Railway Budget 2026: 7 શહેરોમાં બનશે હાઈ-સ્પીડ કોરિડોર; ₹2.55 લાખ કરોડની ફાળવણીથી બદલાશે રેલવેની સુરત
મુસાફરીની વ્યાખ્યા બદલાશે: દિલ્હી-વારાણસી અને મુંબઈ-પુણે સહિતના રૂટ પર સુપરફાસ્ટ ટ્રેનો દોડાવવાનો રોડમેપ તૈયાર; સેફ્ટી માટે 'કવચ' અને આધુનિક સ્ટેશનો માટે 'અમૃત ભારત' યોજના પર વિશેષ ભાર.
- રેલવેના ઈન્ફ્રાસ્ટ્રક્ચર અને વિકાસ માટે કુલ ₹2.55 લાખ કરોડની જંગી રકમ ફાળવવામાં આવી છે.
- મુસાફરી ઝડપી બનાવવા દિલ્હી-વારાણસી અને મુંબઈ-પુણે સહિતના 7 રૂટ પર હાઈ-સ્પીડ કોરિડોર બનશે.
- ટ્રેન અકસ્માતો રોકવા માટે સ્વદેશી ટેકનોલોજી 'કવચ' સિસ્ટમનો વ્યાપ વધારવામાં આવશે.
- 'અમૃત ભારત યોજના' હેઠળ દેશના 1,337 સ્ટેશનોને એરપોર્ટ જેવી આધુનિક સુવિધાઓથી સજ્જ કરાશે.
- બુલેટ ટ્રેન પ્રોજેક્ટની ગતિ જાળવી રાખવા માટે ₹21,000 કરોડનું વિશેષ રોકાણ ચાલુ રાખવામાં આવશે.
Railway Budget 2026: કેન્દ્રીય નાણામંત્રી નિર્મલા સીતારમણે રજૂ કરેલા 'બજેટ 2026' (Budget 2026) માં ભારતીય રેલવેની કાયાપલટ કરવા માટે ઐતિહાસિક જાહેરાતો કરવામાં આવી છે. 'વિકસિત ભારત' ના સંકલ્પને સાકાર કરવા માટે મોદી સરકારે રેલવે ઈન્ફ્રાસ્ટ્રક્ચરને નવી ઊંચાઈએ લઈ જવા માટે કમર કસી છે. આ બજેટમાં મુસાફરીનો સમય ઘટાડવા અને કનેક્ટિવિટી વધારવા માટે દેશના 7 મુખ્ય શહેરોને સાંકળતા 'હાઈ-સ્પીડ રેલ કોરિડોર' (High-Speed Rail Corridor) ની ભેટ આપવામાં આવી છે.
કયા 7 રૂટ પર દોડશે હાઈ-સ્પીડ ટ્રેનો?
બજેટમાં જાહેર કરાયેલા નવા કોરિડોર દેશના મહત્વના ઔદ્યોગિક અને સાંસ્કૃતિક કેન્દ્રોને જોડશે. આ પ્રોજેક્ટથી બિઝનેસ અને ટુરિઝમને મોટો વેગ મળશે. નીચે મુજબના રૂટ નક્કી કરવામાં આવ્યા છે:
મુંબઈ - પુણે (Mumbai-Pune)
પુણે - હૈદરાબાદ (Pune-Hyderabad)
હૈદરાબાદ - બેંગલુરુ (Hyderabad-Bengaluru)
હૈદરાબાદ - ચેન્નાઈ (Hyderabad-Chennai)
ચેન્નાઈ - બેંગલુરુ (Chennai-Bengaluru)
દિલ્હી - વારાણસી (Delhi-Varanasi)
વારાણસી - સિલિગુડી (Varanasi-Siliguri)
ખાસ કરીને દિલ્હીથી વારાણસી અને ત્યાંથી સિલિગુડી સુધીનો રૂટ ઉત્તર ભારત અને નોર્થ-ઈસ્ટ વચ્ચેની કનેક્ટિવિટી માટે ગેમચેન્જર સાબિત થશે.
રેલવે માટે રેકોર્ડબ્રેક બજેટ ફાળવણી
નાણાકીય વર્ષ 2025-26 માટે ભારતીય રેલવેને કુલ ₹2,55,445 Crore નું તોતિંગ બજેટ ફાળવવામાં આવ્યું છે. આ રકમનો ઉપયોગ નવી લાઈનો નાખવા, જુના ટ્રેક બદલવા અને આધુનિક ટેકનોલોજી લાવવા માટે થશે.
સુરક્ષા કવચ અને આધુનિક સ્ટેશનો
ટ્રેન અકસ્માતોને રોકવા અને મુસાફરોની સુરક્ષા (Passenger Safety) સુનિશ્ચિત કરવા માટે સ્વદેશી ટેકનોલોજી 'કવચ' (Kavach System) ના વિસ્તરણ પર ભાર મૂકવામાં આવ્યો છે. ઉપરાંત, 'અમૃત ભારત સ્ટેશન યોજના' (Amrit Bharat Station Scheme) હેઠળ દેશભરના 1,337 રેલવે સ્ટેશનોને એરપોર્ટ જેવી સુવિધાઓથી સજ્જ કરવામાં આવશે. હાલમાં 1,197 સ્ટેશનો પર કામગીરી પૂરજોશમાં ચાલી રહી છે.
બુલેટ ટ્રેન અને વંદે ભારતની રફ્તાર
બજેટમાં નવી વંદે ભારત ટ્રેનો (Vande Bharat Trains) શરૂ કરવાની પણ જાહેરાત થઈ છે. આ સાથે ડ્રીમ પ્રોજેક્ટ ગણાતી 'બુલેટ ટ્રેન' (Bullet Train) માટે ₹21,000 Crore નું રોકાણ ચાલુ રાખવામાં આવશે. માલસામાનની હેરફેર ઝડપી બનાવવા માટે હાઈ-ટ્રાફિક રૂટ પર ટ્રેક ડબલિંગ અને ઇલેક્ટ્રિફિકેશનનું કામ પણ યુદ્ધના ધોરણે કરવામાં આવશે.
ટોપ સ્ટોરી
ટ્રેન્ડિંગ સમાચાર
