CA Result 2023: CA રિઝલ્ટમાં અમદાવાદી યુવકે મારી બાજી, સમગ્ર દેશમાં મેળવ્યો પ્રથમક્રમ

ICAI CA Final Inter Result 2023: આજે સીએનું ફાઈનલ રિઝલ્ટ જાહેર કરી દેવામાં આવ્યું છે. આ રિઝલ્ટમાં ગુજરાતીએ બાજી મારી છે. કારણ કે, અમદાવાદના વિધાર્થીએ સમગ્ર દેશમાં પ્રથમ ક્રમાંક મેળવ્યો છે.

અક્ષય જૈન (તસવીર- સોશિયલ મીડિયા)

ICAI CA Final Inter Result 2023: આજે સીએનું ફાઈનલ રિઝલ્ટ જાહેર કરી દેવામાં આવ્યું છે. આ રિઝલ્ટમાં ગુજરાતીએ બાજી મારી છે. કારણ કે, અમદાવાદના વિધાર્થીએ સમગ્ર દેશમાં પ્રથમ ક્રમાંક મેળવ્યો છે. અમદાવાદના અક્ષય જૈન નામના વિધાર્થીએ સમગ્ર દેશમાં પ્રથમ આવીને ગુજરાતનું નામ રોશન કર્યું છે. તેમણે 800માંથી 616 માર્ક્સ (77 ટકા) મેળવ્યા છે.

 

Congratulations to all Students who passed CA Inter exams to join 2 years of uninterrupted Article ship. Also Congratulate Who became CA as our colleagues. Now Result are declared pic.twitter.com/9XVIqfCJwB

— DHIRAJ KHANDELWAL (@kdhiraj123) July 5, 2023

આ છે સીએ ફાઇનલના બીજા અને ત્રીજા ટોપર્સ 

ચેન્નાઈના કલ્પેશ જૈને CA ફાઈનલ પરીક્ષામાં 603 માર્ક્સ સાથે બીજું સ્થાન મેળવ્યું છે. તે જ સમયે, નવી દિલ્હીના પ્રખર વાર્ષનેય 574 માર્ક્સ સાથે ત્રીજા સ્થાને છે. તે જ સમયે, ICAIના સેન્ટ્રલ કાઉન્સિલ મેમ્બર (CCM) ધીરજ ખંડેલવાલે પણ આ સંદર્ભમાં ટ્વિટ કર્યું છે અને શુભકામના પાઠવી છે.

CA ઈન્ટર અને CA ફાઈનલનું પરિણામ જાહેર

 ઇન્સ્ટિટ્યૂટ ઑફ ચાર્ટર્ડ એકાઉન્ટન્ટ્સ ઑફ ઇન્ડિયા (ICAI) એ બુધવાર, 5મી જુલાઈના રોજ CA ઇન્ટરમિડિયેટ અને CA ફાઇનલના પરિણામો જાહેર કર્યા છે. આ પરીક્ષાઓ મે 2023માં આયોજિત થઈ હતી. પરીક્ષા બાદ ઉમેદવારો પરિણામની આતુરતાપૂર્વક રાહ જોઈ રહ્યા હતા. હવે તેમની રાહ પૂરી થઈ છે. તમામ ઉમેદવારો ICAI CA ની સત્તાવાર વેબસાઇટ icai.nic.in પર પરિણામ જોઈ શકે છે.

આ રીતે પરિણામ તપાસો

• પરિણામ ચકાસવા માટે, પ્રથમ સત્તાવાર વેબસાઇટ icai.nic.in પર જાઓ.
• CA ઇન્ટરમીડિયેટ અને CA ફાઇનલ પરિણામ માટે લિંક પર ક્લિક કરો.
• આ પછી, વિનંતી કરેલી બધી માહિતી કાળજીપૂર્વક ભરો અને તેને સબમિટ કરો.
• આ પછી પરિણામ તમારી સ્ક્રીન પર દેખાશે.
• જો તમે ઇચ્છો, તો તમે તેને સ્ક્રીન પર સેવ કરી શકો છો અથવા પ્રિન્ટ આઉટ લઈ શકો છો.

સીએ ફાઈનલમાં ગ્રુપ 1 અને ગ્રુપ 2 ની પરીક્ષા આપનારા 25,841 ઉમેદવારો હતા. જેમાંથી માત્ર 2,152 ઉમેદવારો પાસ થયા છે. CAની ફાઈનલ પરીક્ષામાં બંને ગ્રુપ સહિત 8.33% ઉમેદવારો પાસ થયા છે. જ્યારે CA ઇન્ટર રિઝલ્ટ 2023માં આ વર્ષે બંને ગ્રૂપની પાસ ટકાવારી 10.24 ટકા છે.

પાસ થવા માટે કેટલા માર્ક્સ જરૂરી છે

ગયા વર્ષની વાત કરીએ તો, રંજન કાબરાએ સીએ ઇન્ટર રિઝલ્ટ 2022માં 666 માર્ક્સ સાથે ટોપ કર્યું હતું. જ્યારે અનિલ શાહે 642 માર્ક્સ સાથે સીએ ફાઇનલમાં ટોપ કર્યું હતું. આ પરીક્ષાઓમાં પાસ થવા માટે, વિદ્યાર્થીઓએ ક્વોલિફાઇંગ માર્ક્સ મેળવ્યા હોય તે જરૂરી છે. CA ફાઈનલ પરીક્ષા લાયકાતના માપદંડો મુજબ, ઉમેદવારોએ દરેક પેપરમાં ઓછામાં ઓછા 40% ગુણ અને કુલ 50% ગુણ મેળવ્યા હોવા જોઈએ.

ICAI CA ઇન્ટર પરિણામ: આંકડાઓમાંથી ગૃપ I, ગૃપ II ના ટકાવારીના આંકડા સમજો

ગૃપ I

હાજરી આપનાર: 100781

પાસ:19103

પાસની ટકાવારી: 18.95 %

ગૃપ II

હાજરી આપનાર: 81956

પાસ: 19208

પાસની ટકાવારી: 23.44 %

બંને ગૃપ

હાજરી આપનાર: 39195

પાસ: 4014

પાસની ટકાવારી: 10.24 %

CA ની અંતિમ પરીક્ષા લાયકાતના નિયમ મુજબ, ઉમેદવારોને લાયક ગણવા માટે દરેક પેપરમાં ઓછામાં ઓછા 40% અને કુલ 50% ગુણ મેળવવાની જરૂર છે.

મે 2022 માં, બંને વર્ષમાં કુલ 12.59% વિદ્યાર્થીઓ પાસ થયા.

ડિસેમ્બર 2021ના નવા કોર્સમાં કુલ 15.31% વિદ્યાર્થીઓએ પરીક્ષા પાસ કરી હતી.

ડિસેમ્બર 2021માં જૂના કોર્સમાં કુલ 1.42% વિદ્યાર્થીઓ પાસ થયા હતા.

જુલાઈ 2021માં નવા કોર્સમાં કુલ 11.97% અને જૂના કોર્સમાં 1.57% વિદ્યાર્થીઓ પાસ થયા હતા.

Join Our Official Telegram Channel: https://t.me/abpasmitaofficial