બિગ અપડેટ્સઃ INDIA ગઠબંધનની સરકાર બનાવવા આ યુવા નેતાને કહેવાયું 'નીતિશ અને ચંદ્રાબાબુને સમજાવો ને સાથે લાવો'

Lok Sabha Elections Result 2024: ગઇકાલે લોકસભા ચૂટણી માટે પરિણામો જાહેર થઇ ગયા છે. કેન્દ્રમાં ફરી એકવાર ખીચડી સરકાર બનશે તે નક્કી છે. પરંતુ આ બધાની વચ્ચે ઇન્ડિયા ગઠબંધન પણ દમ લગાવી શકે છે

(તસવીર- એબીપી લાઇવ)

Lok Sabha Elections Result 2024: ગઇકાલે લોકસભા ચૂટણી માટે પરિણામો જાહેર થઇ ગયા છે. કેન્દ્રમાં ફરી એકવાર ખીચડી સરકાર બનશે તે નક્કી છે. પરંતુ આ બધાની વચ્ચે ઇન્ડિયા ગઠબંધન પણ દમ લગાવી શકે છે. કેમ કે આ 2024ની લોકસભાની ચૂંટણીમાં NDAને સૌથી વધુ 293 બેઠકો મળી છે. તો INDIA ગઠબંધનનો પણ 233 બેઠક પર વિજય થયો છે. હવે આજે સાંજે દિલ્હીમાં ઇન્ડિયા ગઠબંધનની મહત્વની બેઠક યોજાઇ રહી છે, જેમાં સરકાર બનાવવા પ્રયાસ કરવા કે પછી વિપક્ષમાં બેસવું તે અંગે ગહન ચર્ચા અને મનોમંથન થશે. આ બધાની વચ્ચે ગઠબંધને અખિલેશ યાદવને સરકાર બનાવવા તમામ ઓપ્શનો વિચારવા અને અમલમાં મુકવા માટે મોટી જવાબદારી સોંપી છે. 

સોનિયા, અખિલેશ અને કેજરીવાલ જેવા દિગ્ગજોના નેતૃત્વમાં બનેલા ઇન્ડિયા ગઠબંધનને લઇને મોટા સમાચાર સામે આવ્યા છે આ વખતે 233 બેઠકો સાથે ઇન્ડિયા ગઠબંધન સૌથી વધુ બીજા નંબર પર બેઠકો મેળવી રહ્યું છે. આને લઇને આજે દિલ્હીમાં સાંજે INDIA ગઠબંધનની મહત્વની બેઠક મળવાની છે. 

દિલ્હીમાં સાંજે 6 વાગ્યે INDIA ગઠબંધનની મળનારી બેઠકમાં સૌથી મોટો મુદ્દો સરકાર બનાવવાના વિકલ્પ અંગેનો હશે. બેઠકમાં સરકાર બનાવવાના વિકલ્પ અંગે કોઇ મોટો નિર્ણય લેવાઇ શકે છે. આ માટે અખિલેશ યાદવને મોટી જવાબદારી સોંપવામાં આવી છે. ચંદ્રબાબુ નાયડુ સાથે અખિલેશ યાદવ આજે મુલાકાત કરશે. નીતિશ કુમારનો સંપર્ક કરવાની પણ જવાબદારી અખિલેશ યાદવને આપવામાં આવી છે. ટીએમસીના મહાસચિવ અભિષેક બેનર્જી આ બેઠકમાં હાજર રહેશે. આ સિવાય શિવસેનાના ઉદ્ધવ ઠાકરે સાથે AAPના સંજય સિંહ અને રાઘવ ચઢ્ઢા ઉપસ્થિત રહેશે. 

લોકસભા ચૂંટણી 2024નું પરિણામ - 
લોકસભા ચૂંટણીનું ગઇકાલે પરિણામ આવી ચૂક્યુ છે. આ 2024ની લોકસભાની ચૂંટણીમાં NDAને સૌથી વધુ 293 બેઠકો મળી છે. જ્યારે લોકસભાની ચૂંટણીમાં INDIAનો 233 બેઠક પર વિજય થયો છે. આ સાથે જ 240 બેઠકો સાથે ભાજપ સૌથી મોટી પાર્ટી બનીને ઉભરી છે. કોંગ્રેસના ફાળે 99 બેઠકો આવી છે, અને 37 બેઠક પર સપાનો વિજય થયો છે. આ ઉપરાંત TMCને 29, DMKને 22, TDPને 16 અને JDUને 12 બેઠકો મળી છે.