BECIL Recruitment 2022: 10 પાસથી લઇને માસ્ટર્સ માટે નોકરીની તક, જાણો કેટલો મળશે પગાર?

જેઓ આ ભરતી માટે અરજી કરવા માંગે છે તેઓ BECIL સત્તાવાર વેબસાઇટ becil.com  પર જઇને અરજી કરી શકે છે

ફાઇલ તસવીર

BECIL Recruitment 2022: BECIL ભરતી 2022: Broadcast Engineering Consultants Indian Limited (BECIL) ભરતી 2022 માટે નવી નોટિસ જાહેર કરવામાં આવી છે. લોઅર ડિવિઝન ક્લાર્ક (LDC), સ્ટેનોગ્રાફર, લાઇબ્રેરિયન, જુનિયર વોર્ડન, સ્ટોર કીપર, જુનિયર હિન્દી ટ્રાન્સલેટર સહિતની વિવિધ જગ્યાઓની ભરતી માટે લાયક અને રસ ધરાવતા ઉમેદવારો 07 જુલાઈ સુધી અરજી કરી શકે છે.

જેઓ આ ભરતી માટે અરજી કરવા માંગે છે તેઓ BECIL સત્તાવાર વેબસાઇટ becil.com  પર જઇને અરજી કરી શકે છે. લાયક ઉમેદવારોને ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સ (AIIMS), બિલાસપુરમાં નોકરી આપવામાં આવશે. અગાઉ ઓનલાઈન અરજી કરવાની છેલ્લી તારીખ 28 જૂન 2022 હતી.

ખાલી જગ્યાની વિગતો

આ ભરતી અભિયાન (BECIL ભરતી 2022) નો ઉદ્દેશ લોઅર ડિવિઝન ક્લાર્ક, ફાર્માસિસ્ટ, સ્ટેનોગ્રાફર, ટેકનિશિયન, ઓપ્ટોમેટ્રિસ્ટ, લાઇબ્રેરિયન અને અન્ય વિવિધ જગ્યાઓ માટે કુલ 123 ખાલી જગ્યાઓ ભરવાનો છે.

કોણ અરજી કરી શકે છે?

માન્યતાપ્રાપ્ત બોર્ડમાંથી મેટ્રિક (વર્ગ 10મી) પરીક્ષા પાસ કરી હોય તેવા ઉમેદવારોથી માંડીને એમએસસી મેડિકલ ડિગ્રી મેળવનાર ઉમેદવારો અરજી કરી શકે છે. પોસ્ટ મુજબની શૈક્ષણિક લાયકાત અલગ છે.

કેટલો પગાર મળશે?

10 પાસ ઉમેદવારોને 13,290 રૂપિયાથી લઈને 18,750 રૂપિયા પ્રતિ માસ પગાર મળશે. જ્યારે 12 પાસ ઉમેદવારોને દર મહિને 18,750 રૂપિયાનો પગાર આપવામાં આવશે. આ સિવાય ગ્રેજ્યુએટ અને માસ્ટર ડિગ્રી ધરાવતા ઉમેદવારોને દર મહિને 35,400 રૂપિયાથી 44,900 રૂપિયા સુધીનો પગાર આપવામાં આવશે.

જાણો કેવી રીતે અરજી કરવી?

લાયક ઉમેદવારો સૌ પ્રથમ BECIL ની સત્તાવાર વેબસાઇટ becilregistration.com પર જાવ. હોમ પેજ પર ન્યૂ રજીસ્ટ્રેશનની લિંક પર ક્લિક કરો અને જરૂરી વિગતો ભરીને રજીસ્ટ્રેશન કરો. અહીં જાહેરાત નંબર-150 પર ક્લિક કરીને અરજી ફોર્મ ભરો અને જરૂરી દસ્તાવેજો અપલોડ કરો. હવે ફી ભરો. ફી જમા થતાંની સાથે જ તમારી અરજી પણ સબમિટ કરવામાં આવશે. ઉમેદવારો કન્ફર્મ પેજ ડાઉનલોડ કરી શકે છે અને વધુ સંદર્ભ માટે તેની પ્રિન્ટઆઉટ તેમની પાસે રાખી શકે છે.