Ahemdabad News: સિંધુ ભવન રોડ પર વધુ એક નબીરાના આતંકની ઘટના, પોલીસ પર કાર ચઢાવવાનો પ્રયાસ

અમદાવાદ: અમદાવાદમાં ફરીએ એક નબીરાના ત્રાસની ધટના સામે આવી છે. અહીં સિંઘુ ભવન રોડ પર નબીરાએ પોલીસ પર હુમલો કરીને તેના પર ગાડી ચઢાવી દેવાનો પ્રયાસ કર્યો હતો. શું છે સમગ્ર ઘટના જાણીએ

સિંધુ ભવન રોડ પર લુખ્ખા તત્વોનો આતંક

Ahemdabad News:અમદાવાદ: અમદાવાદમાં ફરીએ એક નબીરાના ત્રાસની ધટના સામે આવી છે. અહીં સિંઘુ ભવન રોડ પર નબીરાએ પોલીસ પર હુમલો કરીને તેના પર ગાડી ચઢાવી દેવાનો પ્રયાસ કર્યો હતો. શું છે સમગ્ર ઘટના જાણીએ

ઘૂળેટીની સાંજે હોળીના રંગમાં મસ્તીમાં ડૂબેલા નબીરાઓને ટ્રાફિક સહિતના નિયમોને નેવે મૂકીને રસ્તા પર મોટે-મોટેથી ગીતો વગાડતા જોવા મળ્યા હતા, પોલીસે આ લોકોને રોકવાનો પ્રયાસ કર્યો તો પોલીસ પર જ હુમલો કરી દીધો હતો અને પોલીસ પર ગાડી ચઢાવી દેવાનો પણ પ્રયાસ કર્યો હતો.  સમયે  2 પોલીસ કર્મીને ઈજા થઇ હતી. આ મામલે બોડકદેવ પોલીસે એક નબીરાની ધરપકડ કરી છે. આરોપી મૂળ સૈજપુર બોઘા વિસ્તારના છે. ધૂળેટી હોવાથી સિંધુ ભવન ફરવા આવ્યા હતા, જ્યારે અન્ય નાસી છૂટ્યા હતા.  પોલીસ પર હુમલામાં 6 સામે ફરિયાદ નોંધાઇ છે.

થોડા દિવસ પહેલા નબીરાઓએ દંપતીને કર્યું હતું ઘાયલ

અમદાવાદના પોશ પશ્ચિમ વિસ્તારમાં એક નબીરો BMW કારને બેફામ હંકારી દંપતીને જોરદાર ટક્કર મારી નાસી છૂટ્યો હતો.  આ કાર ચાલક દંપતીને ઠોકર મારીને  સ્થળથી દોઢ કિમી દૂર કારને બિનવારસી હાલતમાં મૂકી ભાગી ગયો હતો. અકસ્માત બાદ પોલીસે કારમાંથી  દારૂની બોટલો મળી આવી હતી. 15 દિવસમાં આ વિસ્તારમાં આ બીજી ઘટના બની છે.

Statue of Unity: સ્ટેચ્યુ ઓફ યુનિટી ખાતે શરૂ થશે કેશુડા ટુર, પ્રવાસીઓ વિંધ્યાચલ પર્વતમાળાનો નજારો માણી શકશે

tatue of Unity: સ્ટેચ્યુ ઓફ યુનિટી આજે વિશ્વકક્ષાનું પ્રવાસનધામ બન્યુ છે અત્યારસુધી દેશ-વિદેશના 1 કરોડ કરતા વધુ પ્રવાસીઓ સ્ટેચ્યુ ઓફ યુનિટીની મુલાકાત લઇ ચુકયા છે. એકતાનગર વિસ્તાર કેસુડાના લગભગ ૬૫,૦૦૦ વૃક્ષથી સમૃધ્ધ છે અને વસંતઋતુના આગમન સાથે કેસુડાના ફૂલોની ચાદર છવાઇ જતા સમગ્ર વિસ્તારનું વાતાવરણ સોળે કળાએ ખીલી ઊઠે છે. જેને લઈને હવે સ્ટેચ્યુ ઓફ યુનિટી ખાતે કેસુડા ટુરની શરૂઆત કરવાનો નિર્ણય કરવામાં આવ્યો છે.      

કેસુડા! ભાગ્યે જ કોઇ હશે જે આ નામથી અજાણ હશે. સંસ્કૃતમાં કિંશુક તરીકે ઓળખાતું આ વૃક્ષ ખાખરો અને પલાશ જેવા નામોથી પણ પ્રચલિત છે. કેશુડો એ સમગ્ર ભારતવર્ષના વનવગડાનું અતિ સામાન્ય પણ તેમ છતા અતિ વિશિષ્ટ અંગ છે. ગરમીની શરૂઆત અને વસંતઋતુના આગમન થતાની સાથે જ જ્યાં ચારે બાજુ પાનખર ઋતુની વચ્ચે જ્યાં સુકાયેલા વૃક્ષો વચ્ચે કેશુડાના વૃક્ષો પર પુષ્પો ખીલે છે. કેસરી કલરના ફૂલો આપણા મનને શાંતિ આપે છે. સાથે આ સમય દરમ્યાન વન વિસ્તારનું વાતાવરણ સોળે કળાએ ખીલી ઉઠે છે. તેથી જ તો કેશુડાના સોંદર્યનું મોહક વર્ણન સાહિત્યો અને કાવ્યોમાં ખુબ જ કરવામાં આવ્યુ છે. 

કેશુડા ટુર માટે અલગ-અલગ ત્રણ રૂટ તૈયાર કરવામાં આવેલ છે. અને પ્રવાસીઓ કુદરતની વચ્ચે જઇને કેશુડાની સાથે સાથે વિંધ્યાચલ પર્વતમાળામાં રહેલ અમુલ્ય વન્ય વારસાને માણી શકશે.  પ્રવાસીઓને બસમાં શ્રેષ્ઠ ભારત ભવનથી વિંધ્યાચલમાં ફેલાયેલા ભવ્ય અને પ્રાચીન જંગલમાં લઈ જવામાં આવશે, જે પલાશનાં ગાઢ જંગલો ધરાવે છે. તેઓ પરાગરજની ચમત્કારિક દુનિયા અને કેસુડાના ફૂલો સાથેના તેમના જોડાણને જોતા-જોતા ખીણો અને કોતરો સાથે લગભગ ૩-૪ કિમી સુધી ટ્રેક કરશે.ટ્રેકીંગ પછી પ્રવાસીઓને ખલવાણી ઇકોટુરિઝમ સાઇટની મુલાકાત કરાવવામાં આવશે.