OLA કેબ બનશે મોબાઈલ ATM, ડેબિટ કાર્ડ સ્વાઈપ કરવા પર મળશે રોકડ ઉપાડની સુવિધા

આ પહેલા સરકારે નવી નોટના ઉપાડ માટે સરકારી કંપનીઓના પેટ્રોલ પંપ અને બિગબજારના રિટેલ સ્ટોર્સ પર આ સુવિધા શરૂ કરી છે. હાલમાં અંદાજે 3700 પેટ્રોલ પંપ પર પોઈન્ટ ઓફ સેલ્સ (પીઓએસ) મશીનોની શરૂઆત કરવામાં આવી છે જ્યાંથી લોકો ડેબિટ કાર્ડના માધ્યમથી રોકડ ઉપાડી શકે છે.

આ અંગે ઓલાના મુખ્ય ઓપરેશન અધિકારી પ્રણ જીવરાજકાએ જણાવ્યું કે, શરૂઆતમાં આ સુવિધાના પરિણામ સારા મળી રહ્યા છે અને OLA બેંકોની સાથે આ સેવાનું વિસ્તરણ અન્ય શહેરમાં કરવાની સંભાવના પર વિચાર કરી રહી છે.