NDA Alliance: એનડીએ ગઠબંધનમાં કયા રાજ્યમાંથી કેટલા સાંસદ ચૂંટાયા, જુઓ અહીં પુરેપુરુ લિસ્ટ.......
NDA MPs State Wise: 7 તબક્કામાં યોજાયેલી ચૂંટણીના પરિણામો 4 જૂને જાહેર કરવામાં આવ્યા હતા. વડાપ્રધાન નરેન્દ્ર મોદીના નેતૃત્વમાં એનડીએ ગઠબંધનને 293 બેઠકો મળી છે
NDA MPs State Wise: તાજેતરમાં 18મી લોકસભાની ચૂંટણી પૂર્ણ થઈ છે. 7 તબક્કામાં યોજાયેલી ચૂંટણીના પરિણામો 4 જૂને જાહેર કરવામાં આવ્યા હતા. વડાપ્રધાન નરેન્દ્ર મોદીના નેતૃત્વમાં એનડીએ ગઠબંધનને 293 બેઠકો મળી છે. જેમાંથી 240 બેઠકો ભારતીય જનતા પાર્ટીના ખાતામાં આવી છે. તો બાકીની 53 બેઠકો સાથી પક્ષોએ જીતી લીધી છે.
તો ઈન્ડિયા એલાયન્સ જેમાં કોંગ્રેસ, સમાજવાદી પાર્ટી, તૃણમૂલ કોંગ્રેસ અને અન્ય પક્ષો સામેલ છે. તેને 233 બેઠકો મળી છે. જ્યારે અન્ય પક્ષોને 17 બેઠકો મળી છે. લોકસભા ચૂંટણીમાં એનડીએ ગઠબંધનને સતત ત્રીજી વખત બહુમતી મળી છે. નેશનલ ડેમોક્રેટિક એલાયન્સ એટલે કે NDAમાં કયા રાજ્યમાંથી કેટલા સાંસદો જીતીને આવ્યા છે? જાણો અહીં તમામની સંપૂર્ણ માહિતી.
NDA સાથે 14 પાર્ટીઓ સામેલ છે
18મી લોકસભા ચૂંટણીમાં NDA ગઠબંધનનો વિજય થયો છે. ભાજપ ઉપરાંત NDAની 14 પાર્ટીઓના સાંસદોએ ચૂંટણી જીતી છે. જેમાં તેલુગુ દેશમ પાર્ટી (ટીડીપી), જનતા દળ (યૂનાઈટેડ), શિવસેના, જનતા દળ (સેક્યૂલર), હિન્દુસ્તાની આવામ મોરચા (સેક્યૂલર), લોક જનશક્તિ પાર્ટી, જનસેના પાર્ટી (જેએસપી), રાષ્ટ્રીય લોકદળ (આરએલડી), અપના દલ (સોનેલાલ), યૂનાઇટેડ પીપલ્સ પાર્ટી લિબરલ, આસામ ગણ પરિષદ (એજીપી), સિક્કિમ ક્રાંતિકારી મોરચા (SKM), ઓલ ઝારખંડ સ્ટુડન્ટ્સ યૂનિયન (AJSUP), નેશનાલિસ્ટ કોંગ્રેસ પાર્ટી (NCP).
યુપીમાંથી 36 સાંસદો -
જો એનડીએ સરકારની વાત કરીએ તો સૌથી વધુ સીટો ઉત્તરપ્રદેશમાંથી આવી છે. ઉત્તરપ્રદેશમાં લોકસભાની કુલ 80 બેઠકોમાંથી 36 બેઠકો એનડીએના ખાતામાં ગઈ છે. જેમાંથી 33 ભાજપમાં, 2 આરએલડી અને 1 અપના દળમાં ગયા છે.
બિહારમાંથી 30 સાંસદો -
બિહારમાં લોકસભાની કુલ 40 સીટો છે. જેમાંથી એનડીએ ગઠબંધન 30 જીત્યું છે. જેમાં નીતિશ કુમારની જેડીયુને 12 સીટો ગઈ છે. તો ભાજપે માત્ર 12 બેઠકો કબજે કરી છે. લોક જનશક્તિ પાર્ટીને 5 બેઠકો મળી છે. તો હિન્દુસ્તાની આવામ મોરચાને એક બેઠક મળી છે.
