Jioએ 5Gની તૈયારી શરૂ કરી, મુકેશ અંબાણી IMC 2018માં કરી મહત્ત્વની જાહેરાત, જાણો વિગતે

તેમણે વધુમાં જણાવ્યું કે, ભારતીય બજારોમાં જીઓ માટે 5G સૌથી મોટું ફોકસ રહેશે. Jio તેના Jio Phonesની તાકાતના આધારે ડિજિટલ અભિયાનને ભારતના ગામ-ગામ લઇ જવા ઈચ્છે છે. સારા વર્કિંગ ફોર્સના કારણે ટેલિકોમનું ભવિષ્ય અત્યંત ઉજળું છે. ભારતનું ઉદ્યમી મોબાઈલ સેક્ટર દેશના વિકાસમાં મહત્વનું યોગદાન આપી રહ્યું છે. વડાપ્રધાન નરેન્દ્ર મોદીના વડપણમાં દેશનો ઝડપથી વિકાસ થયો છે.

આ તબક્કે રિલાયન્સ ઇન્ડસ્ટ્રીના ચેરમેન મુકેશ અંબાણીએ મહત્ત્વની જાહેરાત કરી હતી. તેમણે કહ્યું કે, 2020 સુધીમાં ભારતભરમાં 4G હશે. દુનિયાના બીજા વિકસિત દેશોની સરખામણીએ ભારતમાં વહેલા 5G તૈયાર થઇ જશે. Jio ઓછી કિંમતે યૂઝર્સને વધુ ગુણવત્તા ઉપલબ્ધ કરાવી રહ્યું છે. અત્યારે બ્રોડબેન્ડ કનેક્ટિવિટીમાં ભારત 135માં સ્થાને છે, જેને જીઓ-ફાઈબર બદલવા ઈચ્છે છે. ભારતમાં દુનિયાના સૌથી વધુ મોબાઈલ ડેટા યુઝર્સ છે, જેનું મુખ્ય કારણ જીઓ છે.