રાજ્યમાં શીતલહેર, સવારથી ઠંડા પવનો ફૂંકાતા અમદાવાદ-રાજકોટ સહિતના શહેરોમાં ઠંડી વધી, નલિયા બન્યુ સૌથી ઠંડુ
Gujarat Weather: લેટેસ્ટ અપડેટ પ્રમાણે, ઠંડીનો ચમકારો ફરી જોવા મળ્યો છે. આજે સવારથી જ રાજ્યમાં 20 કિમી પ્રતિ કલાકે પવનો ફૂંકાયા છે
Gujarat Weather: આજે પણ ફરી એકવાર રાજ્યમાં ઠંડીનું જોર જોવા મળ્યુ છે. વહેલી સવારથી જ ઠંડા પવનો સાથે કૉલ્ડવેવ જોવા મળી રહ્યો છે. આજે રાજ્યમાં ફરીથી નલિયા સૌથી ઠંડુ શહેર બન્યુ છે, તો વળી અમદાવાદ અને રાજકોટમાં પણ શીતલહેર ફરી વળી છે. આ વખતે શિયાળો લાંબો ચાલશે, માવઠુ થવાની સાથે સાથે કેટલાક વિસ્તારોમાં ઝાકળ પડવાની આગાહી કરવામાં આવી છે. ખાસ કરીને, પવનોની દિશા બદલાતા ગુજરાતના હવામાનમાં જોરદાર પલટો આવી શકે છે.
હવામાન વિભાગ અનુસાર, રાજ્યમાં હજુપણ ઠંડીની અસરમાં કોઇ રાહતના સમાચાર નથી, આગામી ત્રણ દિવસ બાદ આંશિક રાહત મળવાની સંભાવના છે. લેટેસ્ટ અપડેટ પ્રમાણે, ઠંડીનો ચમકારો ફરી જોવા મળ્યો છે. આજે સવારથી જ રાજ્યમાં 20 કિમી પ્રતિ કલાકે પવનો ફૂંકાયા છે. આજે ફરી એકવાર નલિયા ઠંડુગાર બન્યુ છે. રાજકોટમાં આજે 10.7 ડિગ્રી તાપમાન નોંધાયુ છે, વળી, અમદાવાદમાં પણ તાપમાનનો પારો ગગડ્યો છે. આજે અમદાવાદમાં 13.7 ડિગ્રી તાપમાન નોંધાયુ છે. જોકે હવે ત્રણ દિવસ આંશિક રાહત મળી શકે છે.
મહત્વનું છે કે, અત્યારે દેશભરમાં શીતલહેર ફરી વળી છે, કાતિલ ઠંડીમાં સમગ્ર ઉત્તર ભારત ઠૂંઠવાયુ છે. આબુમાં આજનું તાપમાન 0.8 ડિગ્રી સુધી નોંધાયુ છે, પહાડોમાં તાપમાન માઈનસમાં પહોંચ્યુ છે. તો વળી, વૈષ્ણોદેવીમાં બરફવર્ષા થઇ રહી છે. હવામાન વિભાગ અનુસાર, દેશભરમાં 11 રાજ્યોમાં વરસાદનું એલર્ટ આપવામાં આવ્યુ છે, જો વરસાદી ઝાંપટા પડશે તો ઠંડીનું જોર વધી શકે છે.
ઠંડીને લઇને શું છે આગાહી -
હવામાન નિષ્ણાત પરેશ ગોસ્વામીએ ગુજરાત માટે આગાહી કરી છે. સામાન્ય રીતે તાપમાન ઊંચું જતાં ઠંડીમાં રાહત મળતી હોય છે, પરંતુ આ વખતે જાન્યુઆરી મહિનામાં ઠંડીમાં રાહત મળે તેવી શક્યતાઓ હવામાન નિષ્ણાત નકારી રહ્યા છે. તેમના મતે આ વખતે શિયાળો લાંબો ચાલવાનો છે, એટલે જાન્યુઆરી મહિનામાં ઠંડીમાં કોઈ મોટી રાહત મળે તેવી કોઈ શક્યતાઓ પણ નથી. 16 અને 17 જાન્યુઆરી સુધી તો ઠંડીમાં કોઈ રાહત મળવાની નથી. 18 તારીખથી આંશિક રાહત મળે તેવી શક્યતાઓ છે. તે પણ 1થી 2 ડિગ્રીની રાહત હશે. હાલ લઘુત્તમ અને મહત્તમ તાપમાન બન્ને નીચે ચાલી રહ્યા છે. જ્યારે છેલ્લા ચાર-પાંચ દિવસથી સામાન્ય કરતાં વધારે પવન ફૂંકાઈ રહ્યા છે.
હવામાન નિષ્ણાતના મતે, આગામી 19 તારીખથી પવનમાં સામાન્ય રાહત મળશે. 19 તારીખથી પવનની દિશામાં પણ બદલાવ આવશે. અત્યારે ઉત્તર અને ઉત્તર પૂર્વના પવનો છે. જેની જગ્યાએ ઉત્તર-પશ્ચિમના પવનો થઈ શકે છે. જેના કારણે 18 તારીખથી દરિયાકાંઠાના વિસ્તારોમાં ત્રણ દિવસ ઝાકળનો હળવો રાઉન્ડ આવી શકે છે. આ સાથે જ 18-19 તારીખે ગુજરાતના કેટલાક ભાગોમાં વાદળછાયું વાતાવરણ રહેવાનું છે. જોકે, માવઠું થઈ જાય તેવી શક્યતાઓ હાલ પૂરતી દેખાતી નથી. દક્ષિણ ગુજરાતના ભાગો, ઉત્તર ગુજરાતના અમુક ભાગોમાં વાદળછાયું વાતાવરણ જોવા મળશે. જ્યારે સૌરાષ્ટ્ર-કચ્છમાં છૂટાછવાયા વાદળો હશે.
આ પણ વાંચો
Rain: ડાંગમાં વરસાદી ઝાપટું, વાતાવરણ પલટાતા ચીંચલી ગામમાં ખાબક્યો જોરદાર વરસાદ
ટ્રેન્ડિંગ સમાચાર
ટોપ સ્ટોરી