મધ્યપ્રદેશમાંથી 29 સાંસદો -
2024ની લોકસભા ચૂંટણીમાં મધ્યપ્રદેશમાં કુલ 29 બેઠકો પર ચૂંટણી યોજાઈ હતી, જેમાં NDA ગઠબંધન વતી ભાજપે તમામ બેઠકો પર ચૂંટણી લડી હતી અને 29માંથી 29 બેઠકો જીતી હતી.
ગુજરાતમાંથી 25 સાંસદો -
2024ની લોકસભા ચૂંટણીમાં ગુજરાતમાં 26 લોકસભા બેઠકો પર ચૂંટણી યોજાઈ હતી, જેમાંથી NDAએ 25 બેઠકો જીતી હતી. જો કે, 2019ની ચૂંટણીમાં NDAએ તમામ 26 બેઠકો જીતી હતી.
આંધ્રપ્રદેશમાંથી 21 સાંસદો -
આંધ્રપ્રદેશમાં લોકસભાની કુલ 25 બેઠકો છે. જેમાંથી NDA ગઠબંધનને 21 બેઠકો મળી છે. સૌથી વધુ 16 સીટો ટીડીપીના ખાતામાં ગઈ છે. તો ભાજપે 3 બેઠકો, જનસેના પાર્ટીએ 2 બેઠકો જીતી છે.
કર્ણાટકના 19 સાંસદો-
લોકસભાની ચૂંટણીમાં કર્ણાટકની કુલ 28 બેઠકોમાંથી એનડીએ ગઠબંધને 19 બેઠકો જીતી હતી, જેમાંથી 17 બેઠકો ભારતીય જનતા પાર્ટી અને બે જનતા દળ સેક્યૂલરને ગઈ હતી.
ઓરિસ્સામાંથી 19 સાંસદો -
ઓરિસ્સામાં લોકસભાની કુલ 21 બેઠકો પર ચૂંટણી યોજાઈ હતી, જેમાં NDA (BJP)એ 19 બેઠકો જીતી હતી.
મહારાષ્ટ્રમાંથી 17 સાંસદો -
લોકસભા ચૂંટણીમાં મહારાષ્ટ્રમાં કુલ 48 બેઠકો હતી. જેમાંથી NDA ગઠબંધનને માત્ર 17 બેઠકો મળી છે, જેમાંથી 9 બેઠકો ભાજપના ખાતામાં છે, 7 બેઠકો એકનાથ શિંદેની શિવસેનાના ખાતામાં છે, જ્યારે 1 બેઠક અજિત પવારના જૂથ NCPને મળી છે.
પશ્ચિમ બંગાળમાંથી 12 સાંસદો -
પશ્ચિમ બંગાળમાં લોકસભાની કુલ 42 બેઠકો માટે ચૂંટણી યોજાઈ હતી. જેમાંથી ભાજપને 12 બેઠકો મળી હતી.
છત્તીસગઢના 10 સાંસદો -
છત્તીસગઢમાં લોકસભાની કુલ 11 બેઠકો છે. જેમાંથી ભાજપે 10 બેઠકો જીતી છે.
આસામમાંથી 9 સાંસદો -
આસામમાં ભાજપે કુલ 14 લોકસભા સીટોમાંથી 9 પર જીત મેળવી છે.
તેલંગાણાના 8 સાંસદો -
લોકસભા ચૂંટણીમાં તેલંગાણામાં કુલ 17 બેઠકો પર ચૂંટણી યોજાઈ હતી, જેમાંથી NDA ગઠબંધન ભાજપે 8 બેઠકો જીતી છે.
ઝારખંડના 8 સાંસદો -
ઝારખંડમાં ભાજપે કુલ 14 લોકસભા સીટોમાંથી 8 પર જીત મેળવી છે.
દિલ્હીના 7 સાંસદો -
દિલ્હીની કુલ 7 લોકસભા બેઠકોમાંથી ભાજપે 7 પર જીત મેળવી છે.
હરિયાણામાંથી 5 સાંસદો -
હરિયાણામાં લોકસભાની કુલ 10 બેઠકો પર ચૂંટણી યોજાઈ હતી, જેમાંથી 5 બેઠકો ભાજપને ગઈ હતી.
આ સ્થળોએથી 5થી ઓછા સાંસદો -
આંદામાન નિકોબારમાંથી 1, ગોવામાંથી 1, ત્રિપુરામાંથી 2, જમ્મુ અને કાશ્મીરમાંથી 2, અરુણાચલ પ્રદેશના દાદર નગર હવેલીમાંથી 2.
ટ્રેન્ડિંગ સમાચાર
ટોપ સ્ટોરી
