Lok Sabha Election Live: PM મોદીની આજે ત્રણ સભા, ચોથા તબક્કાના મતદાન માટે આ રાજ્યોમાં પ્રચંડ પ્રચાર
હાલ દેશમાં ચૂંટણીની મોસમ ચાલી રહી છે. અત્યાર સુધીમાં, ત્રણ તબક્કામાં મતદાન થઇ ચૂક્યું છે. હાલ ચોથા તબક્કાન વોટિંગ માટે પ્રચંડ પ્રચાર ચાલી રહ્યો છે.
Background
હાલ દેશમાં ચૂંટણીની મોસમ ચાલી રહી છે. અત્યાર સુધીમાં, ત્રણ તબક્કા દરમિયાન ઘણા રાજ્યોમાં મતદાન થયું છે અને હજુ ઘણા રાજ્યોમાં મતદાન થવાનું બાકી છે. 13 મેના રોજ યોજાનારી લોકસભા ચૂંટણીના ચોથા તબક્કા પહેલા રાજકીય પક્ષોએ તેમનો પ્રચાર તેજ કરી દીધો છે. મતદારોને એકત્ર કરવા માટે, વિવિધ રાજકીય પક્ષોના નેતાઓ વિવિધ રાજ્યોની મુલાકાત લઈ રહ્યા છે અને વિરોધીઓ સામે બયાનબાજી ચાલુ છે.
વડાપ્રધાન નરેન્દ્ર મોદીની ઓડિશામાં વિજય સંકલ્પ રેલીઓ
વડાપ્રધાન નરેન્દ્ર મોદી આજે બે દિવસીય ઓડિશાના પ્રવાસે આવી રહ્યા છે. આજે તેઓ ભુવનેશ્વરમાં રોડ શો કરશે અને રાજભવનમાં રાત્રી રોકાણ કરશે. વડાપ્રધાનનો રોડ શો રાત્રે 8.30 કલાકે શરૂ થશે. શનિવારે સવારે પીએમ મોદી કંધમાલ, બાલાંગિર અને બારગઢમાં ત્રણ વિજય સંકલ્પ રેલીઓને સંબોધિત કરશે. તેમના આગમનની તૈયારીઓ પૂરજોશમાં ચાલી રહી છે
મણિશંકર અય્યરનો ફરી જાગ્યો પાકિસ્તાન પ્રેમ,
કોંગ્રેસ નેતા મણિશંકર ઐયરનો એક જૂનો વીડિયો સોશિયલ મીડિયા પર વાયરલ થઈ રહ્યો છે, જેમાં તેઓ કહી રહ્યા છે કે ભારતે પાકિસ્તાનનું સન્માન કરવું જોઈએ. મણિશંકર ઐયરે કહ્યું કે મોદી સરકાર કેમ કહે છે કે અમે પાકિસ્તાન સાથે વાત નહીં કરીએ કારણ કે ત્યાં આતંકવાદ છે. આતંકવાદને ખતમ કરવા માટે ચર્ચા ખૂબ જ જરૂરી છે.
ટોપ સ્ટોરી
ટ્રેન્ડિંગ સમાચાર
