PF કન્ટ્રીબ્યૂશન ઘટાડીને 10 ટકા કરી શકે છે EPFO

નવી દિલ્હીઃ કર્મચારી ભવિષ્ય નિધિ સંગઠન (ઈપીએફઓ) બોર્ડના ટ્રસ્ટીઓ સામાજિક સુરક્ષા યોજનાઓમાં ફરજિયાત કન્ટ્રીબ્યૂશન ઘટાડીને 10 ટકા કરવા પર આજે મંજૂરી આપી શકે છે. હાલની વ્યવસ્થા અંતર્ગત કર્મચારી અને કંપની ઈપીએફ, કર્મચારી પેંશન યોજના તથા કર્મચારી જમા સંબંદ્ધ વીમા યોજનામાં કુલ મળીને મૂળ પગારના 12-12 ટકા રકમ કન્ટ્રીબ્યૂટ કરે છે.

સુત્રોના જણાવ્યા પ્રમાણે આજે ઈપીએફઓની પૂણેમાં બેઠક યોજાઈ રહી છે. એવી દલીલ થઈ છે કે, આ પ્રસ્તાવથી કર્મચારીઓને માસિક વેતનમાં વધુ પૈસા હાથ પર આવશે. સાથોસાથ માલિક ઉપરનો ભાર પણ હળવો થશે. જો કે ટ્રેડ યુનિયનોને આ પ્રસ્તાવનો વિરોધ કર્યો છે. હાલ કંપની અને કર્મચારી પીએફ, પેન્શન અને વિમા સ્કીમમાં એક સમાનરૂપથી પગારના ૧૨ ટકા રકમ જમા કરાવશે.