NEET UG 2024: ગુજરાતના 85000 સહિત દેશના 24 લાખથી વધુ વિદ્યાર્થીઓ આપશે NEET UG, નિષ્ણાંતોએ આપી સલાહ

NEET UG 2024: અમદાવાદ શહેરમાં 21 કેન્દ્રો પર પ્રવેશ પરીક્ષા લેવામાં આવશે

પ્રતિકાત્મક તસવીર ( Image Source :Freepik )

NEET UG 2024: મેડિકલ એન્ટ્રન્સ ટેસ્ટ એટલે કે નેશનલ એલિજિબિલિટી કમ એન્ટ્રન્સ ટેસ્ટ UG (NEET UG) પરીક્ષા 5 મેના રોજ દેશભરમાં લેવાશે. દેશની 706 મેડિકલ, 323 BDS સહિતની કોલેજોમાં 2.10 લાખથી વધુ બેઠકો પર પ્રવેશ મેળવવા માટે ગુજરાતના 85,000 સહિત દેશભરમાંથી 24 લાખથી વધુ વિદ્યાર્થીઓ નેશનલ ટેસ્ટિંગ એજન્સી દ્વારા આયોજિત NEET UG પરીક્ષામાં બેસશે.

બપોરે 1.30 વાગ્યા પછી પ્રવેશ આપવામાં આવશે નહીં

અમદાવાદ શહેરમાં 21 કેન્દ્રો પર પ્રવેશ પરીક્ષા લેવામાં આવશે. જેમાં અમદાવાદના 9,000 થી વધુ વિદ્યાર્થીઓ સહિત ગુજરાતના 85,000 વિદ્યાર્થીઓ પ્રવેશ પરીક્ષા આપશે. આ પ્રવેશ પરીક્ષાનો સમય બપોરે 2 થી 5.20 સુધીનો રહેશે. જે માટે વિદ્યાર્થીઓએ 1.30 સુધીમાં પરીક્ષા કેન્દ્ર પર પહોંચવું પડશે. બપોરે 1.30 વાગ્યા પછી પરીક્ષા કેન્દ્રમાં કોઈપણ સંજોગોમાં પ્રવેશ આપવામાં આવશે નહીં.

NEET UG ઉમેદવારોને નિષ્ણાતની સલાહ

મેડિકલ, ડેન્ટલ, આયુષ, વેટરનરી ક્ષેત્રોમાં પ્રવેશ લેવા ઈચ્છતા વિદ્યાર્થીઓ માટે દેશમાં વર્ષમાં એકવાર UG NEETનું આયોજન કરવામાં આવે છે. NEET UG નિષ્ણાત ઉમેશ ગુર્જરે વિદ્યાર્થીઓને સલાહ આપતાં કહ્યું છે કે વિદ્યાર્થીઓએ પરીક્ષા કેન્દ્ર પર તેમના પ્રવેશ કાર્ડ, ઓળખ કાર્ડ, ફોટોગ્રાફ સાથે રાખવાનું ભૂલવું જોઈએ નહીં. UG NEET પરીક્ષામાં ખોટા જવાબો પર નેગેટિવ માર્કિંગ હોય છે, તેથી પેપર મળતાની સાથે જ પહેલા સરળ, પછી મધ્યમ અને પછી મુશ્કેલ MCQ ઉકેલો. પરીક્ષાની છેલ્લી ક્ષણે એવા વિષયો પર વધુ ધ્યાન ન આપો કે જેના માટે તૈયારી ન હોય અથવા ઓછી કરી હોય. રિપોર્ટિંગના સમયના બે કલાક પહેલા પરીક્ષા કેન્દ્ર પર પહોંચી ગયો. આ ઉપરાંત, પરીક્ષા કેન્દ્રમાં પ્રતિબંધિત હોય તેવી કોઈ પણ વસ્તુ લઈ જશો નહીં કારણ કે તે તમારો સમય બગાડે છે.

પરીક્ષા કેન્દ્રમાં શું લઈ શકાય?

ઓરિજનલ આઈડી પ્રૂફ જેમ કે આધાર કાર્ડ, સરકાર દ્વારા વેલિડ આઇડેન્ટિટી પાન કાર્ડ/ડ્રાઈવિંગ લાયસન્સ/વોટર આઈડી/12મા ધોરણનું બોર્ડ એડમિટ કાર્ડ અથવા ઉમેદવારનો ફોટો ધરાવતું રજિસ્ટ્રેશન કાર્ડ/પાસપોર્ટ/ઓરિજિનલ સ્કૂલ આઈડેન્ટિટી કાર્ડ જેમાં પરીક્ષાર્થીનો ફોટો હોવો જોઇએ. આધાર કાર્ડને એનટીએ દ્ધારા પ્રમુખતા આપવામાં આવશે. તેની ફોટોકોપી કોઈપણ સંજોગોમાં માન્ય રહેશે નહીં. આ સિવાય તમારે એક પારદર્શક પાણીની બોટલ સાથે રાખી શકશો અને જો કોઈ દિવ્યાંગ છે તો તમારે તેને સંબંધિત પ્રમાણપત્ર સાથે રાખવું પડશે. તમારી સાથે કોઈપણ પ્રકારનું ઈલેક્ટ્રોનિક ડિવાઇસ, મોબાઈલ ફોન, બ્લૂટૂથ ડિવાઇસ બિલકુલ લાવશો નહીં.

નોંધનીય છે કે NEET UG પરીક્ષા 13 ભાષાઓમાં લેવામાં આવે છે, જેમાં 180 MCQ પૂછવામાં આવે છે. વિદ્યાર્થીઓને પરીક્ષામાં 200 મિનિટનો સમય આપવામાં આવે છે. NEET UG પરીક્ષાનું પરિણામ જૂનમાં જાહેર થશે, ત્યારબાદ કાઉન્સેલિંગ શરૂઆત થશે.