FSSAIએ બહાર પાડી 33 પદો પર ભરતી, બે લાખ રૂપિયા મળશે પગાર

FSSAI એ ગ્રુપ A અને ગ્રુપ B માટે ખાલી જગ્યાઓ બહાર પાડી છે.

FSSAI

FSSAI એ સારી સરકારી નોકરીનું સ્વપ્ન જોનારાઓને ગોલ્ડન તક આપી છે. અનુભવી અને ફ્રેશર્સ બંન્ને FSSAIની આ નોકરીઓ માટે અરજી કરી શકે છે. તો જો તમે લાયક છો તો જલદી અરજી કરો. તમને નોકરી વિશે વધુ માહિતી fssai.gov.in પર મળશે જ્યાં તમે સત્તાવાર નોટિફિકેશન ચેક કરી શકો છો. નોંધનીય છે કે અરજીઓ 15 એપ્રિલથી શરૂ થઈ ગઈ છે અને તેની છેલ્લી તારીખ 30 એપ્રિલ છે.

FSSAI એટલે કે ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયામાં ખાદ્ય સુરક્ષા અને ધોરણોનું ધ્યાન રાખવામાં આવે છે. FSSAI એ ગ્રુપ A અને ગ્રુપ B માટે ખાલી જગ્યાઓ બહાર પાડી છે. આ નોકરીઓ સ્નાતકો, એન્જિયર્સ અને અનુભવ ધરાવતા પ્રોફેશનલ્સ માટે બહાર પાડવામાં આવી છે. આમાંથી કેટલીક જગ્યાઓ સરકારી કચેરીઓમાં કામ કરતા અધિકારીઓ અને કર્મચારીઓ માટે અનામત રાખવામાં આવી છે.

કઈ જગ્યાઓ પર ભરતી થાય છે

FSSAI એ ડિરેક્ટર, જોઈન્ટ ડિરેક્ટર, આસિસ્ટન્ટ અને અન્ય વહીવટી અધિકારીઓની જગ્યાઓ માટે ભરતી બહાર પાડી છે. આમાં ડિરેક્ટરના પદ માટે 2, જોઈન્ટ ડિરેક્ટર માટે 3, સિનિયર મેનેજર માટે 2, મેનેજર માટે 4, આસિસ્ટન્ટ ડિરેક્ટર કક્ષાએ 1, એડમિનિસ્ટ્રેટિવ ઓફિસરના પદ માટે 10, સિનિયર પ્રાઈવેટ સેક્રેટરીના પદ માટે 4, આસિસ્ટન્ટ મેનેજરના પદ માટે 1 અને આસિસ્ટન્ટના પદ માટે 6 ભરતીઓ કરવામાં આવી છે.                                                    

કોણ પાત્ર બનશે, કેટલો પગાર આપવામાં આવશે?

FSSAI એ આ બધી ભરતીઓ માટે અલગ અલગ જરૂરિયાતો અનુસાર અલગ અલગ લાયકાત પણ નક્કી કરી છે. જે અધિકારીઓ પહેલાથી જ કેન્દ્ર કે રાજ્ય સરકાર, યુનિવર્સિટી કે સંશોધન કેન્દ્રમાં આ પદ પર કાર્યરત છે તેઓ ડિરેક્ટર સ્તરે પણ અરજી કરી શકે છે. જરૂરિયાત મુજબ કેટલીક જગ્યાઓ માટે કાયદા, MBA, BE, BTech જેવી ટેકનિકલ ડિગ્રીઓ પણ માંગવામાં આવી છે. વરિષ્ઠ પદો માટે ઉમેદવારો પાસે ઓછામાં ઓછો 5 વર્ષનો અનુભવ હોવો આવશ્યક છે. આ નોકરી માટે પગાર પણ ખૂબ સારો છે. પસંદ કરાયેલા ઉમેદવારોને 1,23,100 રૂપિયાથી 2,15,900 રૂપિયા સુધીનો પગાર મળશે.