Agniveer Recruitment: 10- 12 પાસ માટે ઈન્ડિયન નેવીમાં બમ્પર ભરતી, 40 હજાર મળશે પગાર, આ રીતે કરો અરજી

ઈન્ડિયન નેવીમાં  અગ્નિવીર બનવા માંગતા યુવાનો માટે સારા સમાચાર છે. ઈન્ડિય નેવીમાં અગ્નિવીર માટે ભરતીની જાહેરાત કરી છે.

તસવીર સોશિયલ મીડિયા

Indian Navy Agniveer Recruitment: ઈન્ડિયન નેવીમાં  અગ્નિવીર બનવા માંગતા યુવાનો માટે સારા સમાચાર છે. ઈન્ડિય નેવીમાં અગ્નિવીર માટે ભરતીની જાહેરાત કરી છે. MR અને સિનિયર સેકન્ડરી રિક્રુટમેન્ટ (SSR) ભરતી માટે અરજી કરી શકે છે. આ ભરતી સ્ત્રી અને પુરુષ બંને માટે છે. અરજી કરવા માટે ઉમેદવારોએ ઈન્ડિયન નેવીની સત્તાવાર વેબસાઇટની મુલાકાત લેવી પડશે.તમને આ ખાલી જગ્યા વિશે વિગતવાર જણાવીએ. 

જો તમે આ ભરતી અભિયાનનો ભાગ બનવા માંગતા હોય તો અત્યારે જ અરજી કરો કારણ કે છેલ્લી તારીખ 4 જૂન રાખવામાં આવી છે. જો તમે ગણિત અને ભૌતિકશાસ્ત્રના વિષયોમાં ઓછામાં ઓછા 50 ટકા માર્ક્સ સાથે 12મું પાસ કર્યું છે અથવા 50 ટકા માર્ક્સ સાથે 10મું પાસ કર્યું છે, તો તમે આ માટે અરજી કરી શકો છો. અરજી કરવા માટે તમારે ફી તરીકે 550 રૂપિયા ચૂકવવા પડશે. આ સાથે 18% GST ચૂકવવો પડશે.

આ સિવાય કોઈએ એન્જિનિયરિંગ (મિકેનિકલ/ઈલેક્ટ્રિકલ/ઓટોમોબાઈલ)માં ત્રણ વર્ષનો ડિપ્લોમા કોર્સ પાસ કરેલ હોવો જોઈએ. 50% ગુણની માર્કશીટ સાથે કોમ્પ્યુટર સાયન્સ (ઇન્સ્ટ્રુમેન્ટેશન ટેકનોલોજી/ઇન્ફોર્મેશન ટેકનોલોજી) કોર્સ. આ ઉપરાંત, જો ઉમેદવારે માન્ય બોર્ડમાંથી ભૌતિકશાસ્ત્ર અને ગણિતમાં 2 વર્ષનો વ્યાવસાયિક અભ્યાસક્રમ કર્યો હોય, તો ઉમેદવાર પાસે 50 ટકા ગુણ હોવા જોઈએ.

વયમર્યાદા  

1 નવેમ્બર 2003 થી 30 એપ્રિલ 2007 (બંને તારીખો મેળવીને) વચ્ચે જન્મેલા હોવો જોઈએ. અગ્નિવીરને એક વર્ષમાં 30 લીવ મળશે, આ સિવાય મેડિકલ લીવ પણ લઈ શકાશે. તમને દર મહિને 30 હજાર રૂપિયાનો પગાર મળશે. ડ્રેસ અને મુસાફરી ખર્ચ અલગથી ચૂકવવામાં આવશે. અગ્નિવીરને દર વર્ષે ઇન્ક્રીમેન્ટ પણ મળી શકે છે. ઈન્ડિયન નેવીમાં નોકરી દરમિયાન કરેલા ઉમેદવારનો જીવન વીમો પણ મેળવશે, જેના માટે અગ્નિવીરને એક પણ રૂપિયો ચૂકવવો પડશે નહીં.

પસંદગી પ્રક્રિયા કઈ રીતે હાથ ધરાશે

લેખિત પરીક્ષા
શારીરિક કસોટી
તબીબી પરીક્ષણ
ડોક્યુમેન્ટ વેરિફિકેશન 

ફિઝિકલ ટેસ્ટમાં પુરુષોએ 6 મિનિટ 30 સેકન્ડમાં 1.6 કિલોમીટર દોડવાનું રહેશે, જ્યારે મહિલાઓને સમયમાં છૂટ આપવામાં આવી છે. મહિલાઓએ 8 મિનિટમાં 1.6 કિલોમીટરનું અંતર કાપવાનું રહેશે. નિર્ધારિત સમયમાં પુરૂષોએ 20 સ્ક્વોટ્સ અને મહિલાઓએ 15 સ્ક્વોટ્સ કરવાના રહેશે. પુરૂષોએ 15 પુશ-અપ્સ કરવા પડશે અને મહિલાઓએ 10 પુશ-અપ્સ કરવા પડશે. 6 મિનિટ 30 સેકન્ડમાં પુરૂષોએ 15 સિટ અપ અને મહિલાઓએ 10 સિટ અપ કરવાના રહેશે.