Bollywood : રાજેશ ખન્નાનો જમાઈ બનવા અક્ષયે કરેલું ચીટિંગ, આ અભિનેત્રી ધ્રુસકે ને ધ્રુસકે રડેલી

અક્ષય અને શિલ્પા એક સાથે ફિલ્મ કરતી વખતે એકબીજાના પ્રેમમાં પડ્યા હતા. મૈં ખિલાડી તુ અનારી, જાનવર, ઈન્સાફ, ધડકન જેવી ફિલ્મોમાં તેમની જોડી ખૂબ જ ગાઢ બની અને બંનેએ ઈશ્ક લડાવવાનં શરૂ કર્યું.

Akshay Kumar

Akshay Kumar and Shilpa Shetty: અક્ષય કુમાર માત્ર બોલિવૂડનો જ નહીં પણ દિલનો પણ ખેલાડી રહ્યો છે. આમ કંઈ એમ જ નથી કહી રહ્યા, પરંતુ જેમનું દિલ અક્ષયે તોડી નાખ્યું હતું એ અભિનેત્રીઓએ આમ કહ્યું છે. આ યાદીમાં રવિના ટંડનથી લઈને શિલ્પા શેટ્ટી સુધીના નામ સામેલ છે. તેમના મતે અભિનેતાએ તેની સાથે પ્રેમની રમત રમી અને તેનું દિલ તોડી નાખ્યું. વર્ષ 2001માં જ્યારે અક્ષય કુમારે ટ્વિંકલ ખન્ના સાથે લગ્ન કર્યા ત્યારે પણ એક વ્યક્તિ એવી હતી જેનું હૃદય ભગ્ગ્ન થઈ ગયું હતું અને તેની પીડા તેની આંખોમાંથી આંસુના રૂપમાં ઘણી વહી ગઈ હતી. બીજું કોઈ નહીં પણ અભિનેત્રી શિલ્પા શેટ્ટી હતી. જેને અક્કીએ પ્રેમના વાયદા કર્યા હતા અને હજારો સુંદર સપના બતાવ્યા હતા, પરંતુ તે બધા એક જ ક્ષણે તૂટીને ચકનાચૂર થઈ ગયા હતા.

અક્ષય કુમાર શિલ્પાને ડેટ કરી રહ્યો હતો

તે કોઈ રહસ્યની વાત નથી કે, અક્ષય અને શિલ્પા એક સાથે ફિલ્મ કરતી વખતે એકબીજાના પ્રેમમાં પડ્યા હતા. મૈં ખિલાડી તુ અનારી, જાનવર, ઈન્સાફ, ધડકન જેવી ફિલ્મોમાં તેમની જોડી ખૂબ જ ગાઢ બની અને બંનેએ ઈશ્ક લડાવવાનં શરૂ કર્યું. તેમનો સંબંધ ઘણા વર્ષો સુધી ચાલ્યો. આ દરમિયાન તેઓ એકબીજાની ખૂબ નજીક આવી ગયા હતા. એવા અહેવાલો હતા કે બંને લગ્નના બંધનમાં બંધાવા જઈ રહ્યા છે, પરંતુ ત્યારે જ 2001માં અક્ષય ટ્વિંકલનો થઈ ગયો. તેમના લગ્નના સમાચારે શિલ્પાને હચમચાવી દીધી હતી. ક્યાં તે પોતાના સુંદર દાંપત્ય જીવનના સપનાઓ સજાવી રહી હતી અને ક્યાં તેને આ બધું જોવાનું આવ્યું. જેના કારણે તે એકદમ જ ભાંગી પડી હતી.

શિલ્પાએ અક્ષય પર લગાવ્યો આરોપ 

એ દરમિયાન શિલ્પાનું દર્દ તેના હૃદય, આંખો અને શબ્દો દ્વારા ખૂબ જ વ્યક્ત થયું હતું. એક ઈન્ટરવ્યુમાં શિલ્પાએ સ્પષ્ટ કહ્યું હતું કે, અક્ષયે તેને પ્રેમનું વચન આપ્યું હતું પરંતુ તેણે તે વચન તોડ્યું અને તેની સાથે છેતરપિંડી કરવા લાગ્યો. જ્યારે દર વખતે તેની દરેક વાતને સત્ય માનતી રહી. નવાઈની વાત એ હતી કે, શિલ્પા અને ટ્વિંકલ વચ્ચે સારી મિત્રતા હતી, તેમ છતાં અક્ષયે આ કર્યું હતું. પરંતુ શિલ્પાએ ક્યારેય ટ્વિંકલને આ માટે દોષી નથી ઠેરવી.

અક્ષય-ટ્વીંકલની 22મી વર્ષગાંઠની ઉજવણી 

અક્ષય અને ટ્વિંકલના લગ્નને 22 વર્ષ પૂરા થયા છે, બંને તેમના પરિવાર સાથે સુખી જીવન જીવી રહ્યા છે. ટ્વિંકલ હિન્દી સિનેમાના સુપરસ્ટાર રાજેશ ખન્નાની પુત્રી છે. એવું પણ કહેવાય છે કે, અક્ષય કુમાર ખન્ના પરિવારનો જમાઈ બનવાની તક જવા દેવા માંગતો ન હતો. જો કે, લગ્ન બાદ પણ અક્ષય જરૂર લપસ્યો હતો. તેનું નામ પ્રિયંકા ચોપરા સાથે જોડાયું હતું.