Sikkim Assembly Election Result 2024 LIVE: સિક્કિમમાં SKMની જીત, જાણો કેટલી મળી સીટ
Sikkim Assembly Election Result 2024: સિક્કિમ વિધાનસભા માટે 19 એપ્રિલ 2024ના રોજ ચૂંટણી યોજાઈ હતી. 32 સભ્યોની આ વિધાનસભામાં બહુમતીનો આંકડો 17 છે. હાલમાં રાજ્યમાં સિક્કિમ ક્રાંતિકારી મોરચાની સરકાર છે.
Background
Sikkim Assembly Election Result 2024: લોકસભા ચૂંટણીના પરિણામોની રાહ જોવાઈ રહી છે ત્યારે સિક્કિમમાં વિધાનસભા ચૂંટણીના મતદાન બાદ રવિવારે (2 જૂન)ના રોજ મતગણતરી થઈ રહી છે. સવારે 6 વાગ્યાથી મતગણતરી શરૂ થઈ હતી. હાલમાં, સિક્કિમમાં 'સિક્કિમ ક્રાંતિકારી મોરચા' (SKM) સરકાર છે, જે ફરીથી સત્તામાં પાછા ફરવાની રાહ જોઈ રહી છે. રાજ્યમાં તેની મુખ્ય સ્પર્ધા સિક્કિમ ડેમોક્રેટિક ફ્રન્ટ (SDF) સાથે છે.
સિક્કિમ વિધાનસભા ચૂંટણીમાં SKM અને SDF સિવાય અન્ય પક્ષો પણ છે, જે ચૂંટણી જીતવા માટે પૂરા પ્રયાસ કરી રહ્યા છે. ભાજપ, કોંગ્રેસ અને સિટીઝન એક્શન પાર્ટી-સિક્કિમ (CAP-S) પણ ચૂંટણી મેદાનમાં છે. સિક્કિમ વિધાનસભામાં 32 સીટો છે. બહુમતી મેળવવા માટે કોઈપણ પક્ષને ઓછામાં ઓછી 17 બેઠકોની જરૂર હોય છે. આ વખતે આ 32 બેઠકો પર 146 ઉમેદવારો ચૂંટણી લડી રહ્યા છે. સિક્કિમની કુલ વસ્તી લગભગ 6.5 લાખ છે.
મુખ્ય પ્રધાન પ્રેમ સિંહ તમાંગ, ભૂતપૂર્વ મુખ્ય પ્રધાન પવન કુમાર ચામલિંગ, ભૂતપૂર્વ ભારતીય ફૂટબોલ કેપ્ટન ભાઈચુંગ ભૂટિયા અને તમંગની પત્ની કૃષ્ણા કુમારી રાય જેવા અગ્રણી લોકો ચૂંટણી લડી રહ્યા છે. છેલ્લી ચૂંટણીઓમાં SKFનો પરાજય થયો હતો, ત્યારબાદ તેના 25 વર્ષના શાસનનો અંત આવ્યો હતો. તે સમયે એસકેએમને 17 બેઠકો મળી હતી. પ્રેમ સિંહ તમંગના નેતૃત્વમાં SKM ફરી એકવાર જીત હાંસલ કરવાની આશા રાખી રહી છે.
સિક્કિમમાં મતગણતરી સુચારુ રીતે થાય તે માટે ચૂંટણી પંચ દ્વારા સુરક્ષાના કડક પગલાં લેવામાં આવ્યા છે. સિક્કિમમાં કુલ 32 વિધાનસભા બેઠકો છે, જેમાં ગંગટોક જિલ્લામાં નવ બેઠકો, નામચીમાં સાત, પાક્યોંગમાં પાંચ, સોરેંગ અને ગ્યાલશિંગમાં ચાર-ચાર અને મંગનમાં ત્રણ બેઠકોનો સમાવેશ થાય છે. સિક્કિમ ચૂંટણીના પરિણામો બપોર સુધીમાં સ્પષ્ટ થવાની ધારણા છે. સિક્કિમ વિધાનસભા ચૂંટણીના પરિણામો સંબંધિત તમામ અપડેટ નીચે આપેલા કાર્ડમાં વાંચી શકાય છે.
ઓછું
Sikkim Assembly Results: પ્રેસ સિંહ તમાંગ સરકાર બનાવવાનો દાવો રજૂ કરશે
સિક્કિમ વિધાનસભા ચૂંટણીમાં જીત બાદ પ્રેમ સિંહ તમંગ થોડા સમયમાં રાજભવન જવાના છે, જ્યાં તેઓ સરકાર બનાવવાનો દાવો રજૂ કરશે. તેમની પાર્ટી સિક્કિમ ક્રાંતિકારી મોરચાએ 32માંથી 31 બેઠકો જીતી છે.
Sikkim Assembly Election Result: SKMએ સિક્કિમમાં 29 બેઠકો જીતી
મુખ્યમંત્રી પ્રેમ સિંહ તમાંગની પાર્ટી SKMએ 32માંથી 29 બેઠકો જીતી છે, જ્યારે તે બે બેઠકો પર આગળ ચાલી રહી છે. આ વખતે ચૂંટણીમાં SKMએ સિક્કિમમાં જોરદાર જીત મેળવી છે.
ટોપ સ્ટોરી
ટ્રેન્ડિંગ સમાચાર
