ભારત ગેસનો બાટલો બુક નથી થઈ રહ્યો? ટેન્શન ના લો, ફટાફટ નોંધી લો આ કામના નંબરો!

ઓનલાઈન એપ કે વેબસાઈટમાં વારંવાર એરર આવતી હોય તો મુંઝાવાની બિલકુલ જરૂર નથી. કંપનીએ ગ્રાહકો માટે ખાસ IVR અને હેલ્પલાઈન નંબરો જાહેર કર્યા છે, જેનાથી એક જ કોલમાં તમારો ગેસ બુક થઈ જશે.

આજકાલ દેશમાં ગેસના બાટલાના ભાવ અને તેના સપ્લાયને લઈને થોડો તણાવ જોવા મળી રહ્યો છે. આવામાં જો તમે ભારત ગેસ (Bharat Gas) ના ગ્રાહક છો અને તમારો ગેસ સિલિન્ડર બુક કરવામાં મુશ્કેલી પડી રહી છે, તો આ સમાચાર તમારા માટે જ છે.

ઘણા ગ્રાહકોની એવી ફરિયાદ છે કે એપ કે વેબસાઈટ પરથી બુકિંગ કરતી વખતે વારંવાર એરર આવે છે અને બુકિંગ ફેલ થઈ જાય છે. પરંતુ હવે તમારે હતાશ થવાની કે ગભરાવાની કોઈ જ જરૂર નથી. ઓનલાઈન બુકિંગમાં ધાંધિયા હોય ત્યારે તમે માત્ર એક ફોન કોલ કરીને (IVR નંબર 7715012345 પર), કસ્ટમર કેર નંબર (1800224344) પર ફરિયાદ કરીને કે પછી સીધા તમારી નજીકની ગેસ એજન્સીનો સંપર્ક કરીને આસાનીથી તમારો ગેસનો બાટલો બુક કરાવી શકો છો.

જો તમે ભારત ગેસની સત્તાવાર મોબાઈલ એપ કે વેબસાઈટ પરથી બુકિંગ કરી રહ્યા છો અને કોઈ ટેકનિકલ ખામીને કારણે તે વારંવાર નિષ્ફળ (Fail) જઈ રહ્યું છે, તો સૌથી પહેલાં થોડો સમય રાહ જુઓ. સર્વર ડાઉન હોવાને લીધે આવું થઈ શકે છે, તેથી થોડી વાર પછી ફરીથી પ્રયાસ કરવો એ સારો વિકલ્પ છે.

પરંતુ જો વારંવાર પ્રયાસ કરવા છતાં પણ બુકિંગ ન થાય, તો સૌથી સહેલો રસ્તો એ છે કે તમે ફોન કોલ દ્વારા તમારું બુકિંગ કરાવી લો. ઘણીવાર એપ કરતા ફોન દ્વારા બુકિંગ કરવું વધુ આસાન સાબિત થાય છે. ભારત ગેસે પોતાના ગ્રાહકોની સુવિધા માટે એક ખાસ ઓટોમેટેડ IVR નંબર બહાર પાડ્યો છે. તમારે તમારા રજિસ્ટર્ડ મોબાઈલ નંબર પરથી માત્ર 7715012345 પર કોલ કરવાનો છે.

ફોન લાગ્યા પછી તમને સિસ્ટમ દ્વારા કેટલીક સાવ સરળ સૂચનાઓ આપવામાં આવશે (જેમ કે તમારી ભાષા પસંદ કરો, બુકિંગ માટે 1 દબાવો વગેરે). બસ, તમારે એ સૂચનાઓનું પાલન કરવાનું છે. આટલું કરતા જ તમારું બુકિંગ રજિસ્ટર થઈ જશે અને તરત જ તમને મોબાઈલ પર કન્ફર્મેશનનો મેસેજ પણ મળી જશે.

જો તમને બુકિંગ કરવામાં, ગેસની ડિલિવરીમાં કે પછી એજન્સીને લગતી અન્ય કોઈ પણ સમસ્યા હોય, તો તમે ભારત ગેસના ગ્રાહક સેવા (Customer Care) નંબર 1800224344 પર સંપર્ક કરી શકો છો. અહીં કંપનીની ટીમ તમારી સમસ્યા સાંભળશે અને તેને બને તેટલી ઝડપથી ઉકેલવાનો પૂરો પ્રયાસ કરશે.

આ બધી જ રીતો અજમાવવા છતાં જો કોઈ કારણસર તમારું બુકિંગ ન થઈ રહ્યું હોય, તો પછી છેલ્લો અને સૌથી સચોટ રસ્તો એ છે કે તમારી નજીકની ગેસ એજન્સી (જ્યાં તમારું કનેક્શન છે) ત્યાં જઈને રૂબરૂ સંપર્ક કરો. ત્યાંનો સ્ટાફ તમારી સમસ્યા સમજીને ઝડપથી બુકિંગ પ્રોસેસ પૂરી કરી આપશે અને ગેસ ડિલિવરી ક્યારે થશે તેની ચોક્કસ માહિતી પણ આપી દેશે.