શું બંધ થઈ જશે ટાટાની આ કાર? જૂનમાં કંપનીએ બનાવી માત્ર 1 કાર

ઉલ્લેખનીય છે કે, નેનોને સૌથી પહેલા જાન્યુઆરી 2008ના ઓટો એક્સ્પોમાં સામે લવાઈ હતી. ત્યારે તેને લઈને એટલી આશાઓ હતી કે નેનોને મધ્યમ વર્ગની કાર જણાવાઈ. માર્ચ 2009માં બેઝિક મોડલના લગભગ એક લાખ રૂપિયાની કિંમતની સાથે નેનોને લોન્ચ કરાઈ. વધુ પડતર હોવા છતાં કિંમતને લઈને કરાયેલા આ નિર્ણય પર રતન ટાટાએ ત્યારે કહ્યું હતું કે, ‘વચન, વચન હોય છે.’

જોકે કંપની દ્વારા કારનું ઉત્પાદન આગળ ચાલુ રાખવામાં આવશે કે નહીં એમ પૂછવા પર ટાટા મોટર્સના પ્રવક્તાએ જણાવ્યું કે, ‘અમે જાણીએ છીએ કે વર્તમાન માળખામાં નેનો 2019 બાદ ચાલુ રહી શકે તેમ નથી. અમારે નવા રોકાણની જરૂરત પડી શકે છે. આ સંબંધમાં હજુ કોઈ નિર્ણય નથી લેવાયો.’