(Source: ECI/ABP News/ABP Majha)
RRRની સફળતા બાદ રામ ચરણની લોકપ્રિયતામાં વધારો, હવે હોલીવુડ ડેબ્યૂ માટે તૈયાર
Ram Charan Hollywood Debut: આ દિવસોમાં રામ ચરણ અમેરિકામાં ઓસ્કર 2023ની તૈયારીમાં વ્યસ્ત છે. અહીં તે પોતાની ફિલ્મ RRRનું જોરદાર પ્રચાર કરી રહ્યો છે.
Ram Charan Hollywood Debut: 'RRR'ની સફળતા બાદ રામ ચરણ (Ram Charan) દુનિયાભરમાં લોકપ્રિય બની ગયો છે. લોકો તેના શાનદાર અભિનયના વખાણ કરે છે. તે જ સમયે સમાચાર આવી રહ્યા છે કે અભિનેતા ટૂંક સમયમાં હોલીવુડની (Hollywood) ફિલ્મોમાં ડેબ્યૂ કરશે. પોડકાસ્ટ સેમ ફ્રેગાસો સાથેની તેમની તાજેતરની વાતચીત દરમિયાન રામ ચરણે ખુલાસો કર્યો કે તેઓ હોલીવુડ પ્રોજેક્ટ માટે વાતચીત કરી રહ્યા છે.
રામ ચરણ હોલીવુડ ડેબ્યૂ માટે તૈયાર છે
એક અહેવાલ મુજબ ટોલીવુડ અભિનેતાએ એમ પણ કહ્યું છે કે તેના હોલીવુડ પ્રોજેક્ટની સત્તાવાર જાહેરાત થોડા મહિનામાં કરવામાં આવશે. આ સિવાય અભિનેતાએ એ પણ શેર કર્યું કે તે જુલિયા રોબર્ટ્સ, ટોમ ક્રુઝ અને બ્રાડ પિટ જેવી હોલીવુડની મોટી હસ્તીઓ સાથે કામ કરવા માંગે છે. રામ ચરણની આ ચર્ચાએ ચોક્કસપણે તેના ચાહકોને ઉત્સાહિત કર્યા છે, જેઓ હવે 'RRR' સ્ટારને વૈશ્વિક સ્ટાર તરીકે જોવાની રાહ જોઈ રહ્યા છે.
View this post on Instagram
ઓસ્કર 2023ની તૈયારીમાં વ્યસ્ત અભિનેતા
આ વાત ત્યારે સામે આવી જ્યારે રામચરણ ડેવિડ પોલેન્ડ દ્વારા આયોજિત લાંબી ચાલતી DP/30 સીરિઝમાં દેખાયો. અહીં તેણે કહ્યું, 'કોને હોલિવૂડ એક્ટર નથી બનવું? દુનિયા એક સાથે આવી રહી છે, તે એક બની રહી છે અને મને લાગે છે કે સિનેમા પણ 'ગ્લોબલ સિનેમા' તરીકે ઓળખાશે. આ હવે હોલીવુડ કે બોલિવૂડ નથી. સંસ્કૃતિનું આદાનપ્રદાન, પ્રતિભાનું આદાનપ્રદાન શરૂ થયું છે. હું ખરેખર ઈચ્છું છું કે તમામ દિગ્દર્શકો અમને અભિનેતા તરીકે અનુભવે અને હું પણ એવું જ કરવા ઈચ્છું છું. આ ખૂબ જ સારી સિનર્જી હશે.
ફિલ્મનું ગીત 'નાટૂ નાટૂ' ઓસ્કાર 2023 માટે નોમિનેટ થયું
આ દરમિયાન રામ ચરણ હાલમાં અમેરિકામાં યોજાનારા ઓસ્કર 2023 માટે તેની ફિલ્મ 'RRR'નું પ્રમોશન કરી રહ્યા છે. ફિલ્મનું ગીત 'નાટૂ નાટૂ' ઓસ્કાર 2023 માટે નોમિનેટ થયું છે. અભિનેતા તાજેતરમાં બે લોકપ્રિય હોલીવુડ ટોક શો- ગુડ મોર્નિંગ અમેરિકા અને ક્લટા એન્ટરટેઈનમેન્ટમાં તેની ફિલ્મ વિશે બોલતો જોવા મળ્યો હતો. આ સિવાય 'RRR'ના નિર્માતાઓએ એક ખાસ સ્ક્રીનિંગનું પણ આયોજન કર્યું હતું.
ટ્રેન્ડિંગ સમાચાર
ટોપ સ્ટોરી
