તનુશ્રી દત્તાએ નાના પાટેકર પર લગાવેલા આરોપો અંગે અમિતાભ બચ્ચન અને આમિર ખાને શું કહ્યું ? જાણો વિગત

મુંબઈઃ બોલીવુડ એક્ટ્રેસ તનુશ્રી દત્તાએ નાના પાટેકર પર લગાવેલા આરોપોની ફિલ્મ ઈન્ડસ્ટ્રીમાં ચર્ચા થઈ રહી છે. મુંબઈમાં ઠગ્સ ઓફ હિન્દુસ્તાનના ટ્રેલર લોન્ચિંગ પ્રસંગે આમિર ખાન અને અમિતાભ બચ્ચનને આ અંગે સવાલ કરવામાં આવ્યા હતા. આમિરે આ મુદ્દે તેનો પક્ષ રાખ્ય હતો તો અમિતાભ બચ્ચને બોલવાનું ટાળ્યું હતું.

અમિતાભ બચ્ચને તનુશ્રી દ્વાર નાના પર લગાવવામાં આવેલા સવાલને ટાળતાં કહ્યું કે, “ન તો હું તનુશ્રી દત્તા છું કે ન તો હું નાના પાટેકર, આ મુદ્દે હું કંઈ ટિપ્પણી ન કરી શકું.”

આમિર ખાન પણ આ સવાલનો જવાબ આપવાથી બચી રહ્યો હતો. તેણે કહ્યું, જ્યાં સુધી તમને કોઈ પણ ચીજને પૂરી જાણકારી ન હોય તો બોલવું મુશ્કેલ છે. જો આમ થયું હોય તો દુઃખદ છે. હું અંગે કંઈ કોમેન્ટ ન કરી શકું. તેની તપાસ થી જોઈએ.