Shah Rukh Khan: શાહરુખને મળેલી ધમકીમાં પણ સામે આવ્યું હરણ કનેક્શન, આરોપીએ કર્યો ચોંકાવનારો દાવો

Shah Rukh Khan: શાહરૂખ ખાનને ધમકી આપનાર આરોપીએ ચોંકાવનારો દાવો કર્યો છે. તેના દાવાને હરણના શિકાર સાથે કનેક્શન છે. આરોપી ફૈઝાન ખાને દાવો કર્યો છે કે તેણે શાહરૂખ વિરુદ્ધ ફરિયાદ નોંધાવી હતી અને તેથી જ તેને હવે ફસાવવામાં આવી રહ્યો છે.

શાહરૂખ ખાન

Source : IMDb

Shah Rukh Khan: બોલિવૂડ સુપરસ્ટાર શાહરૂખ ખાનને જાનથી મારી નાખવાની ધમકી મળવાના કેસમાં હવે એક રસપ્રદ વળાંક આવ્યો છે. હવે આ કેસમાં પણ હરણનું કનેક્શન સામે આવ્યું છે. ગુરુવારે એવું સામે આવ્યું કે કોઈએ મુંબઈના બાંદ્રા પોલીસ સ્ટેશન પર ફોન કરીને શાહરૂખને મારી નાખવાની ધમકી આપી હતી. કેસની તપાસ દરમિયાન પોલીસને ખબર પડી કે આ કોલ રાયપુરથી કરવામાં આવ્યો હતો. જે નંબર પરથી કોલ કરવામાં આવ્યો હતો તે ફૈઝાન ખાન નામના વ્યક્તિનો છે. 

 

Actor Shah Rukh Khan (@iamsrk) gets threat, case registered in Bandra police station: Official. pic.twitter.com/NTvKvqmeka

— Press Trust of India (@PTI_News) November 7, 2024

કાળિયાર શિકારનો મામલો 24 વર્ષ બાદ પણ ચર્ચામાં

મીડિયા સાથે વાત કરતા ફૈઝાને કહ્યું કે તેનો ફોન 2 નવેમ્બરે ચોરાઈ ગયો હતો. પરંતુ હવે ફૈઝાને ચોંકાવનારો દાવો કર્યો છે. તેના દાવાને હરણના શિકાર સાથે કનેક્શન છે. ઉલ્લેખનીય છે કે બોલિવૂડ સુપરસ્ટાર સલમાન ખાન સાથે સંબંધિત કાળિયાર શિકારનો મામલો 24 વર્ષ બાદ પણ ચર્ચામાં છે. ગેંગસ્ટર લોરેન્સ બિશ્નોઈ, જેણે સલમાનને મારી નાખવાની ધમકી આપી હતી, તેણે શિકારના કેસને બોલીવુડના સુપરસ્ટાર સાથેની દુશ્મનીનું કારણ ગણાવ્યું છે.

તેણે શાહરૂખ વિરુદ્ધ ફરિયાદ નોંધાવી હતી

શાહરૂખને ધમકી આપવાના સંદર્ભમાં હરણ કનેક્શનની માહિતી અનુસાર, શાહરૂખ ખાનને ધમકી આપવાના આરોપી ફૈઝાન ખાને કહ્યું છે કે તેણે શાહરૂખ વિરુદ્ધ ફરિયાદ નોંધાવી હતી. આથી તેને હવે ધમકીઓ આપવાના કેસમાં ફસાવવામાં આવી રહ્યો છે.

ફૈઝાને કહ્યું કે તેણે શાહરૂખ વિરુદ્ધ 'બે સમુદાયો વચ્ચે દુશ્મનાવટ ઊભી કરવા' માટે ફરિયાદ નોંધાવી હતી. એક વીડિયોની લિંક શેર કરતા તેણે શાહરૂખ પર ગંભીર આરોપ લગાવ્યા છે. ફૈઝાનનો આરોપ છે કે ફિલ્મ 'અંજામ' (1994)માં શાહરૂખે બતાવ્યું કે તેણે એક હરણને મારી નાખ્યું હતું અને તેણે તેના સ્ટાફને તે હરણનું માંસ રાંધીને ખાવાનું કહ્યું હતું. ફૈઝાનનો આરોપ છે કે ફિલ્મમાં આવા સીન બતાવવાથી બે સમુદાયો વચ્ચે દુશ્મનાવટ થઈ શકે છે. એક વીડિયોમાં ફૈઝાને આરોપ લગાવ્યો છે કે શાહરૂખના કેટલાક આતંકી તત્વો સાથે પણ કનેક્શન છે.

આ પણ વાંચો...