Election 2024: મતદાન કરવા પર મળશે ડાયમંડ રિંગ સહિતના આ ઇનામ, જાણો ચૂંટણી પંચે કેમ આપી ઓફર
Lok Sabha Election 2024:જો અમે તમને કહીએ કે તમને મતદાનના બદલામાં ઈનામ મળશે, તો શું તમે વિશ્વાસ કરશો?
Lok Sabha Election 2024: જો અમે તમને કહીએ કે તમને મતદાનના બદલામાં ઈનામ મળશે, તો શું તમે વિશ્વાસ કરશો? આ કોઈ કંપની તરફથી નહીં પરંતુ ચૂંટણી પંચની ઓફર છે. વોટ ટકાવારી વધારવા માટે પંચે આ ઓફર કરી છે. ચૂંટણી પંચે મતદારો માટે આયોજિત આ ડ્રોમાં ફ્રીજ, ટીવી, હીરાની વીંટી જેવી લગભગ 6 હજાર ભેટો રાખી છે.
લોકસભા ચૂંટણી 2024ના બે તબક્કાનું મતદાન પૂર્ણ થઈ ગયું છે, પરંતુ મધ્યપ્રદેશ લોકસભા ચૂંટણીના છેલ્લા બે તબક્કામાં મતદાનની ટકાવારીમાં ભારે ઘટાડો જોવા મળ્યો છે. 2019ની સરખામણીમાં 2024માં ઓછું મતદાન થયું છે અને તે સરેરાશ કરતાં 8.5 ટકા ઓછું છે. આ કારણોસર આગામી તબક્કામાં મતદાનની ટકાવારી વધારવા માટે મધ્યપ્રદેશમાં લોકસભા ચૂંટણી માટે ચૂંટણી પંચ દ્વારા આ નિર્ણય લેવામાં આવ્યો છે.
6 હજાર ઈનામ
ચૂંટણી પંચનું માનવું છે કે ભોપાલમાં 40 ડિગ્રી ગરમી હોવા છતાં મતદારો ઘરની બહાર નીકળીને મતદાન કરવા આવશે. આ સ્કીમ માત્ર ભોપાલ લોકસભા સીટ માટે છે. ચૂંટણી પંચના જણાવ્યા અનુસાર ચૂંટણીના દિવસે લકી ડ્રો દ્વારા મતદારોને ઇનામ આપવામાં આવશે. આ લકી ડ્રો સવારે 10, બપોરે 3 અને સાંજે 6 કલાકે કરવામાં આવશે. ભોપાલ લોકસભા સીટની અંદર 2097 પોલિંગ બૂથ બનાવવામાં આવ્યા છે. જેમાં કુલ 6 હજાર ઈનામો સાથે બમ્પર ઈનામોનો સમાવેશ થાય છે.
ઇનામમાં શું છે
ભોપાલ ચૂંટણી પંચના જણાવ્યા અનુસાર, આ લકી ડ્રોમાં ભાગ લેવા માટે મતદાતા પાસે તેનું મતદાર આઈડી કાર્ડ, નામ, મોબાઈલ નંબર અને તેની શાહીવાળી આંગળીનો ફોટો હોવો જરૂરી છે. ફોર્મ પરની તમામ માહિતી ભર્યા બાદ તેને કુપનની સાથે લકી ડ્રો ભરવાનો રહેશે. ઈનામની યાદીમાં 5 ડાયમંડ રિંગ, એક લેપટોપ, એક ફ્રિજ, 8 ડિનર સેટ, બે મોબાઈલ સેટ અને બીજી ઘણી ભેટોનો સમાવેશ થાય છે.
ચૂંટણી અધિકારીનું નિવેદન
ભોપાલ જિલ્લા ચૂંટણી પંચના અધિકારી વિક્રમ સિંહે જણાવ્યું કે, 'અમે ચૂંટણીના દિવસે ત્રણ લકી ડ્રોનું આયોજન કરી રહ્યા છીએ. આ સવારે 10, બપોરે 3 અને સાંજે 6 વાગ્યે થશે. દરેક ડ્રોમાં એક વિજેતા હશે જે ઇનામ જીતશે. મતદાનના એક કે બે દિવસ પછી અમે એક મેગા લકી ડ્રોનું આયોજન કરીશું, જ્યાં મોટા ઈનામો હશે જે વિજેતાઓમાં વહેંચવામાં આવશે.
ટોપ સ્ટોરી
ટ્રેન્ડિંગ સમાચાર
