को दिखाने से रोक दिया। बीजेपी इस फ़िल्म से बुरी तरह से डरी हुई है।

आख़िर क्यों? बीजेपी इस फ़िल्म को क्यो रोकना चाहती है? इस… pic.twitter.com/FpuNdojGlw

— Arvind Kejriwal (@ArvindKejriwal) January 18, 2025

'થિયેટર માલિકોને ધમકી આપવાનો આરોપ'

AAP સૂત્રોના જણાવ્યા અનુસાર, પોલીસે દિલ્હી થિયેટરોના માલિકોને દસ્તાવેજી ફિલ્મ રિલીઝ ન કરવા ધમકી આપી છે. આ ઉપરાંત, તેમને સ્ક્રીનીંગ ન કરવા માટે કહેવામાં આવ્યું છે.

'ભાજપના લોકો અવાજ દબાવી નહીં શકે'

સૂત્રોના જણાવ્યા અનુસાર, આમ આદમી પાર્ટીના નેતાઓ આ દસ્તાવેજી ફિલ્મ બતાવવા પર અડગ છે. તેઓનું કહેવું છે કે, ભાજપના લોકો અમારો અવાજ દબાવી ન શકે. આ ડોક્યુમેન્ટરીનું નામ 'UNBREAKABALE' છે. તે અરવિંદ કેજરીવાલના જેલવાસ દરમિયાન બનેલી ઘટનાઓ પર આધારિત છે. હવે તેમના સ્ક્રીનિંગ પર રોકને લઈને રાજકારણ ગરમાયું છે.

તમને જણાવી દઈએ કે અરવિંદ કેજરીવાલ પર કેન્દ્રિત આ ડોક્યુમેન્ટરી એવા સમયે પ્રદર્શિત થઈ રહી હતી જ્યારે દિલ્હીમાં ચૂંટણીને લઈને રાજકારણ ચરમસીમાએ છે. રાજકીય પક્ષોના નેતાઓ એકબીજા પર આરોપ લગાવી રહ્યા છે. આમ આદમી પાર્ટી પણ ચોથી વખત સત્તામાં પાછા ફરવા માટે પૂરી તાકાતથી પ્રચાર કરી રહી છે. વર્ષ 2020 ની જેમ આ વખતે પણ મુખ્ય મુકાબલો AAP અને BJP વચ્ચે છે.

આ પણ વાંચો....