Covid 19: બન્ને પુત્રીઓ બાદ ફિલ્મ નિર્માતા કરીમ મોરાની પણ કોરોનાથી સંક્રમિત, હોસ્પિટલમાં દાખલ

રવિવારે કરીમ મોરાની નાની દીકરી શઝા કોરના પોઝિટિવ હોવાનો રિપોર્ટ આવ્યો હતો, તેના બાદ આગલા દિવસે સોમવારે મોટી દીકરી અને અભિનેત્રી ઝોયા પણ કોરોના સંક્રમિત થઈ હતી

મુંબઈ: પોતાની બન્ને પુત્રીઓનો કોરોના રિપોર્ટ પોઝિટિવ આવ્યા બાદ ફિલ્મ નિર્માતા કરીમ મોરાની પણ કોરોના વાયરસથી સંક્રમિત થયા છે અને હાલ તેઓ મુંબઈમાં એક હોસ્પિટલમાં દાખલ છે. કરીમ કોરોના વાયરસથી સંક્રમિત હોવાની પુષ્ટીની જાણકારી ખુદ તેમના ભાઈ અલી મોરાનીએ એબીપી ન્યૂઝને આપી હતી. આ પહેલા રવિવારે કરીમ મોરાની નાની દીકરી શઝા કોરના પોઝિટિવ હોવાનો રિપોર્ટ આવ્યો હતો, તેના બાદ આગલા દિવસે સોમવારે મોટી દીકરી અને અભિનેત્રી ઝોયા પણ કોરોના સંક્રમિત થઈ હતી. હાલ બન્ને હોસ્પિટલમાં સારવાર હેઠળ છે. કરીમ મોરાનીએ એબીપી ન્યૂઝ શઝા અને ઝોયા કોરોનાથી સંક્રમિતો હાવની જાણકારી આપી હતી અને જણાવ્યું હતું કે શજા માર્ચની શરૂઆતમાં શ્રીલંકાની યાત્રા કરીને આવી હતી, જ્યારે તેમની મોટી પુત્રી ઝોયા રાજસ્થાનથી મુંબઈ પરત ફરી હતી. નોંધનીય છે કે, કરીમ મોરાની પોતાના ભાઈ મોરાની અને મોહમ્મદ મોરાની સાથે પાર્ટનરશિપમાં ઈવેન્ટ મેનેજમેન્ટ કંપની સિનેયૂગ એન્ટરટેઈનમેન્ટ ચલાવે છે. અને તે શાહરુખ ખાનનો ખૂબજ નજીકનો મિત્ર પણ છે. તેમણે શાહરુખ ખાન સ્ટારર, રા. વન, ચેન્નઈ એક્સપ્રેસ, હેપ્પી ન્યૂ યર, દિલવાલે જેવી ફિલ્મોને પણ કૉ-પ્રોડ્યૂસ કરી છે.