Tunisha Sharma ની આત્મહત્યા બાદ ટીવી શો ‘અલી બાબા-દાસ્તાન એ કાબુલ ’ઠપ્પ 

ટીવી અભિનેત્રી તુનીષા શર્માએ 24 ડિસેમ્બર 2022ના રોજ 'અલી બાબા દાસ્તાન એ કાબુલ'ના સેટ પર ફાંસી લગાવીને આત્મહત્યા કરી લીધી હતી.

'અલી બાબા: દાસ્તાન-એ-કાબુલ' નું શૂટિંગ બંધ

Tunisha Sharma Show Ali Baba: Dastaan-E-Kabul Stopped: ટીવી અભિનેત્રી તુનીષા શર્માએ 24 ડિસેમ્બર 2022ના રોજ 'અલી બાબા દાસ્તાન એ કાબુલ'ના સેટ પર ફાંસી લગાવીને આત્મહત્યા કરી લીધી હતી. અભિનેત્રીના મૃત્યુ બાદ એક્ટર શીઝાન ખાન પોલીસ કસ્ટડીમાં છે. તે તુનિષા સાથે શોમાં લીડ રોલમાં હતો. તુનિષાના મૃત્યુ અને શીઝાન પોલીસ કસ્ટડીમાં હોવા બાદ શોના મેકર્સ મુશ્કેલીમાં મુકાઈ ગયા છે. શોનું શૂટિંગ રોકવાનો નિર્ણય લેવામાં આવ્યો છે.

શું તુનિષાનો શો અટકી જશે?

તુનીષા શર્માના મૃત્યુ પછી જ 'અલી બાબા: દાસ્તાન-એ-કાબુલ' નું શૂટિંગ તરત જ બંધ કરી દેવામાં આવ્યું હતું. હવે પછી શો શરૂ થશે કે કેમ તે અંગે આશંકા છે. શોના કલાકારો અને ક્રૂ સભ્યોને આશા છે કે શૂટિંગ ગમે ત્યારે શરૂ થઈ શકે છે. શો સાથે સંકળાયેલી એક કલાકારે ETimes ને આપેલા ઇન્ટરવ્યુમાં કહ્યું છે કે શોને પાછું કેવી રીતે લાવવો તે વિશે વિચારવામાં પ્રોડક્શન હાઉસ થોડો સમય લેશે. હવે શો ફરી શરૂ થાય છે કે નહીં તે તો સમય જ કહેશે.

મુખ્ય લીડ તુનીશા અને શીઝાન હતા?

ટીવી શો 'અલી બાબા દાસ્તાન એ કાબુલ'નું શૂટિંગ આ વર્ષે જૂનમાં શરૂ થયું હતું અને તેનું પ્રીમિયર 22 ઓગસ્ટ 2022ના રોજ Sony SAB પર શરૂ થયું હતું. તુનિષા શર્મા અને શીઝાન ખાન મુખ્ય ભૂમિકામાં હતા. એક તરફ તુનિષા હવે આ દુનિયામાં નથી, તો બીજી તરફ તુનિષાને આત્મહત્યા માટે ઉશ્કેરવા બદલ શીઝાન ખાન પોલીસ કસ્ટડીમાં છે.

તુનિષાએ શોના સેટ પર જ ફાંસી લગાવી લીધી હતી

તુનિષાએ શનિવારે બપોરે લગભગ 3 વાગ્યે શોના મેક-અપ રૂમમાં ફાંસી લગાવીને આત્મહત્યા કરી લીધી હતી. તેને તેના કો-એક્ટર શીઝાન સાથે અફેર ચાલી રહ્યું હતું. શીઝાનનું 15 દિવસ પહેલા તુનિષા સાથે બ્રેકઅપ થઈ ગયું હતું, જેના કારણે તે ખૂબ જ દુઃખી હતી અને ડિપ્રેશનમાંથી પસાર થઈ રહી હતી. તુનિષાની માતાએ શીઝાન પર છેતરપિંડીનો આરોપ લગાવ્યો છે.   

તુનિષા શર્માની માતા વનિતા શર્માની ફરિયાદ બાદ મુંબઈની વસઈ પોલીસે શેજાન મોહમ્મદ ખાનની ધરપકડ કરી હતી. આ પછી પોલીસે કોર્ટ પાસે શીજાનની 4 દિવસની કસ્ટડી પણ માંગી છે. જે અંતર્ગત પોલીસ સતત શીજાનની પૂછપરછ કરી રહી છે.