આ જાણીતા ભજન ગાયક બિગ બોસ 12માં કરશે એન્ટ્રી, જાણો વિગત

શો 16 સપ્ટેમ્બરથી ઓન એર થશે. પહેલા શો 10.30 કલાકે ઓન એર થતો હતો પરંતુ હવે તેનું ટાઇમિંગ 9 વાગ્યાનું કરી દેવામાં આવ્યું છે. સલમાન ખાન શોના પ્રોમોમાં રોચક રીતે સીઝનમાં થયેલા ફેરફારનો ઉલ્લેખ કરતો નજરે પડ્યો હતો.

તાજેતરમાં જ ગોવામાં શોના લોન્ચ દરમિયાન મેકર્સે ભારતી સિંહ અને હર્ષ લિમ્બાચિયાના રૂપમાં પ્રથમ સેલિબ્રિટી જોડી રજૂ કરી હતી. આ વખતે દીપિકા કાકર, રોહિત સુચાંતી, કરનવીર બોહરા, સૃષ્ટિ રોડે, દેવોલીના ભટ્ટાચાર્ય, રિદ્ધિમા પંડિતના નામ સ્પર્ધકો તરીકે સામે આવ્યા છે.

મુંબઈઃ બિગ બોસ સીઝન 12ને લઈ સસ્પેન્સ બનેલું છે. આ વખતે જોડિયાના કોન્સેપ્ટની સાથે નવા અંદાજમાં લાવવામાં આવશે. શો ઓન એર થવાની તારીખ જેમ નજીક આવી રહી છે તેમ લોકોની આતુરતા પણ રહી છે.

અહેવાલો મુજબ ભજન ગાયક અનુપ જલોટા પણ શોનો હિસ્સો બનશે. સૂત્રોના જણાવ્યા મુજબ બિગ બોસમાં આવવાને લઈ તેઓ થોડા ગભરાતા હતા. તેમની છબી સ્વચ્છ છે અને તેઓ ક્યારેય વિવાદનો હિસ્સો નથી બન્યા. શોના મેકર્સ તેમને મનાવવામાં સફળ રહ્યા છે અને હવે અનુપ સિંગલ સેલિબ્રિટી કન્ટેસ્ટન્ટ તરીકે નજરે પડશે.