માધ્યમિક અને ઉચ્ચતર માધ્યમિક બોર્ડે જાહેર કર્યો શૈક્ષણિક સત્રનો કાર્યક્રમ, જાણો કેટલા દિવસનું રહેશે દિવાળી વેકેશન?

માધ્યમિક અને ઉચ્ચત્તર માધ્યમિક શિક્ષણ બોર્ડે નવુ શૈક્ષણિક કેલેન્ડર જાહેર કર્યું છે.

પ્રતિકાત્મક તસવીર

Source : PTI

ગાંધીનગરઃ માધ્યમિક અને ઉચ્ચત્તર માધ્યમિક શિક્ષણ બોર્ડે નવુ શૈક્ષણિક કેલેન્ડર જાહેર કર્યું છે. નવા શૈક્ષણિક કેલેન્ડર અનુસાર ધોરણ નવ અને 11ની દ્વિતિય પરીક્ષાનો સમય જૂનથી જાન્યુઆરીના ત્રીજા અઠવાડિયા સુધીનો અભ્યાસક્રમ રહેશે. તો ધોરણ 10 અને 12ની બોર્ડ પરીક્ષા તેમજ ધોરણ નવ અને ધોરણ 11ની વાર્ષિક પરીક્ષઆ માટેનો સંપૂર્ણ અભ્યાસક્રમ રહેશે.

પ્રથમ સત્રનું શૈક્ષણિક કાર્ય પાંચ જૂનથી આઠ નવેમ્બર સુધીનું 124 દિવસનું રહેશે. તો દિવાળી વેકેશન નવ નવેમ્બરથી 29 નવેમ્બર સુધીનું 21 દિવસનું રહેશે. દ્વિતિય સત્ર 30 નવેમ્બરથી પાંચ મે 2024 સુધીનું 127 કાર્ય દિવસનું રહેશે. તો ઉનાળુ વેકેશન છ મે 2024થી 9 જૂન 2024 સુધીનું 35 દિવસનું રહેશે. દિવાળી વેકેશન 21 દિવસ તો ઉનાળુ વેકેશન 35 દિવસનું રહેશે. તો જાહેર રજાઓ 19 અને સ્થાનિક રજાઓ પાંચ દિવસની રહેશે. શૈક્ષણિક સત્રમાં દિવાળી, ઉનાળુ વેકેશન સહિત કુલ 80 રજાઓ રહેશે. તો વર્ષ 2023-24ના શૈક્ષણિક સત્રના કુલ કાર્ય દિવસ 246 દિવસના રહેશે.

ISRO Jobs 2023: ઈસરોમાં આ પદો પર થશે ભરતી, 81 હજાર મળશે પગાર, જાણો અરજી કરવાની છેલ્લી તારીખ

ISRO Recruitment 2023 :  નોકરી શોધતા ઉમેદવારો માટે સારા સમાચાર છે. ISRO દ્વારા એક સૂચના જારી કરવામાં આવી છે. જે મુજબ વિક્રમ સારાભાઈ સ્પેસ સેન્ટર (VSSC)માં ટેકનિશિયન-A, ડ્રાફ્ટ્સમેન-B અને રેડિયોગ્રાફર-Aની પોસ્ટ માટે ભરતી કરવામાં આવશે. ઉમેદવારો ISROની સત્તાવાર વેબસાઇટ vssc.gov.in અને isro.gov.in પર જઈને આ માટે અરજી કરી શકે છે. આ અભિયાન માટે અરજી કરવાની પ્રક્રિયા 4 મેથી શરૂ થશે. જ્યારે આ ભરતી અભિયાન માટે અરજીઓ સબમિટ કરવાની છેલ્લી તારીખ 18 મે, 2023 નક્કી કરવામાં આવી છે.

સંસ્થામાં 49 જગ્યાઓની ભરતી માટે આ ભરતી અભિયાન હાથ ધરવામાં આવશે. અભિયાન અંતર્ગત ટેકનિશિયન-એની 43 જગ્યાઓ, ડ્રાફ્ટ્સમેન-બીની જગ્યા માટે 5 જગ્યાઓ અને રેડિયોગ્રાફરની જગ્યા માટે 1 જગ્યા નક્કી કરવામાં આવી છે.

​ISRO Recruitment 2023:  શૈક્ષણિક લાયકાત

આ ભરતી માટે અરજી કરનાર ઉમેદવારો કોઈપણ માન્ય બોર્ડ અથવા સંસ્થામાંથી ધોરણ 10 પાસ હોવા જોઈએ. આ સાથે, ઉમેદવારે સંબંધિત વેપારમાં ITI પાસ પણ હોવો જોઈએ

 

​ISRO Recruitment 2023: વય મર્યાદા

આ ભરતી અભિયાન માટે અરજી કરનારા ઉમેદવારોની ઉંમર 35 વર્ષથી વધુ ન હોવી જોઈએ.

​ISRO Recruitment 2023:  કેટલો પગાર મળશે

ટેકનિશિયન-બી- લેવલ 03- રૂ.21700 થી રૂ.69100

ડ્રાફ્ટ્સમેન-બી- લેવલ 03- રૂ.21700 થી રૂ.69100

રેડિયોગ્રાફર-એ- લેવલ 04- રૂ.25500 થી રૂ.81100

​ISRO Recruitment 2023: આ તારીખોને ધ્યાનમાં રાખો

ઓનલાઈન અરજી પ્રક્રિયા શરૂ - 4 મે 2023

ઓનલાઈન અરજી કરવાની છેલ્લી તારીખ - 18 મે 2023

​ISRO Recruitment 2023: આટલી અરજી ફી ચૂકવવી પડશે

આ ભરતી ઝુંબેશ માટે, સામાન્ય અને OBC ઉમેદવારોએ 100 રૂપિયા ફી ચૂકવવાની રહેશે. જ્યારે અનામત કેટેગરીના ઉમેદવારો માટે અરજી ફી શૂન્ય રૂપિયા નક્કી કરવામાં આવી છે. વધુ વિગતો માટે ઉમેદવારો સત્તાવાર સાઇટની મદદ લઈ શકે છે