Lata Mangeshkar Last Photos: લતા મંગેશકરના નિધન બાદ યાદોમાં ખોવાયેલી આશા ભોસલે, શેર કરી આ અમૂલ્ય તસવીર
Lata Mangeshkar Last Photos: ઈન્સ્ટાગ્રામ પર શેર કરેલી આ તસવીર સાથે આશા ભોંસલેએ કેપ્શનમાં લખ્યું, 'બાળપણના દિવસો કેવા હતા, દીદી અને હું'.
Lata Mangeshkar Last Photos: ઈન્સ્ટાગ્રામ પર શેર કરેલી આ તસવીર સાથે આશા ભોંસલેએ કેપ્શનમાં લખ્યું, 'બાળપણના દિવસો કેવા હતા, દીદી અને હું'.
સુપ્રસિદ્ધ ગાયિકા લતા મંગેશકર હવે આપણી વચ્ચે નથી. લતાજીએ રવિવારે 6 ફેબ્રુઆરીએ સવારે 8:12 વાગ્યે અંતિમ શ્વાસ લીધા હતા. લતા મંગેશકર પણ 'સ્વર કોકિલા'ના નામથી દેશ અને દુનિયામાં પ્રખ્યાત છે. લતાજીના નિધન પર તેમની બહેન આશા ભોંસલેએ પણ તેમને ખૂબ જ ભાવુક રીતે યાદ કર્યા છે.
આશા તાઈએ પોતાની અને લતા મંગેશકરની એક તસવીર સોશિયલ મીડિયા પર શેર કરી છે. આ તસવીર આશા અને લતા તાઈના બાળપણની છે. ઈન્સ્ટાગ્રામ પર શેર કરેલી આ તસવીર સાથે આશા ભોંસલેએ કેપ્શનમાં લખ્યું છે કે, 'બાળપણના દિવસો કેવા હતા, દીદી અને હું.' આશા ભોંસલેએ આ કેપ્શન સાથે હાર્ટ શેપનું ઈમોજી પણ શેર કર્યું છે.
">
આશા તાઈની આ પોસ્ટને 50 હજારથી વધુ લોકોએ લાઈક કરી છે. આ પોસ્ટ પર 1800 થી વધુ ટિપ્પણીઓ આવી છે, જ્યાં લતા મંગેશકરના ચાહકો તેમને શ્રદ્ધાંજલિ આપી રહ્યા છે. મીડિયા રિપોર્ટ્સ અનુસાર, લતા મંગેશકરને પહેલા કોવિડ અને પછી ન્યુમોનિયા થયો હતો અને તે છેલ્લા 29 વર્ષથી ખરાબ સ્વાસ્થ્યથી પીડાઈ રહી હતી. 92 વર્ષીય લતા મંગેશકરના અંતિમ સંસ્કાર મુંબઈના શિવાજી પાર્કમાં થયા હતા, જેમાં વડાપ્રધાન નરેન્દ્ર મોદી સહિત બોલિવૂડની હસ્તીઓ હાજર રહી હતી.
લતા મંગેશકરે પ્રાદેશિક ભાષાઓમાં 50 હજારથી વધુ ગીતો ગાયા છે. લતાજીએ 2015ની ફિલ્મ 'ડન્નો વાઈ' માટે છેલ્લું ગીત ગાયું હતું. લતાજીને 2001માં ભારતના સર્વોચ્ચ નાગરિક સન્માન 'ભારત રત્ન'થી સન્માનિચ કરાયા હતા.
લતા દીદીના નિધનથી ન માત્ર સંગીત જગતમાં પરંતુ દેશ દુનિયામાં શોકની લહેર છવાઇ ગઇ. નેપાળ પાકિસ્તાનમાં પણ લતા દીદીની વિદાયથી શોકનું મોજું લહેરાય ગયું છે. મા સરરસ્વતીની સાધિકા વસંતપંચની બાદને દિવસે જ સૂર સાગરમાં સમાહિત થઇ ગયા. તેનો પાર્થિવ દેવ ભલે પંચ મહાભૂતમાં વિલીન થઇ ગયો પરંતુ તેની સૂર સામગ્રી હંમેશા જીવંત રહેશે અને લતાદીદીની યાદ અપાવતી રહેશે.
ટોપ સ્ટોરી
ટ્રેન્ડિંગ સમાચાર
