11 રૂપિયામાં 4G ડેટાઃ રિલાયન્સ Jioથી પણ સસ્તો છે આ કંપનીનો પ્લાન

ક્યાં મળશે પ્લાનઃ ટેલીનોર ઇન્ડિયા લગભગ તમામ સર્કલ્સમાં 4જી સેવા શરૂ કરી છે. દરેક સર્કલના અમુક જ વિસ્તારમાં ઉપલબ્ધ છે આ પ્લાન. આંધ્ર પ્રદેશ અને તેલંગાણા (વિજાગ, વિજયવાડા, અને એલુરુ), ગુજરાત (આણંદ), મહારાષ્ટ્ર અને ગોવા (અમરાવતી જ્યાં આ પેક 12 રૂપિયામાં ઉપલબ્ધ છે.) પૂર્વનું ઉત્તર પ્રદેશ (વારાણસી અને લખનઉ), પશ્ચિમ ઉત્તર પ્રદેશ (આગ્રા, દેહરાદુન, મસૂરી), બિહાર અને ઝારખંડ (રાંચી, ધનબાદ અને હાજીપુર)માં આ પ્લાન ઉપલબ્ધ છે.

ટેરિફ પ્લાન વિશે જણાવતા રિલાયન્સ ઇન્ડસ્ટ્રીઝના ચેરમેન મુકેશ અંબાણીએ કહ્યું હતું કે, રિલાયન્સ જિઓ સૌથી સસ્તો ડેટા પ્લાન ઉપલબ્ધ કરાવશે. જો આપણે રિલાયન્સ જિઓની વેબસાઈટ પર જઈને ડેટા પ્લાનની જાણકારી મેળવીઓ તો સૌથી સસ્તે ડેટા પ્લાન 19 રૂપિયાનો છે. આ પેકમાં ગ્રાહકોને 1 દિવસ માટે 100 એમબી 4જી ડેટા મળશે. પરંતુ એક કંપની એવી પણ છે જે રિલાયન્સ જિઓથી પણ સસ્તો ટેરિફ પ્લાન આપી રહી છે. ટેલીનોર ઇન્ડિયા માત્ર 11 રૂપિયામાં 4જી ડેટા આપી રહી છે. 11 રૂપિયામાં આ પેકમાં 1 દિવસ માટે 100 એમબી 4જી ડેટા આપવામાં આવશે.

97 રૂપિયામાં 1 જીબી 4જીઃ કંપનીએ આ પ્લાનને 'સૌથી સસ્તા સબકે લિયે, ફુલ પૈસા વસુલ' નામ આપ્યું છે. પ્લાનમાં 11 રૂપિયાથી ઉપરના પણ ઘણાં સસ્તા પેક ઉપલબ્ધ છે. તેમાં 47 રૂપિયામાં 4 દિવસ માટે 500MB 4G ડેટા અને 97 રૂપિયામાં 28 દિવસ માટે 1GB 4G ડેટા આપવામાં આવશે. એટલું જ નહીં આ પેકમાં 25 પૈસા પ્રતિ મિનિટ લોકલ અને 30 પૈસા પ્રતિ મિનિટ એસટીડી કોલ પણ મળશે.

રિલાયન્સ જિઓએ 5 સપ્ટેમ્બરથી પોતાની વ્યાવસાયિક સેવા શરૂ કરી છે. સૌથી સસ્તો ડેટા આપવાનો દાવો કરનારી આ કંપનીએ ટેલિકોમ બજારમાં કોહરામ મચાવી દીધો છે. જોકે 31 ડિસેમ્બર સુધી ગ્રાહકોને ફ્રીમાં અનલિમિટેડ 4જી ડેટા, વોયસ કોલિંગ, એસએમેસ, જિયોએપ્સ જેવી સુવિધાઓ આપવામાં આવી રહી છે. પરંતુ 1 જાન્યુઆરી બાદતી જિઓ સર્વિસનો લાભ લેવા માટે ગ્રાહકોએ તેની સત્તાવાર વેબસાઈટ પર આપવામાં આવેલ ટેરિફ અનુસાર રકમ ચૂકવવી પડશે.