કાસ્ટિંગ ડાયરેક્ટરની આવી હરકતના કારણે રડી પડી હતી નોરા ફતેહી, ખુદ જણાવી આપવિતી

નોરા ફતેહીએ બહુ ટૂંકા સમયગાળામાં બોલિવૂડમાં પોતાની આગવી ઓળખ બનાવી છે. શરૂઆતના સમયમાં તેમણે પણ સ્ટ્રગલ કરી હોવાની વાત જણાવી હતી. તેમણે ઇન્ડસ્ટ્રીમાં થયેલા કડવા અનુભવ પણ શેર કર્યાં હતા.

બોલિવૂડ એક્ટ્રેસ નોરા ફતેહી ડાન્સિંગ ક્વિન તરીકે ફેમસ છે. નોરા તેમના ડાન્સિંગ સ્કિલના કારણે એટલી ફેમસ બની ગઇ છે કે, તેના ડાન્સનો ડંક દરેક જગ્યાએ વાગતો જોવા મળે છે. નોરા આજે તેમની કલા પ્રતિભાના કારણે જ સફળ છે. જો કે તેમના માટે અહીં સુધીનો સફર સરળ ન હતો. તે ખૂબ  જ સ્ટ્રગલ કરીને અહીં સુધી પહોંચી છે. નોરાએ એક ઇન્ટરવ્યુંમાં કહ્યું હતું કે, ‘હું કેનેડાથી મુંબઇ આવી હતી પરંતુ તે શરૂઆતના સમયનો અનુભવ ખૂબ જ ખરાબ રહ્યો. આ સમયે હું બોલિવૂડમાં કામ શોધતી હતી.  મને એક કાસ્ટિંગ ડાયરેક્ટરે ફોન કરીને તેમના ઘરે બોલાવી હતી. હું તેમના જણાલેવા સમય મુજબ ઘરે પહોંચી ગઇ પરંતુ તે સમયે એ મહિલા કાસ્ટિંગ ડાયરેક્ટરે મને કહ્યું કે, તારામાં કોઇ ટેલેન્ટ નથી. તારે પરત ફરી જવું જોઇએ. અમારે તારા જેવા લોકોની કોઇ જરૂરત નથી”

નોરાએ કહ્યું હતું કે, ‘આ સૌથી વધારે ખરાબ સમય હતો. હું આ સમયે તૂટી ગઇ હતી.કાસ્ટિંગ ડાયરેક્ટરના શબ્દો સાંભળીને હું ઘ્રૂસકે-ધ્રૂસકે રડી પડી હતી’ જો કે ત્યારબાદ નોરાએ મહેનત કરી અને આજે તેમની પાસે કામની કમી નથી. તેમના ટેલેન્ટને આજે બોલિવૂડ પણ સ્વીકારે છે.