સરકાર વેચશે એનર્જી એફિશિઅન્ટ એર AC, સરળ હપ્તેથી પણ ખરીદી શકશો તમે

કુમારે કહ્યું કે એસીના ડિસ્ટ્રીબ્યૂશન સિસ્ટમમાં ફેરફાર કરવામાં આવશે, કારણ કે એસી માટે સ્ટોરેજની ક્ષમતા વધુ જોઇએ. સાથે જ શો રૂમની વ્યવસ્થા હોવી જોઇએ. જેથી લોકો જોઇને એસી ખરીદી શકે. તેમણે કહ્યું કે એનર્જી એફિસિએન્ટ પંખાની માંગ વધી છે. સાત લાખ પંખા અને 13 લાખ ટ્યૂબલાઇટ વેચાઇ ચૂકી છે.

નવી દિલ્હીઃ વીજળી બચાવવા માટે એલઈડી બલ્બ બાદ હવે કેન્દ્ર સરકાર એનર્જી એફિશિઅન્ટ AC વેચશે. એટલું જ નહીં તમે ACને સરળ હપ્તે પણ ખરીદી શકશો. વીજળી કંપનીઓની સાથે મળી એનર્જી એફિશિઅન્સી સર્વિસીસ લિમિટેડ (ઈઈએસએલ)એ અંદાજે એક લાખ AC ખરીદ્યા છે. જોકે, આ ખરીદીદારી સરકારી ભવન, એટીએમ વગેરે માટે કરવામાં આવી છે. કહેવાય છે કે, તેને સામાન્ય લોકો માટે પણ લોન્ચ કરવામાં આવશે.

આ એસી 40 ટકા વીજળી બચાવે છે. હાલ તેની કિંમત 50 હજારથી 60 હજાર રૂપિયાની વચ્ચે છે. એલઇડી બલ્બ સ્કીમ પર બજારમાં માગ વધે તે માટે અમે 1 લાખ એસી ખરીદ્યા. પરંતુ હજુ આ કિંમત પર પબ્લિક તેને નહીં ખરીદે. હાલ તે સરકારી બિલ્ડિંગ, રેલવે સ્ટેશન, એટીએમમાં લાગી રહ્યા છે.ત્યાર બાદ ટેન્ડરથી રેટ ઘટાડવાની આશા છે.

એનર્જી એફિશિએન્સી સર્વિસિઝ લિમિટેડ (ઇઇએસએલ)ના એમડી સૌરભ કુમારે એક વેબસાઇટને જણાવ્યું કે, એનર્જી એફિશિએન્ટ એસીનું બજાર ઘણું જ ઓછું છે. જે ફાઇવ સ્ટાર એસી છે, તેનું રેટિંગ 3.7 છે. જ્યારે અમે 5.3નું રેટિંગનું ચલણ વધારવા માંગીએ છીએ.